حالة نفسية

[المزوحي]

السلام عليكم

ومابطووول ...

لكن هالأيام احس بضيج فضيع .. لا إنه إلا انت سبحانك إني كنت من الظالمين ..

مب مثل كل مره يوم اكون ضاايج وتقولون أقرأ قرآن او اطلع وإلا غيره وإلا خذ إجازة

بصراحة انا واااااااااااايد عصبي مستوي ... بس هالمره

أحس بنفسي مختنق ومب قاادر ...

هالحالة اللي انا فيها .. أبغي اتخلص منها ...

دقايق وبرجع لكم

[تحفه]

بِـه !

[خنفروش]

نترياك

[المزوحي]

السموحه .. سرت أصلي

بس نرجع للموضوع .. سلمكم الله ...

شو اللي مستوي بي انا ماعرفه .. عيل كيف انتوا بتعرفوون !

تخيلوا أحس بإنس متوتر 24 ساعة وانا راقد بعد ..

أتمنى ألقى الحل والعلاج بالمره

[خنفروش]

اتشوف عمرك احسن بعد الصلاة؟

[المزوحي]

أكيد ...

لكن عقب الصلاة بمدة .. ترد الحالة

حتى البارحة يوم كنت في السينما .. كنت سرحان ... في المجهول .. والناس تضحك وانا مب وياهم

[خنفروش]

اتحس ان هالمره غير عن المرات الي قبل

[المزوحي]

ما فهمت من اي ناحية ؟

[خنفروش]

لكن هالأيام احس بضيج فضيع .. لا إنه إلا انت سبحانك إني كنت من الظالمين ..

مب مثل كل مره يوم اكون ضاايج

[خنفروش]

ويينك

[خنفروش]

ياللا انا بظهر الحين // فخاطرك شي يا قمري

[المزوحي]

اسمحي لي خنفروووش

الجهاز علق وظهرت أنا ...

[نجمة دبي]

مممممم

اذا تميت تفكر بهالشي وااايد .. ترى الحاله يمكن تتضاعف عندك ..
اعتقد ان في شي بحياتك انته متضايج منه .. وتفكيرك فيه يخليك تتضايج من كل شي حولك ..
حاول تفكر باشياء ايجابيه وحلوه .. حتى لو كانت من الخيال ..
اهم شي تريح نفسيتك .. وبهالطريقه ما بتحس يالضيج ..

مافي انسان سعيد .. لازم يكون في شي يضايجه .. سواء مادي او معنوي ..
لكن هذا مب يعني ان نحن نخلي هالاشياء تسيطر علينا وعلى حياتنا ..

ارمي كل اللي يضايجك ورا ظهرك .. وفكر لجدام ..
ودوم قول ( ان شاء الله خير ) ..

هذا اللي طلع مني .. والسموحه

[المزوحي]

نجمة دبي

يوم شي يضايجنا .. إيي من يقول أرمي كل شي وراك ولاتفكر ولاتهتم .. وفعلا ايام وتزول الحالة

بس إيدي بدت تنمد على الاوادم ... موول مب شي اللي اسويه .. اول مره بحياتي طبعا

[صمت الدموع]

السلام عليكم ورحمة الله وبركاته

مثل ماتقول ايدك تنمد ع الاشخاص ..!!

هالشي اكيد من الضيجه اللي فيك

وماتعرف كيف تظهرها .. من القهر قمت تمد ايدك ع الاوادم

ياخويه .. كلنا نمر بهالحاله .. وتمنيت هالسنة تمر ع خير بس الله كريم

ترى هالشي اختبار من ربك .. ولو كنت مضايج .. تقدر تقري هالدعاء

واكيد راح يخفف عنك ولو انه يمكن مايغير بس راح يخفف عنك شوي

ممم وحاول انك تشغل عمرك باي شي تحبه

صح هالوقت بتحس مالك خلق ومالك بارض تسوي شي

بس حاول لانك صج تضيع وقتك بالرقاد والتوتر ..

حاول تشغل عمرك ..لانك عقب راح تحس انك ضيعت وقتك ع الفاضي

وهذا هو الدعاااء. .

" اللهم اني عبدك ابن عبدك ابن امتك ناصيتني بيدك ماض في حكمك عدل في قضائك أسألك بكل اسم هو لك سميت به نفسك او انزلته في كتابك اوعلمته احد من خلقك او استأثرت به في علم الغيب عندك ان تجعل القرآن ربيع قلبي ونور صدري وجلاء حزني وذهاب همي"


[mark=000000]ترى التفكير يذبح .. اسال مجرب .. تجنب التفكير .. ماتييب غير الامراض .. نصيحه .. ياما فكرت وايد وتعبت نفسيتي من التفكير .. واحينه كل العو من سبايب التفكير ..ومحد حااس باللي فينا .. [/mark]

قول الحمدالله على كل حال .. حالا احسن عن غيرنا .. وغيرنا اخس عنا بس يحمدون ربهم ..

عيش حياتك ياخويه ..استاانس . . تراها الا دنيا فانيه ..

والسمــوحه