البخور والعود والعطور ...

[المزوحي]

حصريا عند غالاري لافاييت (هم قالوا, انه حصري عندهم)
كولكشن يديد من ٥ عطور تحمل الارقام 1, 3, 6, 10, 18

الي خذته هو رقم 1
و سعره معقول جدا, 255 درهم للغرشة الكبيرة 100ml

ذنيني حصلت العطور عند باريس غاليري + وجوه

[تحفه]

^ واووو السعرررر فضيييع لحجمه! انا شميت التستر في المجله حلوه ريحته لكن ما عرفت اذا هو عطر ولا او دي تواليت؟ لان العطور وايد زينه حق جونا ماتتبخر بسرعه


المزوحي : يقولون باريس غالري مغيرين سياستهم ١٠٠٪ والصراحه عايبيني .. قامو ايبوون وايد ماركات مب موجوده في اماكن ثانيه ^^,

[المزوحي]

تحفه تبين الصدق ما اشتري من عندهم ، اشوفهم من فتره مسوين خصومات، الاعلان برع

[مايهزك ريح]

مروان ..تحفه ..
مشكلتي موووووووول ما امر على باريس غاليري لأني اشك في عطورهم !
وثانيا من تدخل .. يهجمون عليك .. ما يخلون الواحد على راحته !


ناصر .. اذا مريت هارفي بيربه .. ^_^!!

[المزوحي]

مايهزك ريح انا بعد ما احب باريس غاليري ، بس السمبلز حاطينه برع فخذت منه !

[مايهزك ريح]

بس اتعرف في سايت kilian مب حاطين اذا له موزع في دبي .. عشان جيه انا شاك انه اصلي !
وحتى يوم طرشت لهم ايميل .. ما قالوا انه لنا مكان في دبي !

ادخل وشوف !

http://www.bykilian.com/en/points_de_vente/

وحتى جيفنشي .. مب موجود في اي مكان ..شوف السايت !

http://www.playgivenchy.com/en/wheretobuy.php

مادري ليش ما اصدقهم مال باريس غاليري !

[المزوحي]

كلامك صح ، بس يمكن يقصدون إنه ماشي بوتيك هذا العطر، وممكن ينباع في محلات العطور، طبعا أنا ما أتكلم عن

باريس غاليري، يعني لو شي في وجوه - دبنهامز أو أريج بيكون الأصلي !

مثل CREED

ماتشد شفت هالعطر

[مايهزك ريح]

^
هالعطر يديد توه نازل .. !

[مايهزك ريح]

في عطور يديده بتنزل من توم فورد ..



launch of his four-fragrance White Musk Collection
Jasmine Musk, Urban Musk, Musk Pure, and White Suede.

[المزوحي]

أيوه، هاييل الكوليكشن النسائي !

[مايهزك ريح]

كاتبين انهن unisex !

[المزوحي]

همم جايز، لأنه الغراش السود اللي على نفس شكلهن unisex والباجي رجاليه .. وشي غرشه بيضاء نسائيه

[ذنـيـنـي]

همم جايز، لأنه الغراش السود اللي على نفس شكلهن unisex والباجي رجاليه .. وشي غرشه بيضاء نسائيه

توم فورد عندهم عطرين رجاليات بس

توم فورد اكستريم



و الثاني الي غرشته شفافة





==========

بلاك اوركيد نسائي على فكره
بس اغلب الناس يتحرونه رجالي



و الكولكشن الخاص ما يعتبرونه لا رجالي ولا نسائي ولا حتى يتصنف كـ يونيسكس
مثل دهن العود الحريم يستعملونه و الرياييل يستعملونه و اليهال يستعملونه, ماله تصنيف معين
تصنيفه الوحيد هو - عطر فاخر -

[تحفه]

اددددور دخوووون وعطوووور عربيه لوووو سمحتوااااا

[عهد الوداع]

انا اكثر شي اشتري دخوون من عند حرمه تسويييه ..فحابه اغيير هالمره يالله خبرووناا شوو اليديد ...نفس ماا قالت تحفه ^^