تـــرجمــــان ( الشــــوك )

[أنامل قلب]

(( وصار النقاش حاداً .. ومن ثم بدأ الطرفان بالعراك

كلٌ منهما يجرح الآخر بأشواكه

ومع طول العراك وصعوبة بلوغ النهايه

تعمق ذلك العراك ليصبح مأساةً لا تفهم رموزها

لذا

دقق في مرأتي

وتأمل من خلالها تلك الآلام

ترجمان ( الشوك ) ))

.
.

.
.


دققنا لين ما ملت الرسمة منا .. ^_^ ..
ما شاء الله ..
" شليت القطن بس عشان آخذ راحتي بالتأمل ..
والبحث بين خفايا عبارات تتناقل بين تفاصيل مراتك ..

ويشهد الله ان ابداع ..
خيااااال ..

ما شاء الله عليك ..
كل شوي ألاحظ شي يديد ومعنى خافي بلوحتك ..
قعدت أنبش لين ماقلت بس ..
تعبت ..
كل ماقلت خلاص فهمت اللوحة بكل تفاصيلها أكتشف بعد شوي شغله يديده .. #_@

.
.

عيبتني لوحتك صدقا ..
وبها تفاصيل جدا رائعة ..
وتراكيب وتداخلات جدا معبرة ..

والله مادري شو أقول وعلى شنو أعلق ..

انتقاءك للألوان شي له أثرمميز و واضح عالرسمة ..
وضاف لها تعبير خاص بتنوعها وتقاربها بشكل جدا يلفت ..

الاشواك جاءت بطريقة تصفها .. والتشققات اللي سببتها شي يبرز المعنى ..

السلسلة المتدلية من أكثر ما أعجبني بلوحتك .. فقد أثارت لمسة غريبة .. خاصة بما بعث منها من اشعاعات وانعكاسات أحببت طريقتك برسمها ..
وتميت أبحلق وايد ابها .. وأقكر >>> هل بمقدوري بيوم من الايام أن أصل لأفكار مشابهه بخيالي ..
جدا جاءت جميلة ماصدر من رأس السلسة .. من أشعه وأضواء أحببت الشكل الهندسي الذي جاءت عليه ..
وانتقاءك لالوانها مميز ..

اممم ... وشو بعد ....

الجرة المائلة .." وقد تكون واقعه " .. أحببتها .. ولفتني كون الامواج ظاهره منها أيضا ..
وتسكب منها سكبا ..

وووو بعد شنو يا أنامل .. اممم .. خلني أرد أدقق وأتأمل و برجع .. >>> من صدقي تميت بهالحالة احاول الاحظ كل فحوى الرسمة
من أمور أكانت واضحة .. أم خفية ..
وأتمنى أكون مريت ولاحظت أغلب تفاصيلها .. بالمعنى والشكل ..

.
.

وبعد لاحظت شغله ثانية .. >>> ما شاء الله اللوحة مليانه .. وخيالية بتفاصيلها وتوزيع وترابط عناصرها ..
الخلفية اللي تحت الجرة .. وخلف الشوك والشموع الواضحة ..
أعجبت بها .. وبطريقة رسمك لسلسة من حلقاتا تدرجت بالوان غامقة .. واضاءات خافته باوساطها ..
والشمع رمز لايق جدا .. ويضيف لمسة وتعبير خاص ..

وكيف بعد يدار المبنى اللي يحوي ما احسبه ظل أو سراب لانسان يقف جامدا بوسط هذي الدوامات اللي ضامته .. وتحيط به ..
كما إن الامواج وتياراتها اللي ياية بالوان النار .. أمر ملفت .. وكيق خلف آثار عدة منها ولها ..

.
.

اممم .. حاسة وايد رمست .. بس مادري كلها أمور لاحظتها وأحسبها كذلك ..
وللحين ماشبعت أبي أعلق أكثر .. >> جد لوحتك ملياااااانه معاني ..

بس شكلي طولت وايد ..

لكن بشكل عام ..
لوحتك كلها على بعضها ..
ابداع .. على خيال .. على تميز بالاسلوب والفكرة .. على تعبير غريب لهاجس ومعنى حاولت تنقله لنا بأحد صفحاتك ..
وقد برعت بذلك صدقا ..

الحمامة .. القفص المفتوح والضوء اللي فيه .. الشوك .. التشققات .. السلسلة .. الشموع .. الاضاءة ..
تنوع وترابط الألوان .. حتى الامواج والنقوش الغريبة كلها على بعضها وصلت ابنا بدرجة مميزة من روح الخيال ..
في إطار الواقع ..

.
.

بس لي ملاحظة أخيره وبصخ بعدها .. ^_^ ..
اممم ... بالرسمة الثالثة .. لاحظت ان في رسمة ثانية ظاهره اطرافها باللقطة اللي خذتها للوحة ..>>
>> أحسها غاوية .. فلو ماكو اي اشكال ..
اعرضها لنا ^_^ .. >>> طرار ويتشرط ..

.
.


والسموحة منك أخوي عالاطالة .. وهذربتي الزايدة واللي يمكن يكون اغلبها غير ظابط وواضح ..
لكنها بالنهاية ملاحظات عبرت مخيلتي أثناء تأملي .. لمراتك ..

ولم أنتهي .. فلازلت أتامل ..
عساني أكشف كل تفاصيلها ..

.
.

احترامي وتقديري واعجابي بفنك وفكرك ..
اختك أنامل قلب ..

: )