أمل... وألم

[هدوء الليل]

عزيزتي .. كلماتج خلتني اتخيل الموقف .. هذا وانا اتخيل الموقف قلبي عورني عليهم
فما بالج بحالهم وهم يتريون كل يوم على نفس الحال ...
الفلوس بغير النفوس .. للاسف .. هذا سبب من الاسباب اللي تخلي العيال يعقون آباؤهم ..
الله يعينهم ويصبرهم .. والله يهدي عيالهم ..
ودي يوم اسير دار رعاية المسنين .. لكن احس اني ما بقدر..

تسلمين الغاليه

بسم الله الرحمن الرحيم..

اللهم آمين..

والله يسلمج اختي ويسلم غاليج..

احساس جدًا صعب.. انه من سهروا عليهم وربوهم يفرونهم هالفرة.. وكأنهم ولا شي بحياتهم.. أو شيء ( كان ) بحياتهم.. وبكل سهولة تخلصوا منه..

مثل ما ذكرتي اختي.. أحد الأسباب.. الفلوس.. سبحان الله.. فيه ناس كلما زادت الفلوس في جيوبهم، زادت قسوة قلوبهم.. وزاد طمعهم.. واذا جافوا حد واقف يدامهم وحجرة عثرة بطريق جشعهم ، عادي يزيلونه من طريجهم بأبشع الطرق ..

الله المستعان..

جزاج الله خير اختي ع المشاركة، وبارك الله فيج..