أمل... وألم

[هدوء الليل]

السلام عليم ورحمــة الله وبركـــااتـهـ .،

تاريخ 9-10-2005 يوم الأحــد .. ،
رحنــا دار العجزة اللي ف مستــشفــى الجيمــي .،
كنت أعرف إني مابروم أستحمل اللي بشــوفــه ..،
وكثيــر اللي قالوليـه لا تسيـرين ..،
بس ف الأخيـر سرت ..،
شفت أمهـــــــاات .. !
يصيحـــووون .. ، بس بدون صوت ..،
دموعهم تنــزل وتنزل .. !
ييت بسلم ع وحدة فيهم ..
حبت إيديه ..، !
جان تقوليه المشرفة ع القسم .
الحرمـة هاي ..،
كل اللي ايوهــا لازم تحبهم ..،
تحسبهم عيــالهــا .. ووين عيـالهــاا .. ؟

(نص من مذكرتيــه) ..

هدوء الليل..،
مابقول غيــر الله يساامــح العيـــاال ..،
اللي عمرهم مابيوصلون قدر أبوهم وأمهم .. ،

الله المستعــــاان ..،

فمان الله ..،

بسم الله الرحمن الرحيم..

وعليكم السلام ورحمة الله وبركاته..

تدرين.. كل ما أدخل الموضوع، ارد واقرأ النص من مذكرتج، آلمتني كلماتج عن الأم اللي ذكرتيها..

سبحان الله.. العيال كيف قلبهم يطاوعهم يدفنون اهلهم بدار العجزة وبعدهم حيين..!

بعضهم يقولون: ما عليه شيبة ومخرف ولا عيوز ما عندها حاسية ، نحطهم بدار العجزة يعابلونهم ويجابلونهم ويهتمون بهم احسن من يتهلكون عندنا في البيت..

استغرب من مثل هالرمسة، سبحان الله.. لما كانوا هالعيال صغار، ما يفتهمون للدنيا.. استحملوهم الأم والابو وجابلوهم وعابلوهم وكبروهم.. ولما كبروا الأم والابو قالو عيالهم : ما نروم لهم.. وبيتهلكون..!

أختي الكريمة، ... مثل ما يقولون: من يعش رجبًا يرى عجبًا.. ودور العجزة مليانة قصص من انواع شتى جميعها تنتهي بنهاية وحدة.. اللي هو عقوق الوالدين.. فالله المستعان

جزاج الله خير اختي ع الرد، وبارك الله فيج..