البخور والعود والعطور ...

[المزوحي]

انا عندي الثاني ، مال travel

إييون 2 نفس الحجم في علبة

[مايهزك ريح]

انا خذته وعطوني منه عطر صغير نفسه هديه وياه .. ^_^!!

[المزوحي]

كلام كبير مايهزك ريح !




هذا العطر شفته، بس ماظن عندنا في البلاد، أو بيكون وجود مثلا في ساكس فيفث افنيو !

على أساس أقول حق الرضيعه تيبه من لندن، وعقب قلت لا مب مشكلة، فأمس تكلمني تقول اشترت عطر

غرشته سودا يبتدي بحرف K

طلع نفسه اللي كنت بقولها عنه ^_^

[قصايد غلا]

حلوةةة ريحته .. ريحته عربية

حلوة ويا العووود ولا الدخون

[مايهزك ريح]

مروان ..
ان شاء الله يعيبك .. صدق ريحته غير يا ريال .. واحلى شي انه مب منتشر مثل توم فورد ^_^!!

[المزوحي]

قصايد غلا، من دخل محل، يقولون هذا العطر ريحته مسك، وإلا ريحته عمبر .. يشجعونا نشتري عسب

الروايح العربيه، من شفت شكل الغرشه حسيت به العطر ريحته من العطورات العربيه ..

مايهزك ريح .. توم فورد ماقام يعيبني - صدق يستغلونا .. أونه شو احجز العطر هه

مامريت على فرعهم اللي في دبي مول !

[مايهزك ريح]

ما مريت دبي مول لأني شريت العطور من برلين ^_^!!

[قصايد غلا]

المزوحي : لا تاخذ شي اذا مب مقتنع خاصة اذا شي غالي


رش منه و تمشى في المول و فكرررررررر


هذا العطر وايد حلووو .. ريحته اتم و هو بس سلفردجز و أظظظن هارودز بس اعتقد انه كل كوليكشن غير عن الثاني "يعني بعض الاشيا مب موجودة في هارودز و العكس "

[المزوحي]

خبريني وين لأنه اختي هناك وكل يوم تسألني تبغي شي وأقولها لا كل شي عندنا في دبي الحمدلله، بس طلبت

Trish McEvoy ، مع إنه عندي وايد عطورات، لكن يوم أسير أي محل هنيه، ويتمون يقنعوني ، أقولهم عندي

واشتريت أمس، يمكن مايصدقوني، بس مشكلتهم، شو أسوي باللي عندي !

تدرين في كل مول 20 محل عطر، وكل واحد يقول هذا يديد وهذا مادري اشبلاه .

[مايهزك ريح]

مروان اطلب Trish McEvoy الرصاصي .. وايد حلو .. بيعيبك !

[المزوحي]

انا خذوا لي الثاني، بس بقولهم عن هذا بعد .. تسلم مايهزك ريح :)

[مايهزك ريح]

اي واحد 9# و لا sexy #9


احتمال sexy #9 ما يعيبك لأنه شوي ريحيته على نسائي انا ماخذنه لخواتي في آخر سفره لأمريكا

[المزوحي]

والله عيل خذت 3 غراش منه sexy #9 حقي وحقهم بعد، بالإضافة لــ Kilian إذا مب حلو بفره عليهم :)

[المزوحي]

أي عطر من CREED أحلى واحد ؟

[مايهزك ريح]

^
كريد .. الذهبي والأبيض من وجهة نظري مادري بالباقين شو بيشورون عليك !

#9 ينفع لأنه ريحيته غير .. والرصاصي يرد على رجالي ..

على العموم جربه يمكن يعيبك !

وخذ عطر play givenchy الشفاف ..ريحته عجيبه .. والرصاصي منه اتكون ريحته قويه ..
بيلقونه في هارودز بس اعتقد !