لين وين بيوصولن في برامجهم التافهة ؟؟

[القلب]

المشكلة مب في هالقنوات.. المشكلة في الناس اللي اتابع
و اتصوت لهم !!

لو ما كانت هالقنوات اتلاقي مردود مادي كبير من وراء هالشي.. جان
ما شفنا هالنوعية من البرامج ..

:

تسلمين الغلا ع الموضوع :)

[الدلووووعة]

أحيد العام شرطة دبي كانت مسويه حملة ضد هالقنوات

و حتى ضاحي خلفان كان مشارك وياهم فالمسيره اللى سووها

.
.

هم تحركوا و قالوا رايهم

بس منوه اللى يسمع !!

.
.

و المشكله انه البلاوي اللى تنحط فهالقنوات كل ما ياها و تزيد

(( الله المستعان ))

..

تسلمين اختيه عالمرور
ياختيه هاي الحملة سوها العام وكا المسؤل ضاحي خلفان
لاكن ماوشف اثر فيهم شي ولا جنهم مسوين شي

الله يستر من الياي من هيل اللي ماعدهم غير الخراب والدمار
مادري شو بينفهم ها الشي لاخرتهم

والله المستعان

[الدلووووعة]

اللي يبي فلوس يسوي جذي

تسلم اخويه عالمرور
والله ياخويه ماظن الفلوس بس
في ناس محتاين فلوس لاكن مايسون شرات هاي السخافات
لاكن من ظعف الايمان هم يسون جي
الله يستر من الياي

[اخت اختي]

الصراحة وايد برامج تافهة في التلفزيون!!

[الدلووووعة]

بصراحه اختي الدلوعه هم ما سوى جي ألا بعد ما لقوا تجاوب مع حملاتهم
واي احد يلاقي تجاوب ومصدر ربح اكيد بيزيد من هاي الحملات
انا يوم شفت نجوم الخليج انصدمت صح انه في برامج قبله مثل سوبر ستار وستار اكادمي
كان فيه خليجين بس اغلبهم شباب بس نجوم الخليج كان فيه بنات خليجيات واولهم السعوديه الحان النهدي اول ما يات المسابقه ما تشوفون ولا شعره ظاهره اليوم الثاني شوي قامت بتدريج لين صار نص شعرها ظاهر عيل شو فايدت الشيله تشلها كلها احسن
ولا اليازيه محمد بنت كبيره وعاقل ليش تسوي جي انا اللي قهرني شي واحد مو انها ما تلبس شيله
بصراحه هي كيفها واهلها عندهم عادي فهاي حريه شخصيه بس انها تلبس كت (محفر) شو ها وين الدين
صرت احس اننا يوم عن يوم نحاول نقلد الأجانب وبتدريج
بنصير مثلهم
الله يستر بس من الجاي
والخافي اعظم
الله يحفظ بنات بلادنا

تسلمين اختيه عالمرور
وهني المششكله انهم يحصلون تجاوب ومن الناس
عسب جي هم مايصدقون حد يهتم لسخفاتهم ويزيون سخافة بعد
وعن نجوم الخيلج لاتقولين ياختج ماعليج الفديو اكليب اليديد بتكون بدون شيله
عادي الحياه حلوه بتكون وعن اليازيه والله هب بس هي نص فناناتنا الاماراتيات جي
تحسن خلاص التقليد منتشر وقلدو وخلصو هب تحسين
والله يحفظ بنات البلاد وشباب البلادد بعد لنهم هم بعد ماشاءالله يعني

[الدلووووعة]

ان لم تستح فاصنع ما شئت ..

الغاية تبرر الوسيلة ..
يبغون فلوس باي طريقة مثل ما قالت همس الدماني مصدر ربح اكيد .. يعتبرون الفن ويسلة نجاح وفخر للدولة .. ونسوا ان من متطلبات قيام الدولة انشاء دين اسلامي قوي ..

الله يعين من المستقبل ..
مش بعيد يسون افضل راقصة خليجية ..

تسلم اخويه عالمرو
وقلتها ان لم تستحي فصنع ماشئت
ياخويه اي غايه واي وسيله فشو بيكون تبريرهم انهم
يخربون شبابنا وبناتنا نحن ناقصين يعني
لا ياخويه هب بس البيزات لو يبون البيزات بيبونها من اشياء ثانيه هب شرط
من هاي السخافات مصدر ربح ويخربون الغير عسب حظراتهم يستفيدون امحق ربح
اي فخر واي خرابيط وانت الصادق خراب الدوله هيه شكلها هاي النوعيه من الناس
اخر شي يفكرون فيه انهم يبنون دوله اسلاميه
الله المستعان

[الدلووووعة]

المشكله انه مثل هالبرنامج تلاقي اقبال من الناس..

لو محد شافهم ولا سوالهم سالفه .. ماعتقد بتستوي مثل هالافكار


مثل ستار اكاديمي.. خلق الله 24 ساعه اتابعه .. والي يصوت والي يتصل ..


الله يستررر بس

تسلم اخويه عالمرور
وهاي المشكله انه الناس ماشاءالله عليهم يعني
ماشي صافينهم صف هيل البرامج واللي يقهر
يعني شي ناس تذم هاي البرامج ونفس الوقت تشوفها
عيل حق شو تذمونها يوم انكم انتو مؤيدين هالشي
عن استار اكادمي ها خله على صوب حتى البشاكير اتباعة
وشرات ماقلت الله يستر

[الدلووووعة]

مرحبا الساع باختي الدلوعه

لين وين بيوصولن ؟؟؟ لخراب البيوت ... كل يوم شي يديد محد يقولهم شي ولا القهر هالقنوات هنيه فبلادنا لا رقابه ... طفح الكيل والله ...


الله يستر ع الجميع


ومشكوره ع الموضوع وع غيرتج في ناس يوم يشوفون هالشي ما يحرك شي في نفوسهم ولا تقول شي مستوي

ونتريا كل يديد منج

تسلم اخويه عالمرور
هيه والله صدققك بيوصولن لين خراب البيوت وزود
بعد ترا هني المشكله انه ماشي رقابه
والله يستر صدققك واللله

[الدلووووعة]

المشكلة مب في هالقنوات.. المشكلة في الناس اللي اتابع
و اتصوت لهم !!

لو ما كانت هالقنوات اتلاقي مردود مادي كبير من وراء هالشي.. جان
ما شفنا هالنوعية من البرامج ..

:

تسلمين الغلا ع الموضوع :)

تسلمين اختيه عالمرور
ياختيه المشكله فالاثنين في القنوات وفي الناس اللي اتابع وتصوت
وهيل الناس الله يهديهم
والله يستر من الياي

[الدلووووعة]

الصراحة وايد برامج تافهة في التلفزيون!!

تسلمين اختيه المرور
وهيه اكيد شي وايد برامج تافه
لاكن ماباليد حيله

[بوميثه]

الى متى ..

ونحن نتكلم ..

الى متى ونحن نصرخ بأعلى اصواتنا ..

لا للرذيلهـ .. لا لـ تشويه كيان المرأه ..

ولكن ..

بحت اصوااااااتتنا وكأننا ننبح كـ كللاب الشوارعـ .. ليس هناك من يروي ظمأنا !!

اعذروني لهاذا التشبيه .. لكن هاذا هو الواقع المــر .. وكلمة الحق تقال ..!
لكن لا حياة لمن تنادي ..!

ستبقى القنوات تماااااااطل في برامجها ..

ولا عزاء للجمهور .. سواء المعارض او المؤيد ..


..!! وهاذه الظاهرة تعد من علامات يوم القيامة ..

اوقح الناس واسفلهم .. قد اصبحو تيجان تزين روؤس الجميع .. بعد ما كانو أناس بلا قيمة

والجمهور .. يرفع شعار كلـ ممنوع مرغوب..



لج احتراميـ

وتسلم يمناااج الشيخة على ما كتبتي ..!

.
.
.
.
.
.

[العجيبة]

أووووه تعالــوا ، هذا ولا شيء

قولوا إلى وين بتوصــل أفكــارنــا في الحوار ؟!!!

شفتــوا برنامج المجلس - قناة أبوظبي - البارحة كانوا مستضيفين فيهـا الخليلي مفتي سلطنة عمـان ،

كان المذيع يسأل عن المحسوبية أو شي جي ، ما أذكر ..
والمفتي كان يجـاوبه ،
وفجأة المذيع قاطع المفتي عشان يسأله سؤال أهم
تعـرفون شوو ؟
يقوله : انته شو تستخدم مسواك ولا فرشاة حق أسنانك !!!!!!
استغرب المفتي !!!
لهالدرجة الناس مالهم قيمة ولا احترام !
يعني واحد بمنزلة المفتي علم واسع وغزيييييــــــر
ياييبــينه في حوار مع واحد يستضيف دايما إعلاميين وناس عاديين ..!!!
وأصلا سؤال غبي مثل هذا كيف أجبر المذيع يقاطع المفتي عشانه !!!!
إلا التفاهــة واصلة حدهـا في برامجنا !!

أستغفــر الله بس ،

[اسيرة خاطرته]

صدقتي اختي
هالايام الناس فاصخه الحيا
ماحد يعرف ربه
كل المهم الفلــــــــــــــوس وبس
الله يهدي الجميع

[عمة العيم]

يوم هالبنات روحهن موجودات و زاهبات

ليش مايسوون شرا هالبرامج

يسوون اكثر بعد!!!!

تسلمين على هذا الموضوع

(^_^)
...

[نونو الصغيره]

لا حول ولا قوة الا بالــله

مشكوره أختي على الموضوع

جزاج الله ألـــف خير

والله يستر عــلينا وعلى الأمه الأسلاميه اجمــعين ان شـــاء اللــه


اختــج نـونـو الصـغـيره