x,x

[تحفه]

انا عايشه في الدنيا 20 سنه ..
المفروض يكون عندي اشياء تعكس اعمالي في الدنياااا


حرام والله .. وايد مغيضه ..

[خنفروش]

اندوكم والله قالت عشرين سنه (( اتصغر اغزوزها )) انزين بنحسبها

من اول يوم لين سنتين ماشي شغل بس شرب حليب (( إنجاز خطير ))

طبعا تخلله محاولات زحف و مسك كل ما يتواجد في القرب و خلصتي ال فارلز و السيريلاك و ما خلوا خضره ما هرسوها لج // انزين تكللت هالسنتين بالانجاز الاهم وهو المشي (( مع احتمال تساقط زخات من المطر - ما ايخصه )) لا والله صدق ليكون بس مشيتي فالسنه ونص (( لان هالشي معناته انج كنتي مستعيله - على شو ما ادري )) نصيحه طبيه قدمي عالليسن و إذا عندج خفيف قدمي عالثقيل اصحاب الشاحنات مب احسن عنج

اهم انجازاتج في هالمرحله الصياح بسبب التسنين

من سنتين لين ثلاث اسنين (( تعلمتي الكلام )) تركيب الجمل و انشاء جملج الخاصه (( يعني بابا و ماما ابتلشوا فيج - ما يكفي المصاريف و المخاسير الي زادت وهم مستحملينها لالالا الا صار عليهم يستحملون و يترجمون كلامج " الامثله في السطر التالي " وهذا انجاز خطير ثاني او ثالث على راحتج ))

طيلفون رنت // انرب صغير // ياطبطب يا بطبط // ... الخ

24 ساعه في اليوم جدام التلفزيون مع المرضعه طبعا افضل مكان للنوم جدام التلفزيون


أنا تعبت من الكتابه - فيمكن ارجع اساعدج في اتمام ملف الانجاز هذا هيهيهيهي (( بس عليج بالصور و الفيديو ))


ملاحظه في مسألة ملفات الإنجاز - أي نشاط لو كان أسري أو في نطاق الأصدقاء أو المدرسة أو الجامعة أو العمل ولو كان عمل خيري (( لازم يتم توثيقه )) و بإمكانج إعادة توثيق أشياء حدثت بالفعل بمعنى أنج تعيدين تمثيل حدث أنتي شاركتي فيه عشان تلتقطين صور لهذا الحدث

[العجيبة]

ملاحظه في مسألة ملفات الإنجاز - أي نشاط لو كان أسري أو في نطاق الأصدقاء أو المدرسة أو الجامعة أو العمل ولو كان عمل خيري (( لازم يتم توثيقه )) و بإمكانج إعادة توثيق أشياء حدثت بالفعل بمعنى أنج تعيدين تمثيل حدث أنتي شاركتي فيه عشان تلتقطين صور لهذا الحدث

انته من اللي يشتغلون في تقييم ملفات الانجاز اللي تقدم لجائزة حمدان بن راشد ؟


المفروض مثل ما تقــول ، بس الأهـل الله يهديهم يعتبرون هالأشياء مضيعه للوقــت


بوظـبــي .. يمكن تكوني أحسن منهم في إنجازات غير موثقة بالكلمة والصورة ..