جيب SRT-8 توربو, هل من منااافس !!!

[ذنـيـنـي]

620 حصان
و عزم يصل الى 640 رطل للقدم

و تسارع يخطف الانفاس في 3.7 ثواني !!!

هل من منافس !!










وداعا كايان جمبالا 750
وداعا لمبرغيني جلاردو
وداعا فيراري F430
وداعا SLR

تعالوا شموا ريحة غباري

[خيال الحب]

حبيت ازيد على الموضوع..

سعر السياره 192 الف

مع ضمان 5 سنوات ..

الصرااااحه الموترر وحشش وان شاء الله ناوين نطلع واحد ^__^ اذا الله راد

[ذنـيـنـي]

الي تقصده الـ SRT-8 العادي

هذا مزود و عليه توربو تشارجر D=
بس بعد الجيب الـ SRT-8 العادي وحححححش

و اقوى من الكايان توربو العادي

[خيال الحب]

عيل هذا بكم..

بس شكله عجيب ياخيي

[الاسطوري]

لا تعذبني يابو نصنص ،، ماوصيك إذا خذيت لك وحده
خبرني عشان أجربها لك وأقولك
تمشي ولا لأ

[مايهزك ريح]

ياويلي .. هذا الجيب عذبني .. ذنيني حرام عليك .. في ناس ما يستحملون يشوفون هالأشياء..
ومشكور على الموضوع ..

[حصان طروادة]

الظاهر ما شفتوا الريس اللي صار قبل فترة بين الجيب STR والM5

يحليله راعي البي إم وهم واقفين على الإشارة ضارب أربع إشاير أونه خلاص بيروح عن الجيب .

طبعا الإشارة كانت خضرة ويتريون لين تحمر ويبدأ السباق .

أول ما احمرت الإشارة راعي البي إم ما رُوح ريحة الجيب ، والجيب SRT ستاندرد.

خخخخخخخخخخخخخخخخخخخخخ

ولا تنسون جي إم سي يوكون دينالي مكينته أكبر من الجيب SRT ، السعة 6.2 ، 441 حصان ، مع عزم 615 وهذا استاندرد ، و جير 6 غيار مع توب ترونيك.

أما الجيب فالسعة 6.1 ، 420 حصان على ما أذكر مع عزم 420 .

وسعر الدينالي حوالي 185000 .

[الملياردير]

والله هال الموتر من نزل و داش خاطري بس ادعولي اطلعلي واحد انشالله

[ولد الشحوح]

كم سعره ... ؟!؟ خاطري فواحد ان شاء الله بس الله يكتب لي النسبة الحلوة ونكمل الفرحة بالجيب

[حصان طروادة]

ولد الشحوح سعر الستاندرد 192000

طبعا بعدين تقدر تزوده بروحك ، عندك وكالة الوطنية للسيارات وليبرتي .

[الرحيل]

وحششششششش والله


اذكر اول مره شفت هالسياره في بوظبي

وكنت اقول شو نوعها كنت ماعرف شو سالفتها..كانت توه يديده وحتى مب نازله كان صاحبها يايبها من برع

كان لونها اسود..قلت الا اسال صاحب السياره..ويوم سالته قالي نوعها وقلت له منو مسوي الاكوززات ومخلي جي شكلها..قال انه هو يابينها جي

اذكر قال بعد كم شهر بتنزل بالوكاله وبتنزل عندنا


بس والله انه عيبتني من اول مره..دخلت خاطري والله
..

بس الحين مب موجوده اظني لازم تطلب وتتريا لين توصلك

يسلموووو اخوي ع الصوره ولاتحرمنا من يديدك

[مجموعة إنسان]

كلاااااام مب طبيعي هذي
واحد في الجامعه (كتكوووت صغيييير) عنده هذي السيارة
شوووووووووووووووو مخبل فينا هنااااااك

[ذنـيـنـي]

على فكره يا شباب,,

من فتره ربيعي راواني واااااايد تقارير عن مكينه الهيمي
طلعت مووووووووول ما تتحمل التزويد

خلوها وكاله مثل ما هي

[سفير الخيال]

لا اتخبل بي ياااااااااااااااااااخي



من فتره أخوي يالس يغااازل الموتر جداامي عسب آخذه بس ما توقعت هالمواصفات والشكل ما شاء الله

[عاشق الخيل]

الصراحه سياره عجيبه وقوية
ربيعي عنده الجيب SRT العادية
وجربوها في دبي أوتودروم مع كم سياره
من ظمن السيارات جي ام سي عليه سوبر
وسوالف ثانيه وراحه عنه وبعد جربوها مع
كورفت ZO6 وبعد راح عنه والكورفت مكانها تحرق