متى بيتعلمون ؟

[المزوحي]

ماشاء الله

لا إله إلا الله

اذكر الله

أظن موضوعي غلط ولازم يكون في الواحة الاسلامية لا والله موضوعي عن

السيارات .. زين وليش ما تحطه في واحة السيارات ...


اللي خلاني اكتب هالموضوع في الواحة المفتوحة وبصراحة .. بعد ماطفرت من اللي شفته

شو هالناس .. ومثل مايقولون السوريين ... العالم والناس ....

الصراحة لاحظت في الفترة الاخيرة كل من راكب موتر .... وحاط استيكر مكتوب عليه

ماشاء الله

لا إله إلا الله

اذكر الله

او شي مثله

سواقته تكوون جنونيه او يسوووق 40 على شارع الامارات ماخذ خط اليسااار

ومثل ما قال وااااحد .. إنه هم يسوون جيه عسب ماتدعي عليهم ... وتذكر ربك أحسن ...

كم اللي شفتهم مايضربوووون إشارة وهذا شي عااادي وايدين مايضربوون مب مشكلة ..

لكن يفاجأونك بالدخول أمامك ...

كم اللي شفتهم يسوووووق وكأنه على الممزر ... وماخذ خط اليسار ...

صدقوني ماشفت لا واحد ولا أثنين ... وبعد نقوول لازم ما انعمم ...

لكن كل اللي شفتهم جيه ...

لازم يوميا اشووف واحد من هاذيلا ... يسوقون بطريقه تربك الغير ...

وكل يوم أشوووف وآخر مره شفت البارحة وانا راد من الدوام ... واحد يلصق في السيارات ويلف

عليهم ... وما يعطي السيارات فرصه تسلك الدرب اللي تبااااه ... ويلف عليهم .. يمكن حالة طارئة

اضرب اربع اشارات .. وعندك تصرف احسن ...

الله حاطين الاستيكر ... يحبووون يدخلون لك بعد تحويل الشارع ... مع إنهم عارفين وبالعمد ..

هم الناس اللي يعفدون رصيف ويوقفون في الممنوع و ياخذون موقف ذوي الاحتياجات الخاصة

صح ممكن في سيارات اتسوي ولكن بنسبة ضئيلة ... ليش يعني سووون جيه .. ؟؟؟

ناس فوضويين في الشارع .... يحبون يسابقونك ...

يخلونك تتنرفز ....

ومنهم من يديم لك قوووووم ... والشارع لازم 80 وانته تسوووق 80 -100

وعقب ماتقوووم عنهم .. حاط لك اذكر الله ..

لا إله إلا الله ... بس الله يهديهم الصراحة


أتمنى ماحطيت على حد منكم

[طير الغرام]

بيتعلمون يوم الشخص نفسه بيصير به لاسمح الله ..!!
هذا هو ترا الواحد ما يتعظ ولا ايوز عن شي إلا اذا مر هو نفسه بالتجربه اللي بتخليه يتغير

الله يهديهم بس =)

[المزوحي]

طير الغرام .. بيتعلمون يوم هم بيصيبهم شي ولكن الغير ماله ذنب ....

صدقيني اتكاثروا ... تعرفين شو يعني يوم الحشرات تتكاثر ...

عفوا على الكلااااام ... بس ماشي يردعهم ...

[حلم الطفوله]

صدقه المزوحي ...هالفئه واااايد منتشره خصوصا هالأيام ومن عقب سالفة مجرم الطريق زادت!

ما أدري شو يستعرضون ؟ والنتيجه إنهم يتسببون بالضرر لغيرهم

الله يهديهم ويقيهم شر هالحوادث والسبه طيشهم وتهورهم وخبالهم !

[المزوحي]

حلم الطفوله .. من عقب سالفة مجرم الطريق يتسترون " بالاستيكر " !

الله يهديهم .. يارب ..

[همس الدماني]

السلام عليكم
اخوي المزوحي اشكرك على طرح الموضوع
ب ما تقدر تحكم على الكل وانا قصدي ان مب كل الشباب اللي يون جي
ممكن يكونون رايحين فيها بلعك انا اعرف ناس والله عمري ما شفت احد مثلهم ماشالله عليهم ب في السواقه ما يعرفون اي احد وانا اعرف ان هاذا الشي غلط واتمنا ان الله يهديهم
لأن الليب يونه فيه مظره لنفسهم وفنفس الوقت لغيرهم يعني اغلب الحوادث منهم والله حرام انا بصراحه مره امي وت حادث صح اني ما كنت وياها بس الحمدالله طلعت سليمه وهذا بفضل الله بس السياره كلها تكنسلت حرام شو ذ

[همس الدماني]

ذنب الناس
الله يهديهم بس
والسموحه على الأغلاط بس كنت اكتب بسرعه وما انتبهت
اسمحولي

[الدلووووعة]

والله ياخويه هاي الفئه الله يهديها

انا مرات انقهر من اخويه يوم يسوي هاي الحركة
وجخاصة يوم نسير خط دبي
يعني ها خط االيسار دوم يديم للي جدامة اقوله ليش تسوي جي
يقول اصلا ها حق اللي يبون يسرعون خخخخ

بس فبوظبي مررااات يسويها هب دوم

هيه حتى مره ونحن نمشي فنص الشارع ماشوفلك إلا سياره جي خطفت من جدامناتقول صاروخ
والله انه يعني لو دعم ها الريال جان نص الشارع دعم بعد والله صدق يقهر ها الولد بس الله يهديه وحتى على طريق بدع زايد مكثرهم اللي يسون هاي الحركة تقهر والله

والله الله يهديهم الشباب

وتسلم اخويه عالموضوع

[تحفه]

تصدقوم مره كنت ماخذه السيد اليسار في شارع النخيل مادري شارع الخيل ما ادري شو اسمه بالضبط لول .. المهم كان وضعي صدق خايس .. لقيت فجاه عمري ورا واحد يمشي 40 !! ولا الي حاويليه في الشوارع الثانيه كلهم يمشون 40 !!!!!!!!!!!!!

وكلهم هنووووووووووووود!! .. كنت خلااااص بنزل و بركض وبفلعهم لووووووول .. عنبو محد طايع يتحرك ونا اديم لهم .. ربع ساعه لين ما يت شاحنه وخوفتهم كلهم وي سياييرهم الصغيره لول

[المزوحي]

همس الدماني

ادري مب الكل

وقصدي ليش اللي يحط اسم الله .... هم اللي يسووون هالحركات ...

[المزوحي]

الدلوووعة .. يمكن اخوج يبغي يدوس 140 على سبيل المثال واللي جدامه يمشي 100

فمن جيه يديم لهم ... لكن تركيزي على من يحط اسم الله ... ويشاووح عمدا زز

الله يهدي الفئتين

[المزوحي]

بوظبي قصدج شارع الخيل ... هممم الواحد يمشي على القانون

[همس الدماني]

اعرف اخوي انا فهمت قصدك من الأول
بس قصدي ان انا شباب بيتنا كلهم حاطين اسم الله وحررركااات
بس والله لو ركبت وياهم السياره تخاف على عمرك تروح ولا ترد
واذا حد بطيء جدامهم على طول يتجاوزونه وحاله
بصراحه حالتهم مستحاله
بس والله في كل الأشياء الثانيه ماشالله عليهم
هههه
تسلم اخوي المزوووووحي ما قصرت
والله يهدي الجميع

[المزوحي]

أمس واحد متصل الإذاعة يتكلم عن نفس الموضوع اللي طرحته ويقول إنه واحد من الشباب حاط استيكر اذكر الله .. ومسرع زين ماضربني بموتره .. ووقفته وقاله نعم .. شو بغيت ؟؟
قال لاحظت إنك تقول اذكر الله وانته تقود السيارة بسرعة جنونيه .. قال زين عسب تذكروون الله
قال الرياال بما إنك حاط كلام طيب واسم الله .. خفف السرعه .. الريال متصل الإذاعه يكلم الشيخ في حكم هالشي .. اما اليوم انا شفت واحد حاط ماشاء الله ... وهو يبغي يسير سيده وحاااشر الخلق ويلف بطريقه تدعي عليه .. الله يهديه ...

[إسهر معي ليله]

صدقك والله،، هالشباب المينّن كلهم حاطين هالإستيكرات

وخصوصاُ اصحاب الإستيشنات توربو و900 وخربطان،، لازم يحط "ماشالله"

فيه بعضهم مش انه عشان ذكر الله حاط الإستيكر
بس لأنه يعرف عمره مينون ويخاف يعطونه بعين
وينجلب!.. فـ عشان تحميه من العين اونه

الله يهدييهم،، ويهدي اللي يسرعون بدون استيكرات بعد