لين وين بيوصولن في برامجهم التافهة ؟؟

[الدلووووعة]

السلام عليكم ورحمة الله وبركاته

هاك اليوم كنت ادور في قنوات الاغاني عن اغنيه يحطونها
عن اغاني المنتخب ورسيت على قناة حواس كانو محطين المسيره
اللي سوها فدبي يوم فوز الامارات على السعوديه المهم
وحطو اعلان عاد انا يوم شفت الاعلان قلتل لا بالله فلحنا عيل

ها الاعلان كان عن مسابقة حق البنات الخليجيات انهن يشاركن
في هاي المسابقة احلى صوت شي جي المهم يعني برنامج يخص الاغاني
ومخصص حق بنات الخليج ( للبنات فقط ^_^)

عاد انا هني قلت اول شي سوبر استار
ومن بعده استار اكادمي
وعقب نجوم الخليج
وبعد نجم الشله
ولين ها البرنامج مال بنات


انزين وبعدين لين متى بتم هاي البرامج في تطور وفي دمار شبابنا وبناتنا ؟؟


والسموحة

[بنوتة وردية]

مشكورة اختي ع الموضوع

والله يستر على كل بنات المسلمين

إن شاء الله ويهديهم

[ألم ترى]

بسم الله الرحمن الرحيم ..

الله يستر ! ..

ليت الحكومة تردعهم ..

شكرآ ع الطرح ياختي ..

[الـيـاه]

بتعتدل يوم هالفاشلين سهيل العبدول وعلي كانو بينتهون

[وحي القلم]

أحيد العام شرطة دبي كانت مسويه حملة ضد هالقنوات

و حتى ضاحي خلفان كان مشارك وياهم فالمسيره اللى سووها

.
.

هم تحركوا و قالوا رايهم

بس منوه اللى يسمع !!

.
.

و المشكله انه البلاوي اللى تنحط فهالقنوات كل ما ياها و تزيد

(( الله المستعان ))

..

[حلم الطفوله]

لا حول ولا قوة إلا بالله

الساكت عن الحق شيطان أخرس ! ربي يهديهم

وباجر مسابقه يديده بعنوان نعاشة الفريج وملكة جمال السكه

[هزاايم]

امممم بيوصلوونهم لين ماينتظرن بنت ال****تشااارك أو بنت ال***** تفوز

يختي هم بايعينها
يتحروون بلادنا شراات الغرب
ولأسف نااس يشااركون

يا الله باستر
مااستبعد اقترااحات اختي حلم إنهم يطبقوون افكارها
كل شي جاايز بهالزمن

[مجموعة إنسان]

اللي يبي فلوس يسوي جذي

[همس الدماني]

بصراحه اختي الدلوعه هم ما سوى جي ألا بعد ما لقوا تجاوب مع حملاتهم
واي احد يلاقي تجاوب ومصدر ربح اكيد بيزيد من هاي الحملات
انا يوم شفت نجوم الخليج انصدمت صح انه في برامج قبله مثل سوبر ستار وستار اكادمي
كان فيه خليجين بس اغلبهم شباب بس نجوم الخليج كان فيه بنات خليجيات واولهم السعوديه الحان النهدي اول ما يات المسابقه ما تشوفون ولا شعره ظاهره اليوم الثاني شوي قامت بتدريج لين صار نص شعرها ظاهر عيل شو فايدت الشيله تشلها كلها احسن
ولا اليازيه محمد بنت كبيره وعاقل ليش تسوي جي انا اللي قهرني شي واحد مو انها ما تلبس شيله
بصراحه هي كيفها واهلها عندهم عادي فهاي حريه شخصيه بس انها تلبس كت (محفر) شو ها وين الدين
صرت احس اننا يوم عن يوم نحاول نقلد الأجانب وبتدريج
بنصير مثلهم
الله يستر بس من الجاي
والخافي اعظم
الله يحفظ بنات بلادنا

[الملهم]

ان لم تستح فاصنع ما شئت ..

الغاية تبرر الوسيلة ..
يبغون فلوس باي طريقة مثل ما قالت همس الدماني مصدر ربح اكيد .. يعتبرون الفن ويسلة نجاح وفخر للدولة .. ونسوا ان من متطلبات قيام الدولة انشاء دين اسلامي قوي ..

الله يعين من المستقبل ..
مش بعيد يسون افضل راقصة خليجية ..

[خيال الحب]

المشكله انه مثل هالبرنامج تلاقي اقبال من الناس..

لو محد شافهم ولا سوالهم سالفه .. ماعتقد بتستوي مثل هالافكار


مثل ستار اكاديمي.. خلق الله 24 ساعه اتابعه .. والي يصوت والي يتصل ..


الله يستررر بس

[الدلووووعة]

مشكورة اختي ع الموضوع

والله يستر على كل بنات المسلمين

إن شاء الله ويهديهم

تسلمين اختيه عالمرور
وصدقج الله يستر من بنات المسلمين والله يهديهم

[زمان أول]

مرحبا الساع باختي الدلوعه

لين وين بيوصولن ؟؟؟ لخراب البيوت ... كل يوم شي يديد محد يقولهم شي ولا القهر هالقنوات هنيه فبلادنا لا رقابه ... طفح الكيل والله ...


الله يستر ع الجميع


ومشكوره ع الموضوع وع غيرتج في ناس يوم يشوفون هالشي ما يحرك شي في نفوسهم ولا تقول شي مستوي

ونتريا كل يديد منج

[الدلووووعة]

بسم الله الرحمن الرحيم ..

الله يستر ! ..

ليت الحكومة تردعهم ..

شكرآ ع الطرح ياختي ..

تسلم اخويه عالمرور
ياخويه هيل وارهم ناس محد بيروم يردهم
دام العبدول وغيره فالسالفة
بس الله يستر

[الدلووووعة]

بتعتدل يوم هالفاشلين سهيل العبدول وعلي كانو بينتهون

تسلمين اختيه عالمرور
هيه عيل لين ماهيل يعتدلون على الدنيا السلام