كلنا في الهوى سوى

[المزوحي]

كلنا في الهوى سوى

كيف ابتدي الموضوع ومن وين ؟!!



يمكن البعض منكم يتمنى إني ما اكتب الموضوع والبعض بيشوف إني أبالغ والبعض بيقول

نفس اللي في بالي ..

صار إنه فئة من البنات يخافون يتزوجون من اللي يشوفونه من الشباب ... ويمكن الشباب خوفه أكبر

إنه يتزوج من اللي يصير .. من اللي يسويه قبل مايتزوج .. يرمس فلانه وفلانه ويقول خلاص

يوم برتبط بودر هالسوالف .. وبمجرد مايودر ( وهذ إذا ودر ) تلقاه معاملته زفته نوعا ما مع الحرمه

لأنه استخدم كل أساليب المغازل ( عفوا يعني ) فيشك في كل خطوة ...

إذا الأهل ماربوا البنت ... عيل ليش مانقول ماربوا الولد .. ودايما نقول ( إلا هو ولد )

ليش إذا البنت غلطت .. مره .. تحكمون عليها بالاعدام .. والشاب لو زنى .. تقول مب مشكلة ..

لأنه ماعنده حرمه ومغريات الحياة كثيرة وهو ماعنده حق مصاريف الزواج ..

ليش مانعطي البنت فرصة إذا في يوم من الأيام زلت ونعطي الشاب فرص حتى عقب الزواج .. يوم

يخون زوجته ... صدقوني مايبت هالكلام اللي من واقع أشوفه .. ولا حتى اكتب موضوع يزيد

من رصيدي في الواحات ...

في كل شي في هالحياة الزين والشين وكل شي بالتضاد .. وين ماسرنا وين ماكنا ...

غيروا من تفكيركم شويه ...

ليش الريال يدخل بكل جرأة يشل ( ملابس داخلية ) أونه بتنقى حق حرمته ... والبنت لو دخلت تشتري

قميص حق أخوها وإلا زوجها تقولون هاااي شو مدخلنها هالمكان ...

هل لأنه من طبع البنت الحياء ؟؟؟!!

أنا ما ادافع لا عن البنات ولا الشباب ولا أحط على فئة منهم ...

يوم تلقى الواحد متزوج ... ويخون حرمته .. لمتوا الحرمه ماتهتم في عمرها .. ليش ماعنده لسان

يرمس .. يكلمها .. ينبهها .. بكل سهوله مسموح له يسوي اللي يبغي .. وخلاف يعق اللوم عليها ..

أوكي خلنا نقووول هي اهملت نفسها .. وهذا اللي دفعه يسوي جيه ...

ليش تلقى الشاب ملج من شهرين .. زار حرمته بيت هلها ومن طلع عنها .. مسك موبايله يكلم

وحده بس جيه .. ويوم تقوله .. تراك بتتزوج .. يقول انزين تسليه ...

والحرمه طبعا ماتدري .. قالت خلاص هذا هو فارس الاحلام .. وماتدري إنه هالفارس حاط له

10 طعش موبايل ...

ويوم تلقى الريال ماشي أخير عنه .. تسير الحرمه تخونه .. تشبع رغبته مع فلان ...

كون زوجها مشغول عنها .. او مرات هو شغله في إمارة ثانية .. أو حتى يغيب عنها بالشهور ..

وأنا ماسمعت من حديث أو شي ما اذكره بالضبط ولكن بقول المعنى .. إنه الريال مايغيب عن زوجته

أكثر من 4 شهور و10 أيام .. كونها هي لها الحق إنه يكون جريب منها ( وافهموا قصدي )

هي مب ذبيحه ... وحتى البهيمه تفهم وترغب .. ( عفوا ) ...

....

مابغي أنثى تنزل موضوع وتقطع الشباب ... ولا ذكر يطرح موضوع ويقطع البنات ..

لأنه كلنا في الهوى سوى ...

المقصود بكلنا ... مش كل من دخل يقرأ الموضوع .... لا ..

أقصد من الفئتين ...

[مايهزك ريح]

تسلم ايدك اللي كتبت هالموضوع .. اسميك طلعت كل اللي في خاطري ..
يغلط الريال برايه ..يقولون .. ريال ما يعيبه ..
البنت تغلط يا ويلها ..
والله حاله .. جنه ما شي دين ولا اسلام فيه ظوابط لها السوالف ..
بس شو نقول غير الله يستر على بناتنا وشبابنا .. ويهديهم يا رب

[المزوحي]

وانته عيبتني أكــثر ... لأنه فعلا فهمت قصدي ...

تقول بس الجنة والنار حق الحريم .. بس ..

اوكيه في شي بالنسبة للمجتمع ممكن تقول حرمه وريال .. لكن دينيا لاااااا ..

بس هم دووم يقولون لا .. خله .. إلا هو ريااال ..

الله يسلمك مايهزك ريح ...

[سليم الحص]

معليش اخوي انا اختلف معاك في بعض النقاط

اول شي الرجل إذا زنى فهو بذلك يضر نفسه صحيح اهو غلطان لاكن لو المرأة اخطأت واحملت مع ان هذا يعتبر جزء بسيط من الموضوع اللي طرحته لكن خليني اقولك شغله

المراه يا عزيزي مثل ما يقولون اذا خربت, خربت بلد معاها

ما نقدر نقول كلنا في الهوى سوى لانك تعيش في مجتمع والمجتمع اللي تعيش فيه هاذي طبيعته
ومعاه حق تأكد اخي العزيز ان اي ام في هادنيا محترمة وتربي مثل الناس عيالها بيطلعون ماشالله عليهم عكس الأب ما يكون عليه التأثير على الأبناء بتأثير الأم
الأم مدرسة اذا اعددتها اعددت شعباً طيب الاعراق

فلذلك ما نقدر نساوي بين الرجل والمرأة في كثير من الأمور

ومثال بسيط على ما اقول لمن الواحد يبي يتزوج يدور من بيت طيب ومحترم والبنات متربين عدل
مو عشانه هو بس عشان النسل
يقول الرسول (ص) تخيروا لنطفكم فإن العرق دساس

[المزوحي]

بس إذا هو يدور من بيت طيب .. عشان يضمن حياته الزوجية، ومن يصبح يزني مع فلانه وفلانه .. مب حاله بعد

طبعا انا ما اعمم على كل المتزوجين ولا حتى الأعزب ... ولكن في حال المتزوج اللي يتصرف هالتصرف ونقول مب مشكلة هو رياااال ...
يغني الام مدرسة وهو حضرته مقصف ... ؟؟

[شمعة أمل]

لـيش يخونون ويغلطون من الأسـاس؟؟
أسـبابهم وايد تــافهه..

[المزوحي]

يمكن تكون عدة أشباب ويمكن أسباب نجهلها ...

وأحيانا الفراغ له دور ...

لكن ممكن الواحد عنده مجال .. بس نفسه ماتسمح له بهالشغلات .. بعيد عن محاسبة النفس ومراقبة الله سبحانه ..

[عنود الريف]

لي عوده ان شاء الله
================================================== =========
عدت من يديد ...
المفروووض الاثنين يتعاقبون نفس الشي ..
يعني الله سبحانه وتعالى ما يفرق بين ذكر وانثى في العقاب .. كل واحد ياخذ يزاه على حسب ذنبه ...
لكن الناس والعادات والتقاليد وااايد ضاغطين على البنات والشباب عادي ما يعيبهم شي ..
نفس الكلام اسمعه في البيت .. ان الريال ما يعيبه شي ..
عاد شو بنسوي يوم المجتمع يحكم علينا بهالشي...

تسلم اخويه على الموضوع ...

[مملوح الوصايف]

أسجل حضوري ولي عودة،،،
أشكرك ع جرأتك في الطرح وموضوعك الحساس

[بنت الدلع]

تبا الصراحه يالمزوحي ..

اعجبتني في الي قلته

وانا وياك
وهالشي احيانا اقوله

ان الريال مايعيبه شي
ليش الحرمه كل شي يمسكون عليها

صحيح بنقول لانها حرمه ولازم تحافظ على شرفها .... الخ
بس بعد
ليش الريال له احقيه اكثر من الحرمه

نحن مانرمس عن الشريعه
نرمس عن الي يصير في المجتمع

اشكرك اخوي على الموضوع
اول مره اشوف مواظيع جذه

[اخت اختي]

اخويه المزوحي >>

إنته تعجبني..!!! وأخيراً حد فهمني..
هذا إللي دوم كنت أقوله،، جيه ما شي دين ما شي مذهب ولا أخلاق!!

مشكور على كلامك الصح والطيب..

[أحلى شي]

كلام صحيح..

وأكتفي بتعليقي على موضوعك..
بالدعاء ..

{ اللهم اهدي شباب المسلمين..
اللهم اهدي بنات المسلمين..
اللهم ارنا الحق حقا وارزقنا اتباعه..
وأرنا الباطل باطلا وأعنا على اجتنابه}..

[المزوحي]

عنود الريف ( أي وقت )

[المزوحي]

مملوح الوصايف .... لكم المجال ..

[المزوحي]

بنت الدلع .. وانا أقوول لو مسموح له في المجتمع ...

لكن دينيا يحللون على عمارهم ... والله يهدي الجميع