يعني ليش ما تجرب العطر الي هي ذكرته في الموضوع

المهم،، انا آخر مره خذت ثلاث عطور
اول واحد هو ارماني اليديد و الثاني هو فالانتينو الرجالي "لونه ازرق"
و الثالث هو ديفادوف "كوول واتر" طبعا هالعطر كلاسيكي و اغلبكم يعرفه
احيد كنت استعمله يوم كنت في صف خامس ما ادري سادس ابتدائي لول و يمكن قبل
بس هالمره غيرت و خذت نسخه الـ Summer منه نفس الريحه بس اخف

امسات الوالدة يابتلي هدية مضربين دهن عود،، واحد منهم قديم و الثاني سيوفي ربع توله و ربع توله

==================

الحين ابغي اسير آخذلي عطرين قبل العيد و شوي محتار
شي عطر وايد يعيبني و دوم آخذ منه و الي هو آجنر ليذر الي اتي غطاته عليها جلد بني
بس المشكلة اني ماخذ منه فوق الخمس مرات و خلاص الحين ستويت مشهور فيه
آجنر = ناصر كان هني لول

شكلي بجرب Gucci اليديد و في خاطري بلاتينيوم بس ما اعرف ،، يمكن احصل شي يديد يوم بسير آخذ عطور

اذا نزل شي يديد و يستاهل بقولكم