البخور والعود والعطور ...

[مايهزك ريح]

صريح ..
واحد من الشباب قالي انه الـ Testers اتكون ريحته اقوى واحلى عن العادي !

نحنا في المينا عندنا واحد بيع العطور ( وكيل مب موزع ) .. وطبعا وايد فرق في السعر .. يعني انا كنت اشتري من عنده عطر ايجنر ليذر بـ 50 مادري 70 درهم .. في السوق .. شوف كم وصل سعره .. !


وبعد في دبي في محل اسمه ماي للعطور .. في السطوه اييب العطور دايركت من برا وارخص عن السوق ..!

[ملاك الروووح]

^


مايد التستر ريحته صج تكون أقوى .. وأحلى ..

بس انه يعطونك اياه بدون العلبه بس نفاد جيه شو بتسوي بها


بس صج اريج وباريس غاليري وايد حراميه

يبيعون لنا العطورات باضعاف الاسعار ..!!!!



صريح انا قالوا لي بعد عن محل منصور ..

والله انه عجييييييييييب

أسعاااااااااااااره فظيييييييييييعه

ونفس العطر الاصلي بعد !!!!

[قصايد غلا]

أنا موووول ما أداني أشتري العطور من باريس غالري .. إلا لو احتيت بدي اسبراي مال شانيل "مادموزيل" لأني ما أشتغى عنه لازم أرش منه على ثيابي كل يووووم =)


أكثر شي أشتري من المطار أو من الهاجس اللي في بوهيل (قوم عمّوه علّموني عليه) أو السلام و بسسسس
هيه صح أو من عند مشاعل غالري في المركزي (عشان ربيعتي و أهلها كلهم يشترون من عنده وااااايد يخصم لي من جيمة العطور)

[ملاك الروووح]

^

أنا بعد أروح الهاجس بس اللي ف بن سوقات ..

نفس العطورات بأسعار خياليه والله

تحسين عمرج صج مقصه ..!

["الماسة"]

نحن ناخذ الدخون او البخور من محل الياس الي ف وافي..غيير انه قوم ماماتي يعرفون حريم ف بوظبي يسوون هالسوالف..

اما العطور فاحس انه الماركات عطورهم حلووه..

وهييييه ههههههه امي يعيبها عطر الكحله من باريس غاليري..

[ذنـيـنـي]

بصراحة هالمحلات شوي مشكوك في امرها
ادري انه شي محلات تبيع منتجات اصلية بس شي وايدين ما يبيعون عطور اصلية
أو
طرق التخزين تكون سيئة و العطور تخترب سواء لتعرضها لأشعه الشمس المباشرة او الحرارة

في آخر سفرة كان عندي عطر فهرنهايت و في المطار ولد عمي خذ فهرنهايت
رشيت من الي عندي على ايدي و من الي عنده على ايدي الثانية و رقدت
عقب ساعتين تقريبا شميت الايدين و طلع انه عطري ريحته وايد خفت و شووي تغيرت
اما العطر الي خذناه من المطار ريحته تمت قوية و مثل ما هي

طبعا هالشي ما يفرق وايد ويانا
خاصة انه نحن سايرين و رادين نتعطر لول
و نترشش بالعطر الين ما جيوبنا الانفية تتشبع بالعطر لول


بس القصد اني اقولكم ترى مب دائما الرخص هو الحل الافضل للشراء
بالنسبة لي العطور السبشل افضل اني اخذها من مكان موثوقمثل سيفورا او هارفي نكلز
و العطور الي للأستعمال العادي ( حق الدوام ولا في السيارة ولا جان بنزل مكان ) اخذها من محل في السوق المركزي في الشارجه اسمه فريل و الي اعرفه انه السبلاير مالهم هو جاشنمال

[تحفه]

"الماسة" عطر الكلحه كيف ريحته؟ انا ابيييي ايربه! شكللله حلووو من اسمه


ونورتي الواحات اول مره اشوف نك نيمج


و


كيوت افاتارج .. احب سندرلااا

["الماسة"]

(تحفه)..

يسلمووووووو هيدا من ذووقج..

امممممم

ماعرف امي خذته من باريس غاليري الي ف الميغا..هوو عطر يديد..انا ماشميت ريحته عدل عدل عدل..بس امي واايد عايبنهـــا..

باجر ان شاءالله بشم ريحته وبييب لج تقرير عنه وبرد عليــج..

سمحيــــلي..

[تحفه]

^paris gallery sell an awesome d5oon called pink d5on ;)
give it a try you will like it ;)
about the perfume i am hitting the stores after finals inshalah mayroo7 3n balleee 3ad :P thanks sweetness

["الماسة"]

[IMG][/IMG]
هاااي صوره عطر الكحله الي طلبتيها..
سمحيــلي تاخرت لاني ماعرف كيف اضيف صوره ف الرد..

[مايهزك ريح]

عطر عجيب .. كنا امحصلينه في سويسرا وتوه نازل في دبي .. تراوالي البارحه في دبنهامز ^_^
الـ 100 مل اعتقد انه بـ 400 وشي

Une Goutte sur un Pétale” (A Drop on a Petal).L’Eau d’Issey

يا حظ البنات كل يوم ينزل عطر .. >_<

[تحفه]

^:
يرب تمبكتو من L’Artisan ;)





الماااااسه : thanks babe

[مايهزك ريح]

^ موجود في دبي .. اذا هيه.. قوليلي وين .. عشان اجربه ^_^!!

[تحفه]

^هي موجود في ساكس فيفث افينيو برجمان و هارفي ! بس مب دايما .. مرات يكون اوت اوف ستوك ..

باجي حبه وحده في ساكس من الكبير ..

الحق ماتلحق P:

[مايهزك ريح]

انا بس ابا اجربه تتوقعين يكون عندهم Tester ..
لأني مسافر ان شاء الله وباخذه من برع .. محله بيكون قريب على المنطقه اللي سايرلها ^_^!!