نقل الارقام..

[شوق القلوب]

السلام عليكم...

شخباركم أهل واحاتي الطيبييييين ؟؟؟

..


بغيت خدمه .. صغيرونه..

حد عنده فكره كيف اقدر انقل الارقام من تلفون سوني اركسون لـ النوكيـا ؟؟!!

لاني صدق متوهقه و بطاقه الـ SIM ما اتشل الا ربع الارقام..!

.
.



و شكرا ً

[الدلووووعة]

وعليكم السلام
كيف بس تكفي 4 ارقام
انتي جربتي تظغطين على الرقم وتغيرين فالخيارات من الحفظ فالمبايل لين الحفظ فالبطاقة ؟؟

[سبانش مان]

شي حل.. ليش ماتعيدين تكتبينهن بالتلفون اليديج؟؟

[سبانش مان]

اوه مبروك على التلفون اليديد اكيد هديه العيدميلاد صج ;)

[تحفه]

اوه مبروك على التلفون اليديد اكيد هديه العيدميلاد صج ;)

^ الاولاد ما ايطوفون شي ..


---


مبروك ع التيلفون .. نحن يوم نبي ننقل الارقام انوديه فون كير على شارع الشيخ زايد .. وهم ينقلونه لنا

[شرجاوي]

انو موبايل معاكي

[بوزايد]

سهل

شوفي خزني اول ربع بالبطاقه وردي نزليهم بالنوكيا

وبعدين مسحيهم من البطاقه وخزني الربع الثاني وجي لين ما تخزنيهم كلهم

[حلم الطفوله]

السلام عليكم

اونه ! وجان يردون للنوكيا

إن شاء الله يساعدونج خيتوووووو ...

[عايش وهم]

السلام عليكم

هدايا أعياد الميلاد مشكله ..

اختي شوق القلوب .. كل عام و انتي طيبه

بالنسبه للأرقام

إدخلي عالــ

1 - القائمة
2 - اسماء\أرقام
3 - خلي المؤشر أو ظللي على "صديق جديد"
4 - اضغطي خيارات
5 - اختاري "متطور"
6 - اختاري من القائمه "ارسال كل الأسماء/الأرقام"
7 - اختاري "عبر bluetooth"

و ارسلي على أي جهاز ثاني سواءاً كان نوكيا أو غير و عملية الإرسال بتاخذ وقت على حسب كمية الأرقام اللي عندج .. بس الزين إنهن بينزلن على التيلفون الثاني مثل ما هن بالأرقام و الأسماء ..


طبعاً هذا الشرح بالنسبه لتيلفون اريكسون k800 و إذا تيلفون ثاني بيكون الشرح متشابه تقريباً .

بالتوفيق .

[شوق القلوب]

هلا فيكم جميــــــع..

اسمحولي بس برد على عايش وهم.. مع اني زعلانه

..

جربت هالطريقه لكن اللي يطرّش اول رقم في القائمه بس !!

حاولت انسخ الارقام على الsim من السوني اركسون و ارجع انسخها في النوكيا.. طلعتلي الاسامي بطريقه غبيه.. يعني لازم اعدلها من اول ويديد.. و خصوصا الاسماء اللي لها اكثر من رقم..!

..

اكتشفت اني احببببببب السوني اركسون .. قلبي امعورني عليه

..

شرجــاوي ..

عندي N73

[شرجاوي]

مش النوكيا .. انا عم بتكلم عن السوني اركسون .. انو واحد هوه

[شوق القلوب]

عندي ربي يسلمك و يعافيــــــك.. w810i

[عايش وهم]

السلام عليكم

شوق ..

انا عطيتج الطريقه اللي استخدمتها فعلاً يوم نقلت أرقام الهواتف من اريكسون k800 لنوكيا n73 ..

لأني توقعت إن تيلفونات الأريكسون نفس نظام النوكيا لو تغير الموديل تبقى الميزات متشابه لكن الظاهر العكس .. عالعموم أنا آسف إذا الطريقه ما فادتج ... كوني مسامحه

بس اختيار نوكيا n73 موفق و بيعوضج عن الأريكسون لأن مزاياه جداً جميله و فيه كل شي و أحلى ما فيه تصفح الإنترنت جداً سريع بالنسبه للهواتف الثانيه و يستوعب صفحات النت بكل سهوله .. أنا اسمي هالتيلفون """" الجذااااااب """""

[الحاضر الغايب]

كان شي برنامج اسمه اوكسجين اظني ... كان فنان في هالسوالف ... بشوف اذا حصلته :)

انا اقول تكتبينهم على الـ Excel وعقب تحطينهم رقم رقم ...

يعني اذا قلنا 500 رقم ... وكل رقم يباله نص دقيقة عشان تحطينه

يعني 250 دقيقة

يعني تقريبا 4 ساعات ...

وهذا غير انه ايدج بتكون خفيفة عقب ... يعني تقريبا 3 ساعات او 3 ونص


اما جي ... فبتمين على كلام عايش اللي ما بيفيدج وبيغيب يومين وعقب بيي وبرد عليج وما بيطلع صح ...

او بتتريين كلام الحاضر لين ما يدور البرنامج وبييب البرنامج عقب اسبوع وآخر شي ما بيشتغل على تلفونج وبيخرب التلفون

وبس ... :)

[حلم الطفوله]

شوق القلووووووب

لا تصدعين براسج .... ابدي صفحه يديده بالموبايل وكل حد يتصلج خزني رقمه حزتها

بس والله عايش وهم ما قصر وياج والحاضر الغايب بعد ما بيقصر أكيد بيحصل البرنامج