البخور والعود والعطور ...

[تحفه]

تحوفة : واحد من عطورات فكتوريوس ما يبيعونه إلااااا في سلفردجز حلللووو .. بس ريحته مب وااايد غريبة يعني ترومين روحج تخلطين عطووور و تحصلين نفففسسس النتيجة

Boadicea the Victorious ما ينباع غير في هارودز و سلفردج ومكان ثاني بعد في امريكا .. و لكل محل ثلاث عطور حصرينيين لهم هم بس! الثلاث عطور الحصريه في سلفردج مول مب حلوين بالمقارنه مع العطور الحصريه في هاردز

انا من طبعي احب العطور العربيه القويه .. و الحلو في Boadicea the Victorious ان كل عطورهم عربيه

و العطور الي حطيتهم Salubrious و Adoration هم من العطور الحصريه لهارودز بس ...ممم وكانو العطور الحصريه في هاردز اوت اوف ستوك لمده شو اقول غير الله يخلي موسم كريسماس هاها


منو مثلي يعشق لندن ونيويورك في الشتا بس؟

[مايهزك ريح]

^
مشكورين خواتي على الردود ..

[ذنـيـنـي]

Juicy Couture-Dirty English
هدية من ابويه،،



هدية من اخويه،،
راد من السفر و يابلي اياه، يدري اني احبه ^^




اليوم يلست احسب عدد العطور الي عندي, وصلوا ٣٠ عطر ويا هالعطرين لول ^^

[قصايد غلا]

^ من أحلى العطوووور الرجالية .. تتهنّى فيهم :)

[مايهزك ريح]

مبروك على العطور ناصر ..

[المزوحي]

ماشي غير GREY FLANNEL



سعره اقل عن 100 درهم وريحته تشل الدنيا

[أنامل قلب]

وين بلاقي محل أنفاسك دخون !.

أحد جرب لهم شي ؟

[تحفه]

^دبي مول صوب درمولوجيكا و ستاربكس .. + مركاتو مجابل ماك مال الميك اب

[أنامل قلب]

^ شكرا تحفه ..

[مايهزك ريح]

اخويه شاري للوالده هالعطر .. البارحه شفته ريحته على عطر عربي .. من بوتيك1


midnight oud~ by juliette has a gun

[المزوحي]

روحته من فتره شي لونين منه وريحته على عطر عربي وسعره مب هيَن!

[تحفه]

Tom Ford Bois Marocain

[مايهزك ريح]

في الويكند كنت احوط في بطبوطه .. وشميت ريحة دخون غاوي عند باريس غاليري ..

خذت منه .. من هند للعود .. اسمه سحري .. 220 درهم ..
وبعد عطر اسمه الشيخ عبدلله ربع التوله 435 درهم ..

واعتقد يوم تشترون عندهم بـ700 درهم تقريبا يعطونكم هديه .. فعطوني هديه وطلعلي عطر hugo boss - pure

[المزوحي]

مبروك مايهزك ريح عيل الحواطه تيب نتيجه

[مايهزك ريح]

الله يبارك في حياتك .. يا مروان ..
هيه والله انا من زمان كنت ادور دخون غير عن اللي عندنا .. وحصلت للوالده امسات ..
وبعد عطر ببلاش ^_^!!