اول مره سقت فيها السياره .. موضوع للشباب و البنات

[الوحيدة]

هيه والله صدقت يا الملياردير ..

خخخخخخخخخخ !

[عفاريتووو]

السلام عليكم


أول مرة سقت فيها كانت مع بداية هالسنة
1- 1- 2007 ,, في البر

و كنت واييييد واييييد مستانسة

[مجموعة إنسان]

اول مره سقت فيها كنت 3 اعدادي ..
سقت ستيشن لكزس (حركته بصراحه ووقفته عند الباب)
عقب سقت ستيشن وعفدت في الرصيف لين ما شبعت
وعقب كنت اسوق كامري لين مادعمت فيه وانا اسوي ويلاااااااااااات
ومره غرزت فيييييه في مكاااان الله يبعدكم عنه بعييييييييييييييييييييييي يد ..

وعقب الكورولا (الضحية ) دخلتها في دوار ودعمت فيها في شارع الأمارات باس كان عندي ليسن حزتها و شحفتها من كل مكان ..

واخيرا
حبيبتي هنادي ( هوندا اكورد)

[الاسطوري]

و الموقف المضحك الي صارلي كان عمري 16 و كنت تعبان فخذت السياره و سرت العياده و انا طالع ما انتبهت انه شي سياره و من الخربطه دعمت درام زباله

ايوا يعني طلعت انته راعي سالفة درام الزباله وانت
بكرامه ، زين عيل ماعرفت سوالفنا
ولا جان انفضحنا

[مزن هتان]

أول مره سقت فيها السياره كان عمري 18+ 4 شهور
كانت سيارة التدريب

اذكر و انا اتدرب وصلت لمطبه لزمت بريك والا أشوف
المدربه لاصقه الجامه ويهي تكسر
و أول يوم من استلمت الـ ليسن ركبت الرصيف كانت عندي كامري
تميت واقفه ما عرف شـ سوي عقب اختي قالت لي اتحركي
وبعدها بأسبوعين كنت طالعه من بيت يدتي مادري ما كنت منتبهه للشارع
طااااخ ما اسمع صوت للي معاي شـ السالفه مزن لاصقه ابـ التيما صفطت
يمين ظهرت حرمه شي اكيد انه مزن الغلطانه و انا ميته من الخرعه
كان حزتها عندي النيسان بس زين ماصر شي لا لسيارتي ولا سيارتها
ولين اليوم الحمدلله ولا حادث