الشباب مش احسن عنـّا ،، وكلكلــووووش .. صااادووه!!

[أمطار]

. . .الســـلام عليــكم ورحمــة الله وبركــاته. . .


مســاؤكم عســـل يا أحلى أعضاااء ..
شحالكم وشخباركم .!

طبعا ً استغربتوا عنوان الموضوع شوي .. صح؟!


يطوّليه بعماركم ..
أمطاار اليوم متفجج راســها وراايقه ..

فـ قلت يلا بناخذ لنا لفـّه في بوظبي وربوعها ..
واحيد وحده من العضوات مخبرتني ان اختها تشتغل في (....)
وأنا اعرف اختها من أيام الكليه فـ قلتلها بسوي زيارة مفاجئة لأختج في مكان شغلها ..
واتفقنا على اننا نلتقي هنااك .!


طبعا ً أمطاروه ما تدل في بوظبي!
فـ تمينا نلف بالسيارة ساعه لين ما وصلنا لـ المكان المطلوب . . .!
ويوم وصلنا جان اشوف لي شي عجيب ..
؟
؟
؟


ميّزتوا الصورة؟!
عاده امطار من حد يحط صورة تثبت في بالها على انها تدل عليه ..
فـ اول ما شفت الصورة قلت "كلكلوووووووش"!
وافضيحتاه ..
جان تضحك عليه ربيعتيه ..
قالتلي تزغردين ولا شو؟!
قلتها لا ماشي .. وجان اصور السيـّارة وانزل عشان ألاقي العضوة (.........) ..
ما بخبركم منو كانت ..

بس بإذن الله اذا لقيت فرصة ..
بلاقي لعضوة ثانية بعد ..

فــلانة .. يودي المايك!


أختكم
أمطااار

[الدلووووعة]

اوه اوه من ورانا تتلاقين
انزين نحن ترانا فبوظبي ليش ماتلاقيتي ويانا ^_^

افا
خلاص باجر وبتلاقا وياج ( السالفة غصب ^_^)

ان شاءالله استانستي فاللقاء

وعن الصوره ظهرتي شراتي
حتى انا دوم ويوم اشوف هاي الصوره اتذكر كلكلوش على طول


انزين امنو العضوة مابتخبرينا امنو هي

يعني دومج تخلينا على اعصابنا ^_^

يله خل تدخل وتخبرنا امنو هي

[العجيبة]

أيــووواااا وأنا أقول بوظبي اليوم كانت منـورة ..

وإذا عرف السبب بطل العـجـب ,,

ويالله خبرينـا شفتــي منوو ؟!

[المزوحي]

ههههه

هالصورة أمس شفتها على همر ...

[صدى جوفي]

وعليكم السلام والرحمة ..
وشفت منهـا فسيارة فراس الخيمــة بعد .. لووووول
.
.
يــا ترى مع من تلاقيتي .. ما شاء الله صايرة مندوبة الواحات (: "اللهم لا حسد"

تتــلاقون على خير وطاعة وحب


مودتي .. صدى

[تنينه]

هههههه كلكلووووش وعرفـناه صـوره منتشـره في كل مكان ؛؛

من العـضوه اللي قابليتها عقبالـنا نحن

[قرموشة]

يااحـيـج والله يـوم انـج سايــره العاصمـه
انزين جـان فررييتيني في الدبـه وانـتي سايره لوول
يالله مـتحمـسه عـشان اعرف العـضـوة اللي شفتييهــا يا أمطــاررر

[ألم ترى]

بسم الله الرحمن الرحيم ..

هههه انزين هالصور ف كل مكان ! ..

ليكون لـ كلكلوش اكثر من شبيه ..

وين صاحبة المايك ؟ ..

[الدلووووعة]

احم احم ^_^

انا اللي شفتها اليوم


^_^

صراحة استانست والله يوم شفتج

صح مارمست وياج وايد لنه انتي واختيه كنتو ترمسون بعض ^_^

بس الحمدالله شفتج واستانست وكان بودنا تين ويانا الحديقة
بس يله المره اليايه ان شاءالله ^_^

[شمعة أمل]

حلووووو
ان شاء الله استانستوووو
وشوسويتوو؟ < فضوليه =$

[الجديدة]

ما شاء الله عليج يا أمطار في العاصمة
ربي يجمعج على الخير مع بقية العضوات
ان شاء الله تستانسي بوجودج في ابوظبي
عاد لا تنسي تزورينا
نحن في الانتظار

[الـيـاه]

هههه حلو والله
ان شاااااااء الله استانستووو
والله يديهم هالمحبه مبينكم ..

[شمه]

كنتي في العاصمه وما مرتي صوبنــا..

و كلكلووش اللي ع السياره دووم انشوفه في الشــارع ونحن سايرين الدوام .. بس بعدين انلف يمين وهو يكمل سيده..عاد ما ادري وين يشتغل لوووول..

المهم استانستوا في اللقــاء ولا ؟!