اليـــاه
دام مدرستين طبقوا النظام الالكتروني ، فابشـري ، اليـاي أكثر
صدقج ، نحن خذنا مادة الكمبيوتر في أول ثانـوي ( مشروع محمد بن راشد ) وانصدمــت في بنـات
عندنا مب قادرات يتحكمن بالمـاوس !!
شمعة أمل ( العـاديـة )
بالعكس وايدين يحلمون بالمناصب، كيف لو كنتي وزيرة التربية والتعليم !! وايد أشياء تترتب على
هالشي ، وبعدين عادي اللي ما يطول يستوي وزير حامضٍ عن الوزارة يقووول خخخ
والدكتور حنيف حسن مب مقصر مرة في انجلترا ومرة في سنغافورة ويحاوط في مدارسهم ، يبا
يطورنــا
ولد الشحوح
خلاص عيل درجتي في الدين الحين 97 ، ما يحتاي انجح في الكيمياء والفيزيا والانجلش والعربي
والرياضيات ، بكتفي بدرجة الدين وبخليها تدخلني شريعة وقانون.. شو رايك ؟
لو كانوا جي يفكـرون من الأساس بيخلونا نختار المواد اللي تخدم التخصص اللي نباه ..!!
يعني انت لو طبقت قرارك واللي هو كل واحد يدرس المواد اللي تفيد تخصصه في الثانوية بعد بياخذون
نسبتك في هالمواد .. بس دام الاختيار مب مطبق عندنا فنحن ملزومين بنسبة المواد كلها ..
شمعــة أمل ( الـوزيــرة )
هيهيهييهي شفتـي مستحيل تتنازلين عن هالمنصب لو عطوج اياه
المشكلة يوم قررتي هالقرار انتي ما تدرين إن الطلاب ما عندهم دخـل ثابت !- أول شي كل طالب لازم يدفع 1000 درهم
يعني ولي الأمـر هو اللي بيتوهق بهالألـف !! وكيف لو كان عنـده 8 يدرســون في الوقت نفسه !!!
والصراحة أنا ما أؤيد سالفة اللبس الموحد اللي توزعه المدرسه ، دايما يكون غالي ما يستاهل المبلغ
اللي يندفع له والخام المستخدم رديء جداً ، وكل وحدة تفصل على كيفها يعطينا فرصة عشان نشوف
موديلات مختلفة وقمصان أشكال وأنواع
ودام المدارس اللي تحويها وزارتج موفرة الطاولات والستاير والصفوف معدلة بعد شـ له هالألف يندفع كل سنة ؟!!
الصراحة أنا أفضل أشوف صفي أغبـــر وعـادي جدا ، لأنه كم مرة عدلنا صفنا وكنت ما أنتبه للشرح
أتم أتأمل ديكور الصف اللي عادة ما يكون بألوان عنقاشية جداً جداً خخخ
هذا معناته توفــرين أساتذة أكثـــر .. بس تعرفين المدارس الحكومية مب محتاجة للغة ثالثة وهي مب قادرة تدرس اللغة الثانية ( الانجلش ) بمستوى أكثر ما نقدر نقول عنه ( مقبـول ) !!!- لازم المدرسه ادرس ثلاث لغات والى هم الانجليزي والعربي والـ(هندي او فرنسـي)
اممم صحيح انه هالمادتين ما أحبهم ، بس فائدتهم قيمة جدا جدا ، نحن ما عرفنا شو يعني جبل وهضبة ولا عرفنا مواقع بلدان العالم إلا من الجغرافيا ! والتاريخ يعطي الطلاب فرصة لمعرفة أمجاد القدامى وانجازاتهم وهذا بحد ذاته يدفع الطالب للإقتداء ببعض الشخصيات اللي تمر عليه ..بحذف الجغرافيا والتاريخ وبستبدلهم ب .. السيـاحه العالميـه + ماعرف شو اسم الماده الثانيه بس انه هم مثل التاريخ لكن مب اشيا جديمه مغبره مابتأثر في حياتهم .. بتكون اشيا مفيـده عن شخصيـات عالميه مميزه واشيا ولا احداث عالميه هزت العالم...
وأعتقد مادة مثل السياحة العالمية منفصلة مجرد ترف ، وما نقدر نقول نحذف هالمادتين ، نقدر نطورهم ونجدد فيهم بما يتناسب وطموحاتج ، مثلا ندمج السياحة في الجغرافيا ، والشخصيات الحديثة في التاريخ ..
بالنسبة لقراراتج الاربع التالية وايد مهمة وأؤيدج فيهــااا
هالشي يصير في الملتقيات الصيفية ، ولو تطبق في المدارس بيكون نصيبه حصة وحدة في الأسبوعفي مدارس البنات بحط ماده بنوتيـه .. يتكون من حصص الطبخ .. التنظيــف .. الاتيـكيـت .. الميـك أب والفاشن لول .. وفي مدارس الأولاد .. بيب كلاس عباره عن كيف يصلحون السيـاره يوم تختـرب .. كيف يكون أبو زيين .. الطبخ البــري .. ويبنون أشيـا
يعني ما بتلقى هالحصة ذاك الاهتمـام ولا بيستفيد الطلاب أي شي، مثل مادة الفـن ، ما أحس إني
استفدت منها شي ، المكتبات كانت تستفيد من طلباتهم ونحن بكل براءة كنا نسير ونشتري كل شي يطلبونه !!
الطابور بالغصب يحضرونه، تبين الطلاب يداومون دوام كامــل عشان لا شيء ،- بحذف طابور الصباح الى في المدارس الحكوميـه.. وكل خمـيس المدرسه كلها تتيمع في المسرح ..
حفلة الاتحاد اللي سووها يوم الخميس ، سوولهــا طاف ، مع انها واجب وطني ..
حتى أنا شخصيا داومت عشان أمتحن أداء عملي في ذاك اليوم وطلعــت !
حلوووفي التربيه الأسلاميـه .. بغيـره وايد .. بخلييه وايد حلوو .. وبتتكون هالماده من قرووب برووجكتـس .. قصص الطلاب لازم يقرونها بعدين يسون بروجكت عليها .. فيديوو .. محاضارات .. بخلييه وايد حلوو..
هالشي مطبق حالياًبغيـر طريقة العلامات وجي .. يعني نجاح الطالب مايعتمد على علامته في الامتحان .. يعتمد على كل شي يسويه في السنه + سلوكه
ههههه عيل بنسميها حديقة **** للتعليم لولبخلي المدرسه وايد خضرا .. مترووسه شيـر وحشــيش .. مدارسنا الحكوميـه تلوع بالجبد شكليـا وهالشي مب زين .. لازم تكون نفس مدرستنا جي فيها نافوره ونهر وسمج وحشيش وشير .. بس مابحط طوااويس
تعرفين هالقرار يــا لأنج ما جربتي عيـال الحكومي وكيف يتعاملون مع المرافق العامة !!
خاصة إذا كانوا عايشين في مناطق نائية وما يعرفون أبعد عن حدود منطقتهم ..!!!
مع قراراتــج هاي عزيزتي الوزيــرة أقدر أقول إنــج ثلاثة أرباع وزيــرة ..
وشكرا على مشاركتج الحلوووة ..
رد مع اقتباس
مواقع النشر (المفضلة)