تجنب شياطين المواقع من اليوم ورايح

[خيال الحب]

مشكووور يالطيب ع البرنامج

تم التنزيل

[حصان طروادة]

ريم ريم

الله يسلمج من كل شر ، مافينا نخالف قوانين الإدارة وننطرد

[حصان طروادة]

خيال الحب

العفو أخوي ، وحياك الله في أي وقت

[تنينه]

اويييييييه ظـهر في موقع الجامـعه شيطااااان ؛؛


مـن نزلت هالبرنـامج مـا جت دخلت موقع وظـهر لي هالأحمر × ,, بـس اليوم يوم دشيت موقع الجامعه ظـهر وحتى يوم بغيت اجيك أيمييل الجامعه ظـهر ؛؛

قلت اوييه شسووي الحيـن أبـى أجيك الأيميل من يومين ما حدرته شسوي شسووي ؛؛ جـان أقرر أحـدره والله يبعد الشيطان عـن لاب توبي لول ؛؛

يـعني ألـحين موقع الجامعه وايميلها بيسبب خـطر على لاب توبي

[الدلووووعة]

هيه صح تنينوه انا من امس يت بدخل موقع الجامعة واباه ظروري
بس ماحدرته مافيه لاب توبي يستوي به شي ( لو كمبيوتر البيت برايه ^_^)
بس مايستوي ادخل البلاك بورد منه للاسف ^_^

يله برايه باجر بدخل من موقع الجامعة ( نذاااااااااله خخخخخخخخ)

[حصان طروادة]

تنينة أو الدلووووعه عطوني الوصلة

بجوف شو مشكلة الموقع وبخبركم

[تنينه]

http://www.zu.ac.ae


^^"؛

[حصان طروادة]

صح النوم

خخخخخخخ

[جنون امرأة]

للحين متردده أنزله و لا لا ؟؟!!

حصان TROY

ممكن اطمني اكثر ؟؟


خايفه ع الكمبيوتر يعني !!!

[ألم ترى]

بسم الله الرحمن الرحيم ..

هلا خوي هورس ..

انا نزلت البرنامج وكل شيء تمام ولكن إذا طلع لي احمر وانا ابي اتم ف هالموقع اصلآ شو اسوي ! ..

يعني يصير شيء ف الجهاز ؟ ..

خبرني شوي من المعلومات اللي عندك بارك الله فيك ..

تسلم تسلم يمناك ع البرنامج ويزاك الله كل خير ..

دمت بحفظ الرحمن ..

[حصان طروادة]

جنون إمرأة

أفا عليج بس أختي ، حصان طروادة ما اييب شي إلا وهو واثق منه

وفوق هذا كله البرنامج من (مكافي) يعني حطي بطيخة الصيف في بطنج ونزليه وإنتي مرتاحة البال .

وعندج مشاركات وردود الأعضاء وكيف هم مرتاحين من البرنامج .

نزليه ، وإذا صار شي في كمبيوترج علي تصليحه ، ولا أقولج ببدله لج

[حصان طروادة]

هلا أخوي ألم ترى

سؤالك ما كان واضح ، لكن على حسب فهمي للسؤال

العلامة الحمراء تعتمد من حالة لأخرى ولسبب لآخر ، لكن أقدر أقول وبشكل عام دون الدخول للتفاصيل إن أغلب الأحيان المواقع صاحبة العلامة الحمراء تحتوي على أمور كثيرة لا نرغب فيها من الإسباي وير والآدوير أو فايروسات أو تروجنات (حصان طروادة) ، وسبق أن شرحت الأمرين الأوليين للأخت تنينه في رد سابق .

بالنسبة للإسباي وير والآدوير بمجرد دخولك للموقع يتم تنزيلها تلقائيا على جهازك مما تسبب في غالب الأحيان بطئ في الجهاز أو تساعد في عملية فتح ثغرات لتسهيل عملية الاختراق إلى آخره ، وأحيانا نقوم بتنزيل ملفات عشوائية لا تحتوي على مصدر موثوق وتكون عبارة عن فايروسات أو تروجنات (حصان طروادة) ... إلى آخر التفاصيل .

وأنا الآن في صدد كتابة موضوع مفصل عن هذا الأمر بعدما طلبته مني الأخت جيز كيك سنيكرز في رد سابق وببين جميع هذي الأمور في موضوع مستقل إن شاء الله .

فأنا دايما أنصح قبل الدخول التأكد من السبب وإذا لم نعرفه فلاندخل للموقع .

اتمنى إني أفدتك بشي ولو بسيط .

[ألم ترى]

بسم الله الرحمن الرحيم ..

هلا خوي حصان ..

ماتقصر ياخوي وما عليك زود وربي ..

ف انتظار طرحك الجديد إن شاء الله ..

[هزاايم]

لاهنت

[حصان طروادة]