الجزء الثاني من مسجاتي..اتمنى انها تعيبكم..

[بنوتة جميرا]

مرحبا مليووووون بكل الاعضاء
اليوم بكمل مسجاتي وان شاء الله تعيبكم...

سامحني..
إن صديت عنك وجفيت...
أو وعدتك ونسيت...
أو كنت معك وما وفيت...
أو أخطيت وما دريت...
لكن تأكد فيني طبع
"إذاخاويت ما تخليت"

قالوا تعطيه قلبك..؟؟
قلت يفداه..!!
قالو يا مجنون بتموت..
قلت أنا ميت بلاه..!!

أبيك تعرف ان لك حبيب بكل ما فيه يغليك..
بكل ما عطاه ربي من احاسيس يحتويك..
روحه حياته حتى جروحه تفتديك..
لا تظن انه في يوم يقدر ينتسيك..
يبيك تذكره لا صارت الليالي تجافيك..
وتدعيله عسى الله له يخليك..
"أحبج يا الغلا"

"جتني رساله"
رمزها يشرح البال..
هزت"شعوري"يوم عيني قرتها..
مشكور"ياغالي"يا اعز مرسال..
شفت الرساله غاليه بس "غالي"اللي رسلها..

أهديتلك"قلبن"ماسكن فيه(مخلوق)..
"قلبن"عجز لا يقنعه اي إنسان!!!
"قلبن عنيد"ونظرته"دايمن فوق"..
قلبن كتوم وماشكى هم وأحزان..
"قلبن"بغاك وحافظك وسط صندوق..
قلبن ترى غيرك فلا هزه إنسان..

فديت وقتن حط في دربي.:.حبيب.:.
واحدن يضحك معي واضحك.:.معه.:.
واحدن لا صار وسط القلب.:.ضيق.:.
بالسوالف والمزايح.:.وسعه.:.
وان حكى باسلوبه العذب.:.الرقيق.:.
يسرق من الجوف قلبن.:.يسمعه.:.

أبا اهديج الغلا اللي ماعطاه انسان لاي انسان..
وابا اهديج القصيد اللي عن احزاني يسليني..
اغليج غلا لا يمكن يعيش بعالم النسيان!..
واحطج في خفا قلبي واشيلج في،،
،:،وسط عيني،:،

ليتك تعاملني مثل(المضاد الحيوي)كل 8 ساعات تراسلني..
أو حتى مثل(الفيتامين)مره في اليوم تكفيني..
بس لا تخليني مثل(البندول)عند اللزوم تذكرني!!!..

إذا"الغلا"ناخذه ونعطيه على الكيف..
ترى"الغلا"مني لك اول هديه..
كلامي معك صادق ولا اظن فيه تزييف..
مقصدي"خير مالي مقاصد رديه..
"صاحبي"افديه لو حتى على رقبتي السيف..
"اوفيه"ولو~دنياي~ماهي وفيه..

أنا كيف اعيش العمر ولو لحظه بلا عيونك..
أنا كيف أنسى الليالي وانت اللي محليها..
حبيبي لك عيوني اسكنها ويحمونك..
ولك الروح ياغالي دامك من سكن فيها..
أنا لو بوصف الشوق كل ربعي يحسدونك..
ولو تسألني تحبني؟؟!!
.:.أقول بالحيل مجنونك.:.

ذبحني طبع اسلوبك..
أحبك واعشق عيونك..
أسيبك لا حشى ما أقوى..
حياتي كلها صوبك..
عد النجوم لوتقدر..
عد بحياتك كثر ما تقدر..
ومهما تعد اعرف اني احبك اكثر واكثر..

غبت عن عيني وعذرتك~
قلت غالي وما جرحتك~
هزني الشوق وذكرتك~
كل هذا وما وحشتك؟؟!!

ماهو خطا لا زاد شوقي"وونيت"
ولا صارت ايامي بدونك"نكاده"
الشوق يا خلي جبرني"وحنيت"
وعشت في ذكراك لحظه"سعاده"
لو هو على كيفي أنا كان"شديت"
يمك رحل قلبي وارخى"عناده"
وحشتني..

أغليك من قلبي ولا اقدر أنساك"
ذكرك يحرك كل الاحساس فيني"
أنت دخلت القلب والقلب أغلاك"
مقدر أكابر ولا اخفي حنيني"
عسى السعاده وين مارحت تلقاك"
وعسى الغلا يدوم "بينك وبيني"

مشتاااااااق صدقني لعطفك وراجيك..؟؟!
أرجوك لا تكسر عيوني بفراقك..؟؟!
رغبت طفل كله يحبك ويغليك...
كنك حنان الام والجنه رضاك..!!
ياااااااحبي ماهو هين انسى وأخليك..!!؟
يلعن أبو العشره إذا القلب ينساك..

عمري ما فكرت أنسى ذكرياتك حتى لو كانت بسيطه!
"ضحكتك"واللي خلقني ما تفارقني دقيقه!
(لو ما احبك)
في غيابك ما تألمت!
(لو ما احبك)
ما فقدتك وانقهرت!
كل شي بهالوجود بيتغير الا حبي لك..
ساكن بروحي~مايموت الا بموتي~

الروح تحيا يوم اسمع بطاريك~
ودنياي بوجودك صدقني هنيه~
مثل المطر تحيي الشعوب المهاليك~
تروي القلوب الظاميات الشقيه~
الرب يعلم بالغلا كثر ما اغليك~
والروح ترخص لاجل عينك هديه~

هــ(بقلبي)ـــلا
هــ(بعمري)ــلا
هــ(بمخفف جروحي)ـــلا
هــــلا باللي متى ارسل تطيب وتنتعش روحي..

طمن فوادك صاحبي مقدر أنساك..
وشلون انسى شوف عيني ونظرها..
حاولت انسى وكل ما مر ذكراك ارتاح..
وانسى دنيتي مع كدرها..
لازم يجيني يوم ارتاح وانساك..
تدري متى؟؟؟
يوم المقابر تحتظني"بحفرها"..

غيابك ذبح فيني مفاهيم الاشواق~
واسقى عروقي للفراق وزرعني~
أنا ادري انك تملك احساس واخلاق~
احساسك اللي من عروقي نزعني~
وش فيك !!ما تفهم!! ترى جد!!
مشتاااااااااااااااااااااااااااااق
سيف الثواني في غيابك طعني~

يا"حياتي"منك ما(اشتكيت)
غالي"قدرك"وعندي(ماتهون)
ع"الوفا"باقي وعهدي(مانسيت)
و"الوفا"هيهات ياخلي(يخون)
لا حشا والله عنك ماسليت
منزلك عالي وتفداك العيون

الله ياكم أحبك واغليك_
وغلاك في قلبي تعدى حياتي_
وشلون ماحبك وانا ميتن فيك_
واموت في حبك لو هو مماتي_
اسمع حبيبي عسى الله يخليك_
إن مت!!!حبي لك تراه هو وصاتي!

ياشوق خبرني عن اللي انا اغليه..
واحد روحي بحبه شغوفه..
اغليه من بد المخاليق وافديه..
احس للفرحه طعم يوم اشوفه..
يطلب عيوني يطلب القلب واعطيه..
ارهن حياتي بين ضمه كفوفه..

ان كان لي في الناس شخص اعزه..
فانت العزيز اللي مدى العمر غالي..

عذري اني احبك لو تموت الاعذار..
وعذرك انت تحس وتدري اني ابيك..
انا عمري ما نسيتك..
لو تبيع ايامي يـ الغالي شريتك..
لو تزيد احزاني من فرحي عطيتك..
حتى لو تظلمني عمري ما شكيتك..
أ ح ب ك

انشالله تعيبكم المسجات
ولو تبون عندي زياده..خخخخخخ..
لاني تعبت الحين بعد

[بحر الموده]

مرحبا والله

بنوتة جميرا ماشاء الله اللهم لا حسد كل هالمسجات فى تيلفونج عيل فل صندوق الرسائل عندج يكيكيكي

يعطيج العافيه وعيبتنى المسجات وايد ونتظر كل يديد منج ماقصرتى

[بنوتة جميرا]

خخخخخخخخ
لا بعد في مكان وايد في صندوق الوارد
وفي مسجات ما كتبتها
تعبت..خخخخخخخخخخ..
والحمدلله ان مسجاتي عيبتك ياخوي بحر الموده
والف شكر ع مرورك الكريم

اختكم.. بنوتة جميرا ..

[مــهــابه]

أهديتلك"قلبن"ماسكن فيه(مخلوق)..
"قلبن"عجز لا يقنعه اي إنسان!!!
"قلبن عنيد"ونظرته"دايمن فوق"..
قلبن كتوم وماشكى هم وأحزان..
"قلبن"بغاك وحافظك وسط صندوق..
قلبن ترى غيرك فلا هزه إنسان..




وايـد حلـواتــ
حبيــتهم !!

تـسلمين اختـيه!!

[الاسطوري]

اختي حلوه المسجات ومشكوره على
هالمجهود الطيب

[بنوتة جميرا]

مهابه..الاسطوري
مشكورين ع المرور
والحمدلله المسجات عيبتكم

[شوق القلوب]

السلام عليكم..

ماشاء الله .. مسجاتج حللللللللللللوه.. و طمعانين في الباجي ^_^

[حلم الطفوله]

السلام عليكم

مشكوره على هالمسجات عزيزتي

عمري ما فكرت أنسى ذكرياتك حتى لو كانت بسيطه!
"ضحكتك"واللي خلقني ما تفارقني دقيقه!
(لو ما احبك)
في غيابك ما تألمت!
(لو ما احبك)
ما فقدتك وانقهرت!
كل شي بهالوجود بيتغير الا حبي لك..
ساكن بروحي~مايموت الا بموتي~

[شمعة أمل]

ناايس .. حبيت المسجاات .. تسلمين

[بنوتة جميرا]

شوق القلوب..حلم الطفوله..شمعه امل
ثانكس ع المرور
وانشالله الباقي في الطريق
بنزل موضوع يديد قريب انشالله

[بنوتة وردية]

يسلموووو ع المسجات الرووووعة

ونتريا يديدج أختي بنوتة جميرا

[بنوتة جميرا]

الله يسلمج الغلا
وثانكس ع المرور