ماشالله . . موضوعج روعه بعيداً عن المجاملات . . وكأنج تقرين افكاري في بعض ما طرحتي . . .
في اشياء بالفعل اتضايقني ويمكن هي اتكون سبب من الاسباب الي ابتعد فيها عن الواحات . .
كل الي ذكرتيه موجود نعم في واحاتنا . . واتمنى انه يتغير للافضل . . لكن فيه شي جداً ايضايقني . . ويمكن ما ايضايق غيري الي هم من نفس الفئة . .
- لما ادخل موضوع واشوف ردود احدى الاخوات . . " انا بسافر وبسير المكان الفلاني " و"المشكله انه محد سألها . . طيب ليش ما اتقولين بسافر وخلاص !
انعرف انج بنت نعمه والخير فوقج وتحتج . . لكن ماله داعي استعراض العضلات هذا. . الغاليـه كلنا انسافر وما انخبر حتى انه سافرنا . .

"
نصيــحة . . ترا العيـــن حق وديري بالج ع نفسج
- ولا ادخل موضوع واشوف رد وحده انها شاريه الشي الفلاني وعارضتنه . . " إنزين بلاج اول مره اتسيرين السوق وتتشرين! ! . . ولا لازم اتراوينا انج راعية ماركات . .

"
نصيــحة . . ترا العيـــن حق وديري بالج ع نفسج
- ولا وحده عندها كذا موبايل وصافتنهم وامصورتنهم " الحمدلله الدنيا اتغيرت منو ما عنده تيلفون الحين! .. من ايام شاريه لبشكارتنا اليديده تيلفون نوكيـــا فول اوبشن من كارفور بـ 290 درهم لاغير

"
نصيــحة . . ترا العيـــن حق وديري بالج ع نفسج
يوم اشوف هالاشياء . . صدق اتضيج بي الدنيـا . . أحس انه العقول صارت تافهه جداً يوم انها اتفكر ف الماده والمظاهر وتنسى اشياء ثانيه أهم منها . . وللاسف قليله هي الصداقات الـpure الي اتكون من الاعماق وفيها مشاعر الحب والاخوه . . وقامت علاقات المظاهر تتطغى عليها . . بالفعل ازعل على حالهم الميؤوس منه وما اشوف نفسي الا سايره عند الـ X وامسكره الواحات ومكتفيه بالمسنجر ومحادثة الصديقات وقراءة المواضيع في الايميل. .
كــــان الله ف العـــــون عزيزتي ، ، ،
تسلميـــن على الموضوع ، ، أحس اني ظهرت شوي بس من الي ف خاطريه
مواقع النشر (المفضلة)