آخـــر الــمــواضــيــع

صفحة 2 من 3 الأولىالأولى 123 الأخيرةالأخيرة
النتائج 16 إلى 30 من 32

الموضوع: ماذا ستفعـل لو كنـت وزيـر التـربيـة والتعليـم ؟

  1. #16
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: ماذا ستفعـل لو كنـت وزيـر التـربيـة والتعليـم ؟

    لول وجان أرد
    كنت افكر في موضوعج اليوم الصبح الساعه 9 وربع بالضبط xD

    لو صدق صدق صدق صدق فجأه جي استويت وزيرة التربيه *ان شاء الله هالشي مول مايستوي لول* بس يعني .. ان استوى في يوم من الأيـام .. فكرت في اشيا بغيـرها


    - أول شي كل طالب لازم يدفع 1000 درهم كل سنه *صح هم حكوميه بس لازم يدفعون حق شي على قل* .. هالألف درهم .. بتكون حق الطاولات + ستاير + اي تعديـل للصف + يونييفوورم (المدرسه بتعطي الطلاب الثياب مب هم يفصلون عشان كلحد يكون نفس الشي)

    - بغيـر المواد من الخاطر .. أول شي .. لازم المدرسه ادرس ثلاث لغات والى هم الانجليزي والعربي والـ(هندي او فرنسـي) .. ويكون المستوى عالي لكل ماده .. في العربي لازم يعرفون يرمسون ويكتبون بالفصحى مب ينقعون شراتي .. والانجليزي لازم كل طالب ييب على قل 550 ولا مايتخرج .. واللغه الثانيه ماعرف p=

    - بحذف الجغرافيا والتاريخ وبستبدلهم ب .. السيـاحه العالميـه + ماعرف شو اسم الماده الثانيه بس انه هم مثل التاريخ لكن مب اشيا جديمه مغبره مابتأثر في حياتهم .. بتكون اشيا مفيـده عن شخصيـات عالميه مميزه واشيا ولا احداث عالميه هزت العالم...

    - كل حصه مدتها لازم تكون ساعه

    - في البريـك .. بخوز كل هالخرابيط الى يبيعونها .. وبييب أكلات صحيه + عصاير فرش

    - بيب طبيبه نفسـيه .. ونفس مراقبات .. لانه مابا سوالف بويات ما بويات وهالخرابيط .. ف اذا هالمراقبات شافو وحده ولا شكو في وحده يودونها عند الطبيبه النفسانيه في المدرسه xD

    - الرياضه شي مهم .. واذا عن مدارس البنات بيب رياضات بتفيدهم في المستقبل .. نفس اليوغا والبلاتييس والسباحه وجي

    - في مدارس البنات بحط ماده بنوتيـه .. يتكون من حصص الطبخ .. التنظيــف .. الاتيـكيـت .. الميـك أب والفاشن لول .. وفي مدارس الأولاد .. بيب كلاس عباره عن كيف يصلحون السيـاره يوم تختـرب .. كيف يكون أبو زيين .. الطبخ البــري .. ويبنون أشيـا

    - بحذف طابور الصباح الى في المدارس الحكوميـه.. وكل خمـيس المدرسه كلها تتيمع في المسرح ..

    - بغيـر طريقة العلامات وجي .. يعني نجاح الطالب مايعتمد على علامته في الامتحان .. يعتمد على كل شي يسويه في السنه + سلوكه

    - في التربيه الأسلاميـه .. بغيـره وايد .. بخلييه وايد حلوو .. وبتتكون هالماده من قرووب برووجكتـس .. قصص الطلاب لازم يقرونها بعدين يسون بروجكت عليها .. فيديوو .. محاضارات .. بخلييه وايد حلوو..

    - بخلي المدرسه وايد خضرا .. مترووسه شيـر وحشــيش .. مدارسنا الحكوميـه تلوع بالجبد شكليـا وهالشي مب زين .. لازم تكون نفس مدرستنا جي فيها نافوره ونهر وسمج وحشيش وشير .. بس مابحط طوااويس
    .She can only make it, if she dreams

  2. #17
    عضوية الماجستير الصورة الرمزية هزاايم
    تاريخ التسجيل
    May 2005
    المشاركات
    2,486
    قوة التمثيل
    354

    رد: ماذا ستفعـل لو كنـت وزيـر التـربيـة والتعليـم ؟

    لوصرت وزيره
    بخليهم يأجزون 364 يوم
    ويوم وااحد عسب يتعارفون
    وكان الله غفورا رحيما
    لالا انا ماارشح عمري اكون وزيره تعليم

    بخااطري يدرسوون شرات السعوديه
    يعني منهج التربيه الإسلاميه جمييل لكن يخفوون علينا<<يعني قوم دلع=q

  3. #18
    بروفيسور متميز الصورة الرمزية العجيبة
    تاريخ التسجيل
    Aug 2004
    المشاركات
    3,801
    مزاجي
    Cool
    قوة التمثيل
    430

    رد: ماذا ستفعـل لو كنـت وزيـر التـربيـة والتعليـم ؟

    اليـــاه
    دام مدرستين طبقوا النظام الالكتروني ، فابشـري ، اليـاي أكثر
    صدقج ، نحن خذنا مادة الكمبيوتر في أول ثانـوي ( مشروع محمد بن راشد ) وانصدمــت في بنـات
    عندنا مب قادرات يتحكمن بالمـاوس !!



    شمعة أمل ( العـاديـة )
    بالعكس وايدين يحلمون بالمناصب، كيف لو كنتي وزيرة التربية والتعليم !! وايد أشياء تترتب على
    هالشي ، وبعدين عادي اللي ما يطول يستوي وزير حامضٍ عن الوزارة يقووول خخخ

    والدكتور حنيف حسن مب مقصر مرة في انجلترا ومرة في سنغافورة ويحاوط في مدارسهم ، يبا
    يطورنــا


    ولد الشحوح
    خلاص عيل درجتي في الدين الحين 97 ، ما يحتاي انجح في الكيمياء والفيزيا والانجلش والعربي
    والرياضيات ، بكتفي بدرجة الدين وبخليها تدخلني شريعة وقانون .. شو رايك ؟
    لو كانوا جي يفكـرون من الأساس بيخلونا نختار المواد اللي تخدم التخصص اللي نباه ..!!
    يعني انت لو طبقت قرارك واللي هو كل واحد يدرس المواد اللي تفيد تخصصه في الثانوية بعد بياخذون
    نسبتك في هالمواد .. بس دام الاختيار مب مطبق عندنا فنحن ملزومين بنسبة المواد كلها ..



    شمعــة أمل ( الـوزيــرة )
    هيهيهييهي شفتـي مستحيل تتنازلين عن هالمنصب لو عطوج اياه
    - أول شي كل طالب لازم يدفع 1000 درهم
    المشكلة يوم قررتي هالقرار انتي ما تدرين إن الطلاب ما عندهم دخـل ثابت !
    يعني ولي الأمـر هو اللي بيتوهق بهالألـف !! وكيف لو كان عنـده 8 يدرســون في الوقت نفسه !!!
    والصراحة أنا ما أؤيد سالفة اللبس الموحد اللي توزعه المدرسه ، دايما يكون غالي ما يستاهل المبلغ
    اللي يندفع له والخام المستخدم رديء جداً ، وكل وحدة تفصل على كيفها يعطينا فرصة عشان نشوف
    موديلات مختلفة وقمصان أشكال وأنواع
    ودام المدارس اللي تحويها وزارتج موفرة الطاولات والستاير والصفوف معدلة بعد شـ له هالألف يندفع كل سنة ؟!!
    الصراحة أنا أفضل أشوف صفي أغبـــر وعـادي جدا ، لأنه كم مرة عدلنا صفنا وكنت ما أنتبه للشرح
    أتم أتأمل ديكور الصف اللي عادة ما يكون بألوان عنقاشية جداً جداً خخخ

    - لازم المدرسه ادرس ثلاث لغات والى هم الانجليزي والعربي والـ(هندي او فرنسـي)
    هذا معناته توفــرين أساتذة أكثـــر .. بس تعرفين المدارس الحكومية مب محتاجة للغة ثالثة وهي مب قادرة تدرس اللغة الثانية ( الانجلش ) بمستوى أكثر ما نقدر نقول عنه ( مقبـول ) !!!


    بحذف الجغرافيا والتاريخ وبستبدلهم ب .. السيـاحه العالميـه + ماعرف شو اسم الماده الثانيه بس انه هم مثل التاريخ لكن مب اشيا جديمه مغبره مابتأثر في حياتهم .. بتكون اشيا مفيـده عن شخصيـات عالميه مميزه واشيا ولا احداث عالميه هزت العالم...
    اممم صحيح انه هالمادتين ما أحبهم ، بس فائدتهم قيمة جدا جدا ، نحن ما عرفنا شو يعني جبل وهضبة ولا عرفنا مواقع بلدان العالم إلا من الجغرافيا ! والتاريخ يعطي الطلاب فرصة لمعرفة أمجاد القدامى وانجازاتهم وهذا بحد ذاته يدفع الطالب للإقتداء ببعض الشخصيات اللي تمر عليه ..
    وأعتقد مادة مثل السياحة العالمية منفصلة مجرد ترف ، وما نقدر نقول نحذف هالمادتين ، نقدر نطورهم ونجدد فيهم بما يتناسب وطموحاتج ، مثلا ندمج السياحة في الجغرافيا ، والشخصيات الحديثة في التاريخ ..

    بالنسبة لقراراتج الاربع التالية وايد مهمة وأؤيدج فيهــااا

    في مدارس البنات بحط ماده بنوتيـه .. يتكون من حصص الطبخ .. التنظيــف .. الاتيـكيـت .. الميـك أب والفاشن لول .. وفي مدارس الأولاد .. بيب كلاس عباره عن كيف يصلحون السيـاره يوم تختـرب .. كيف يكون أبو زيين .. الطبخ البــري .. ويبنون أشيـا
    هالشي يصير في الملتقيات الصيفية ، ولو تطبق في المدارس بيكون نصيبه حصة وحدة في الأسبوع
    يعني ما بتلقى هالحصة ذاك الاهتمـام ولا بيستفيد الطلاب أي شي، مثل مادة الفـن ، ما أحس إني
    استفدت منها شي ، المكتبات كانت تستفيد من طلباتهم ونحن بكل براءة كنا نسير ونشتري كل شي يطلبونه !!

    - بحذف طابور الصباح الى في المدارس الحكوميـه.. وكل خمـيس المدرسه كلها تتيمع في المسرح ..
    الطابور بالغصب يحضرونه، تبين الطلاب يداومون دوام كامــل عشان لا شيء ،
    حفلة الاتحاد اللي سووها يوم الخميس ، سوولهــا طاف ، مع انها واجب وطني ..
    حتى أنا شخصيا داومت عشان أمتحن أداء عملي في ذاك اليوم وطلعــت !


    في التربيه الأسلاميـه .. بغيـره وايد .. بخلييه وايد حلوو .. وبتتكون هالماده من قرووب برووجكتـس .. قصص الطلاب لازم يقرونها بعدين يسون بروجكت عليها .. فيديوو .. محاضارات .. بخلييه وايد حلوو..
    حلووو

    بغيـر طريقة العلامات وجي .. يعني نجاح الطالب مايعتمد على علامته في الامتحان .. يعتمد على كل شي يسويه في السنه + سلوكه
    هالشي مطبق حالياً


    بخلي المدرسه وايد خضرا .. مترووسه شيـر وحشــيش .. مدارسنا الحكوميـه تلوع بالجبد شكليـا وهالشي مب زين .. لازم تكون نفس مدرستنا جي فيها نافوره ونهر وسمج وحشيش وشير .. بس مابحط طوااويس
    ههههه عيل بنسميها حديقة **** للتعليم لول
    تعرفين هالقرار يــا لأنج ما جربتي عيـال الحكومي وكيف يتعاملون مع المرافق العامة !!
    خاصة إذا كانوا عايشين في مناطق نائية وما يعرفون أبعد عن حدود منطقتهم ..!!!


    مع قراراتــج هاي عزيزتي الوزيــرة أقدر أقول إنــج ثلاثة أرباع وزيــرة ..
    وشكرا على مشاركتج الحلوووة ..
    إن الفقيه هو الفقيه بفعله ليس الفقيه بنطقه ومقاله
    وكذا الرئيس هو الرئيس بخلقه ليس الرئيس بقومه ورجاله
    وكذا الغني هو الغني بحاله ليس الغني بملكه وبماله

  4. #19
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: ماذا ستفعـل لو كنـت وزيـر التـربيـة والتعليـم ؟

    منو قـال اني ماجربت =)
    كنت في مدرسـه حكوميـه قبل لأسـير مدرسـه خاصه..
    والزرع يغير واايد .. كفايه انج تشميـن هواا أنظف وتسمعيـن أصوات العصافيـر يوم تتمشـين ... وايد زين لنفسـية الطالب خصوصا وقت الامتحانات..

    ومن ناحيـة الطابور للحيـن أحس انه مب مهم .. يعني أوكيـه نحيي العلـم وجي .. بس سخافة تمارين الرياضه الصباحيه المنقعه مالهم؟؟ قم بو ارفع اييدك وانقز؟؟ وين يبونxD .. المفروض يعدلون حصة الرياضه في المدارس الحكوميه وياخذون هالحصه بجديـه .. مب كل وحده تييب رساله اونه ماروم اسوي رياضه ..


    عن المواد البنوتيـه + شبابيـه ..بخليها حصتيـن في الأسبوع ومب حصه .. مابيكون نفس التربيه الأسـريه المعفن على أيـامي (بعد موجود ولا؟؟).. صدق كان مصخره >_< .. اما هذا لا ..بيكون وناسه

    عن الانجليزي .. بغييييييييييره .. بييب انجليزيه ادرس انجليزي مب وحده مواطنه حتى اللهجه البريطانيه او امريكيه ماتعرفها وكله تنقع .. المفروض المواطنات يدرسون الاشيا بالعربي والانجلييز يدرسون لغتهم .. واللغه الثالثه .. طبعا الهندي وحده هنديه بدرسه والفرنسي وحده فرنسـيه ولا من الدول الى احتلوها فرنسي ويرمسون كله فرنسي xD

    وعن الألف درهم .. انا مب معاج .. المفروض الشخص يدفع .. ولو عنده 8 مره وحده .. واجبه هوو يحفظ فلوسه خلال السنه .. مب يسرفها على اشيا ماتسوى ..
    عندنا مشكله ويا المواطنيـن .. انه مايقدرون معظم الأشيـا الى تيهم .. نفس الماي والكهربا والبيوت والبعثات وكل شي .. كله يبون يبون يبون ومايعطون ..
    لازم ياخذونresponsibility على قل مره في حياتهم ..وهالشي بيبدا بالدراسه .. وألف درهم مب وايد لسـنه كامله .. خصوصا مقارنة بأسعار الجامعه الى تبدا من 20 لخمسين ألف في السنه!

  5. #20
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: ماذا ستفعـل لو كنـت وزيـر التـربيـة والتعليـم ؟

    السلام عليكم

    إذا استويت وزيرة التربية والتعليم إن شاء الله يعني

    بعطيكم إجازه أسبوع كامل بمناسبة فوز المنتخب

    مب بس اللعيبه يحصلون ...حتى المشجعين يستاهلون

    إن شاء الله حنيف يدش ويقرا قراري ويعتمده من باجر .... ما فيني أداوم

  6. #21
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: ماذا ستفعـل لو كنـت وزيـر التـربيـة والتعليـم ؟

    مرحبااااا والسموحه عجيبه اعرف يمكن تعصبين موضوع جديم ولكن يقال كل شيء في وقته خخخخ وهذا وقته عاصف كان بيتكلم عن موضوع بس قال بيعرضه هنا وسؤالج عجييييييب خخخخ لو عاااصف وزير هيهيهيه اول شيء بيمع المدرسين ألي امبهدلين عاصف وبفنشهم خخخخخ وثاني شيء بفتح مجال حرية التعبير على جدران المدارس هيهيهيه وثالث شيء بكثر من الفسح وبضيف ماده يديده هي مادة فن المغازله ورابع شيء بفتح في المدرسه كراج لهواية تزويد السيارات وللبنات بحط مادة فن المكياج وخامس شيء الدوام بيكون من 10 الصبح لين وحده الظهر فقط ايهههها طبعا كله سوالف وعاااصف يمزح



    بتكلم عن المدارس
    1- بفتح مادة العادات والتقاليد: في الماضي كانوا أميين ولكن أخلاقهم وطباعهم حيه والآن بحثنا وأهتممنا في التعليم وللأسف أولاءك من يتعلم ويتخرج نجدهم خالون من أي عادة المسلم العربي الخليجي الإماراتي في تعاملهم أخذوا العلم ونسوا الأخلاق

    2- تدريس مادة اللغه الأنجليزيه في مدارس الحكومه بتكون على نفس مستوى مدارس الخاصه

    3- فقط مدرس غير عربي أنجليزي يدرس اللغه الأنجليزيه لجميع المراحل

    4- تخرج الطالب من الثانويه بمعدل عالي وحسن سيره طيبه يتم بعثه لبريطانيا وإقامته مع عائله أجنبيه حتى يتعلم اللغه

    5- إضافة حصه جديده هي تحفيظ القرآن كاملا والسبب أن هناك أحصائيات بأنهم الاوائل في المدارس

    6- أدخال مادة لعبة الشطرنج ووضع مسابقات والسبب أن هناك أحصاءيات بأن من يلعب الشطرنج له أختلاف من الناحيه الإيجابيه في الاستيعاب والفهم والذكاء والتخطيط والفكر

    7- الأهتمام بالنشاطات حتى وقت الاجازات الصيفيه طبعا على حسب الرغبه أي أن الطلبه بحاجه لنشاط بدني يفرغه بدل ما يفرغه في السلبيات

    8- الأهتمام بهواية الطبخ والخياطه بالنسبه للبنات

    9-من هو يكون أخصائي أجتماعي بنفس الوقت يكون دكتور نفساني ويتم الأتقان في أختيار الشخص المناسب دون أهمال
    10- وجوب وضع محاضرات توعيه كل أسبوع لكل مرحله ومستوى
    11- أستخدام أسلوب الترغيب والأقناع وليس الترهيب
    12- وجوب وضع كاميرات في المدارس على اساس اتكون الرقابه من قبل ادارة المدرسه نفسها

    13- لكل انسان هوايه فبهتم بالهوايات وميولهم كالرسم او الشعر او الخ الخ الخ (شو يعني الخ)
    14- وجوب وضع وكثرة المكافأت التحفيزيه وتكثيرها

    شو بعد اممممممممم اذا فيه شيء برجعلكم وشكله عاااصف يهذرب ويخربط والسموحه
    التعديل الأخير تم بواسطة فرفوش ; 04-07-09 || الساعة 03:44 AM




  7. #22
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: ماذا ستفعـل لو كنـت وزيـر التـربيـة والتعليـم ؟

    أونه !!

    خلاص عاصف ... إن شاء الله بننتخبك في الوزاره اليايه ...

    جان هاي قراراتك ...نحن والطلاب بألف خير

    من هالقرارا حسيت إنك مدرس !!! صدق صدق عايش الوضع التعليمي
    لو كثرت عيوبي بعينك تباهيت .... أبقى الوحيد إلي عفس لك مزاجك

  8. #23
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: ماذا ستفعـل لو كنـت وزيـر التـربيـة والتعليـم ؟

    اقتباس المشاركة الأصلية كتبت بواسطة حلم الطفوله مشاهدة المشاركة
    أونه !!

    خلاص عاصف ... إن شاء الله بننتخبك في الوزاره اليايه ...

    جان هاي قراراتك ...نحن والطلاب بألف خير

    من هالقرارا حسيت إنك مدرس !!! صدق صدق عايش الوضع التعليمي

    أيييههههههااااااا
    جان زين مدرس
    اتعرفين شو العلاقه الي تخلي الطالب يكره الماده والتدريس
    هي معاملة المدرس للطالب
    يعني لو مدرس محبوب ويعرف يتعامل مع الطلبه لكان الطلاب بأحسن حال بس هم يبون الطلبه فقط الي يعاملونهم بحب عنبوه انت مدرس وافهم واكبر عن الطالب ولك خبره في الحياة

    15- أعادة دراسة أختيار المدرسين من حيث وضع اسس جديده لمن يصبو ان يصبح مدرس (شو يعني يصبو) كله علم في المعامله وطريقة ارسال المعلومه ولو حبذا ان يكون دارس في علوم النفس

    16- فتح حظانه خاصه في المدرسه بحيث يتم رعاية أبناء المدرسات

    17-المدرسه الحامل تعطى اجازه من اول حملها لمدة سنه


    18- انشاء مدرسون أحتياطيون بحيث وقت اجازة المدرس يقوم الاحنياطي بالاكمال وبحيث ما يأثر على تدريس الطلبه

    19- وضع منصب نائبة الوزير وهي تهتم بشؤون الطالبات والإنااااث بشكل عااام شرااات السعوديه

    حلم الطفوله شو سالفت اسامي الطفوله متداوله عندكم في الواحات هيهيهي
    انتي انتخبيني وانا بحطج نائبة الوزير اييييههههههاااااااا




  9. #24
    بروفيسور متميز الصورة الرمزية العجيبة
    تاريخ التسجيل
    Aug 2004
    المشاركات
    3,801
    مزاجي
    Cool
    قوة التمثيل
    430

    رد: ماذا ستفعـل لو كنـت وزيـر التـربيـة والتعليـم ؟

    بعترض لو خلوك وزير للتربية والتعليم يا عاصف عنجهي !!! للأسف جاي في غيـر زماني لول !!!


    فعلا بعض قراراتك يحتاج لها النظـر من قبل المسؤولين ... انشرها في الجرايد ... عل وعسى يكون لها صدى !

    وشاكرة لك مرورك المتأخر خخخ
    إن الفقيه هو الفقيه بفعله ليس الفقيه بنطقه ومقاله
    وكذا الرئيس هو الرئيس بخلقه ليس الرئيس بقومه ورجاله
    وكذا الغني هو الغني بحاله ليس الغني بملكه وبماله

  10. #25
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: ماذا ستفعـل لو كنـت وزيـر التـربيـة والتعليـم ؟

    سيد عاصوف ... احلى من عاصف صح :)

    الدراسه شيء والميدان شيء ثاني ... مب كل مدرس ينفع بالتدريس !!! وإلا شو رايك ؟

    المهم خلنا بعالم الطفوله ... الأطفال على الأقل أحباب الله والله يزيدهم ويبارك فيهم في الواحات


    وننتظر المزيد من قراراتك العادله وزيرنا المرتقب عاصف تربيه :)
    لو كثرت عيوبي بعينك تباهيت .... أبقى الوحيد إلي عفس لك مزاجك

  11. #26
    مـراقـب أول
    مـراقـبـة واحـة الفضفضة
    مـراقـبـة واحـة القصص والحكايات
    الصورة الرمزية عافك الخاطر
    تاريخ التسجيل
    Jul 2002
    المشاركات
    1,613
    قوة التمثيل
    345

    رد: ماذا ستفعـل لو كنـت وزيـر التـربيـة والتعليـم ؟

    طريقة تدريس بعض المواد لازم تتغير .. مثلاً النحو - وها كلام دكتورنا في جامعة الشارجة اللي ما ادري ليش ما يقدم رايه للوزارة! - المهم ، المفروض النحو على كلامه ما يُطبق على انه قاعدة وتنحفظ، بل تُطبق قراءةً و كتابةً و الاولى انه تقييم هذا الجانب في الطالب يكون من خلال القراءة و الكتابة ،لأنه ها اللي يميز الطالب اللي فعلاً حافظ القاعدة مجر حفظ بدون تطبيق و بين اللي جمع الاثنين . و بعد لازم يحاولون يجمعون بين اللغة العربية و الثقافة الإسلامية من خلال القرآن .. يعني حالياً في الجامعة يعطونا نعرب آيات و ها شي طيب يعني يخليك تفهم الآيات بصورة أفضل .. و في نفس الوقت ممكن تحقق الجانب التربوي و الأخلاقي في شرح معانيها. وفوق ها كله من واجب المدرس انه يبتكر طريقة تخلي هاي الامور كلها ممتعة للطالب.

    وأأيد عاصف في رايه رقم 15

    و يمكن لنا عودة
    Everything I love gets lost in drawers

  12. #27
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: ماذا ستفعـل لو كنـت وزيـر التـربيـة والتعليـم ؟

    عااااصوووووووف عاااااد مره وحده حشى- أنا اسمي عاصف وبسمي ولدي عصوف خخخ ناديني بو عصوف هيهيهيهيه
    ما قلتيلي الطفوله لو انتي نائبة الوزير والا وزيره شو بتسوين
    أكيد وزيرة ارهاااااب العواصيف


    الوزاره اذا تبأ تهتم بالتعليم والتربيه فلازم الاساس من البذره - الاطفال مب يوم يكبرون يقولون لهم تعالوا بنعلمكم
    النحو ما يلامون من كثر الطاااخ طيخ وطقيطق حتى انا بعد عربي نو فهمي
    أتفق مع عافك الخاطر خلاص- والسموحه


    احم احم معاكم معالي الوزير
    عاصف القطامي
    التعديل الأخير تم بواسطة فرفوش ; 06-07-09 || الساعة 08:58 PM




  13. #28
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: ماذا ستفعـل لو كنـت وزيـر التـربيـة والتعليـم ؟

    بو عصوف ... دام هاي قراراتك ...إنته سر وأنا من ورائك :)

    تدرين إختيه عافك الخاطر .... سالفة مدرسات العربي هاي بروحها سالفه !!


    عاصف شكلي بوديك بستين داهيه جان صرت الوزيره !!! صحيح من قال وراء كل رجل عظيم وزيره أعظم
    التعديل الأخير تم بواسطة حلم الطفوله ; 07-07-09 || الساعة 06:18 PM سبب آخر: كح كح
    لو كثرت عيوبي بعينك تباهيت .... أبقى الوحيد إلي عفس لك مزاجك

  14. #29
    عضو جيد جداً الصورة الرمزية فرفوش
    تاريخ التسجيل
    Jun 2009
    المشاركات
    991
    قوة التمثيل
    230

    رد: ماذا ستفعـل لو كنـت وزيـر التـربيـة والتعليـم ؟

    لو انا وزير لغيرت نظام الاكل في المدرسه ووين الصحه لو خلوني وزير التربيه والتعليم والصحه مب احسن خخخخخ




  15. #30
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    رد: ماذا ستفعـل لو كنـت وزيـر التـربيـة والتعليـم ؟

    قراراتي بتكون كالتالي:

    ١- بغير قانون الرسوب ... الي يرسب في ماده ياخذ سمر سكول .. بوايد احسن من انه يضيع على عمره سنه!
    ٢- بجبر الطلاب يشتغلون او يؤدون عمل تطوعي وبيكون عليه علامات عشان يحسون بالمسؤوليه ويشدون حيلهم وياخذون فكره عن نوعيه الاعمال الي يحبونها وهالشي وايد زين في انه يبني للطالب نوع من الطموح و الرؤيه المستقبليه في مستقبله وبالتالي بيتحسن اداء الطلاب!
    ٣- الطالب الكسلان يخلونه يشتغل او يطوع في الويكند اذا يبا ينجح في ماده ! الكسلانين في الرياضيات يشغلونهم في سوالف حسابات الكافتريا P= والكسلان في العلوم يخلونه يساعد في المختبر والعربي يساعد في اذاعه طابور الصباح
    ٤- لازم مدارس دبي تستوي نفس مدارس بوظبي جنها مراكز مكيفه كككللللها .... لان جونا صصصصدق ماينطااااق
    ٥- يزيدون كلسات الانجليزي .. او يدرسون علوم و رياضيات وهالسوالف بالانجليزي ;)

    هاللي اروم افكر فيه للحين ...

    بس


    عندي تعليق


    - أول شي كل طالب لازم يدفع 1000 درهم كل سنه *صح هم حكوميه بس لازم يدفعون حق شي على قل* .. هالألف درهم .. بتكون حق الطاولات + ستاير + اي تعديـل للصف + يونييفوورم (المدرسه بتعطي الطلاب الثياب مب هم يفصلون عشان كلحد يكون نفس الشي)
    انتي وين والشيخ زايد وين .. حمدلله الامارات فيها خير وعايشين بنتم في خير .. روحنا حبتين في بلادنا .. هالقاصر

    في حل ثاني .. الطلاب الي يخربون الادوات يخلونهم مسؤولين عنهم .. احيد مره في ثالث عدادي كان صفنا صصصدق شيطان .. جان مربيه صفنا تخلي الي ما تقر في الصف توقف علبنات عشان ما يظهرون في حصص الفراغ والبنات الي يوصخون مسؤولات عن النظافه في الكلاس ..... والخطه نجحت وصفنا فاز باحسن صف وودونا رحله! اياااام والله =)
    آحـــب أجــنــــنـهـم تــفــاكـــيـر و صـــدور و احـــب أكــــون "الـــصــعـب" ، مـــحــــدن يــــطـولـــه !

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. رهينة الماضي
    بواسطة دولي في المنتدى واحة القصص و الحكايات
    مشاركات: 4
    آخر مشاركة: 06-06-05 ||, 06:39 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •