البخور والعود والعطور ...

["الماسة"]

مااااتوقعت انه تسكن ليذر مسوي زوبعه..
عطر عااااادي اي حد يقدر يااخذه شرات لانكوم وبامب فلور مااافيه فرق..
ف الاماارات الحمدلله مافيه حد احسن عن حد..كل الشباب رواتبهم عااليه فيقدرون ياااخذون كل الي ف خاطرهم..
تحفه:انااا روحت mega mall..وامي شافت محل انفاسك دخوون والاا الااا تدخله..وخذنااا منه دخوون من باب التغيير..اسمه شي شي..وبعد واحد اسمه واايد شي مااعرف شي جيه..

والصرااااحه دخووووونه والله حلووووووووووو كل حد يسال عنه ماااااتوقعته جييه..

[قصايد غلا]

بنت الدلع : عطر penhaligon اللي حطيته .. ريحته حلوةةةة خفييفة .. باردة جي يعني مال الصبح و كل يوم مب قوي

و حلو عقب السبوح ، أحس مثل الروايح اللي تحبينها دامج تحبين روايح بودرة اليهال

و عن عطرج ، صدقها الياااه ، انتي تغيرين ريحته يوم تتدخنين و ترشينه أو تخلطين وياه شي أو تخففين الريحة يوم تتدخنين بكسرة عود و في الغالب
العطور القوووويييييية لو كانت قوية وااايد ، أحس بها تكون حلوة حق الأعراس و العزايم لأنج تتعطرين بمليووون عطر فــ كل شوية تحسين ريحتج غير

أو رشيييه على عباتج و وقايتج قبل ما تظهرين بليلة ولا كمن ساعة ، عقب بتحسين غير ريحته ==> قمت أتفلسف =p ، لالا جد أنا أسوي جي عشان ما أتم أعاطس بسبة العطور

===============

الماسة : أنفاسك دخون اشوفه في الجامعة و أطوف عنه ، يمكن لأني متعودة أنه ناخذ دخوننا من عند حريم أو مكانات معينة

بس بيرب شي من عندهم ، شجعتيييني

[بنت الدلع]

يبالي اجربه

هيييه اصلا شي اساسي عندي اني امكس العطور الاااا اذا كنت وايد مستعيله
بس هالعطر كل ما امكسه ويا شي ريحته تستوي ثجيييله

[تحفه]

أحب هذاااا

freshhhhh
3> اتذكريني ب اختي... وايد تحب هالماركه .. انا اميل للعطور الثجيله شوي اقصد ماعترف بالعطر الا يوم تكون ريحته عربيه وقويه

بنت الدلع : يا خطيييره انتيييي .. قبل شهر عطري المادموزيل انكسر في حوي بيت يدوووتي ... كلحد يمر يسال عن الريحه ! صدق قلبي عورني كانت الغرشه متروسه

تحفه:انااا روحت mega mall..وامي شافت محل انفاسك دخوون والاا الااا تدخله..وخذنااا منه دخوون من باب التغيير..اسمه شي شي..وبعد واحد اسمه واايد شي مااعرف شي جيه..

والصرااااحه دخووووونه والله حلووووووووووو كل حد يسال عنه ماااااتوقعته جييه

الماسه: انا بعد ماكنت معبره المحل لان اسمه مايعيبنييي كنت اقول ماحصلو اسم غير هالاسم البايخ ... بس يوم عطوني رشولي من العطر في ورقه من يومين عقيته في شنطتي ... ويوم غيرت الشنطه اليوم الي بعده شميته وانصدمت .. يبالي ارجع حق الدخون .. معني وايد شاريه هالشهر .. بس ثانكس عالمعلومه

أو رشيييه على عباتج و وقايتج قبل ما تظهرين بليلة ولا كمن ساعة ، عقب بتحسين غير ريحته ==> قمت أتفلسف =p ، لالا جد أنا أسوي جي عشان ما أتم أعاطس بسبة العطور

هاي سالفتي في ارمضان ... البشكاره متعوده ادخن عباتي وتعطرها كليوم الصبح وفي بدايه ارمضان ماكنت اعرف شو سالفه العطور في رمضان ... تخيلي داومت وفي الكلاس يلست عند ٢ مدينات تمو يطالعوني مغيضات طول الكلاس ( الكلاس ساعتين ) و بعد ماخلص الكلاس قالولي اونه اني فطرتهم لان العطر دش حلجهم انا ماكنت اعرف هالمعلومه الا هالسنه والله بنات جامعتنا المدينات يخوفون يوم يتكلمون وهم مغيضين ... عاد ارمضان هالسنه كان بدايه السمستر .. لين الحين يوم اشوفهم اتذكرهم وهم مغيضات ... الله يهديناااا رجعت البيت قلت حق البشكاره تعطر عباتي قبل بيوم ... مافيني بعد علاثام

[قصايد غلا]

تحفة : أنا أحب الاثنين بس أستخدمهم على حسب المزاج

يعني العطور القوية يوم يكون لي مزااااااج و أكون رااااايقة أتعطر بهم ، لأنهم مادري كيف جي يخلوني احس بعمري غيييييييرررر يعني هالعطور تعطي إنطباااع حلو عن الشخص ==> حلوة هاي إنطباع حلو

مثل عطر مس ديور الجديم .. مب أي حد يدانيييه هالعطر ، أميه و اخويه مايدااااانونه موووول


لكن العطور الباردة الخفيفة أحبها حق الصبح + قبل الرقاااااد + إذا سايرة مكان فيه زحمة + يوم ما أكون متفيجة + مزاجي مب عدل

[بنت الدلع]

تحفه.. افف غميييييضه >.<
هيييييه صدق والله مطااوعة جامعتنا وااايد يخوفون
خصه يوم تمرين صوبهم وشافوا شي من ثيابج تبان
يا الله كيف يخزووونج بنظره !!!

قصايد غلا.. هههههه ضحكتيني والله انتي ويا حالاتج وعطوراتج لول
بس ترى صدق العطور وايد تأثر في النفسيه
واحيانا تحبين عطر معين وعقب فتره ماتبين حتى تشمين ريحته

[قصايد غلا]

بنت الدلـــع : صدق والله واااااااااايد تأثر على نفسيتي العطور =)

هيييه مرات أعااااف العطر ، بس أخليييييه لييييين أتوله عليييه =D

[تحفه]

تحفة : أنا أحب الاثنين بس أستخدمهم على حسب المزاج

يعني العطور القوية يوم يكون لي مزااااااج و أكون رااااايقة أتعطر بهم ، لأنهم مادري كيف جي يخلوني احس بعمري غيييييييرررر يعني هالعطور تعطي إنطباااع حلو عن الشخص ==> حلوة هاي إنطباع حلو

مثل عطر مس ديور الجديم .. مب أي حد يدانيييه هالعطر ، أميه و اخويه مايدااااانونه موووول


لكن العطور الباردة الخفيفة أحبها حق الصبح + قبل الرقاااااد + إذا سايرة مكان فيه زحمة + يوم ما أكون متفيجة + مزاجي مب عدل

هييييييه صدقت بعد بنت الدلع .. دهن العود والعطور وااااايد تغير المزاااااج ...

ومادري ليش ماجد اشتريت من ديور عطر! بس مرتين عطوني هديه و عطيتكم حق اختي لول! معنه في مال تحليل النفسيه في الفيس بوك كتبولي ان العطر الي يعكس شخصيتي هو جادور من ديور ،، يبالي منه :) بس الله اعلم متا لول


بنت الدلع : حمددلللله اني بتخرج هالسنه ... من يومين قاريه ان جامعه زايد يبون بفتحون قسم عود حق الدراسات العربيه والبحوث الاسلاميه ....

[المزوحي]

حد جرب عطورات Jo Malone

[مايهزك ريح]

^
المزوحي جرب خلط العطور .. (154 + grape fruit ) من Jo Malone

[المزوحي]

بخصوص Jo Malone مريت محلهم اليوم بس ما دخلت، قلت مافيّه على الصدعه، بس خلاص بشوف اللي تقول عليه :)

[مايهزك ريح]

وبعد جرب .. ( 154 + pomegranate noir ) احس به احلى ^_^

تعطر وخله فتره لا تروحه على طول يمكن ما يعيبك !

[المزوحي]

بسير خلال هالايام دبي مول وبيربه، وإن شاء الله يعيبني

[ذنـيـنـي]

من العطورات الي تعيبني

Victor&Rolf
ريحته وايد مميزه و يونيك

[الـيـاه]

Brooklyn - Bond.9
حلوووه ريحته