البخور والعود والعطور ...

[ذنـيـنـي]

بالضضضضضضبططططط! يوم العطر ينتشر يستوي عن جد اي شييييييييييييي !!

في بوظبي نمشي ونشم العطر على كل حددددددد ( كل حددددددد) ... مستوي شي جنوني مب طبيعي

انا اعوف الشي يوم ينتشر ويستهلك

تصدقين عطوري مابيهم الحين استخدمهم من ورا خاطري عشان يخلصون

هاي هي المشكلة
تخيلي واحد وياي في الدوام عنده ٧ غراش توسكان ليذر لا و وحده منهن 250 ml

احس مول مب شي جييي


يوم كنت في الحج هالسنه سرت ويا اخويه العود "بو محمد" ناخذ هدايا حق الاهل فـ خذلي عطر كريد سيلفر ماونتن "كريد الابيض"
ريحته وايد تعيبني بس ما اتعطر فيه لأني صدق عايفنه

وااااايد انتشر و وايد قاموا يقلدونه
تخيلي انه الهنود عندنا في الدوام يستخدمون عطر ريحته 100% شرات عطر كريد !!


والله اني تحسفت على الـ 500 او 600 الي دفعناها هناك لول
لو ماخذلي عطرين او ثلاثه جان احسن

=====

انا حاليا استعمل ٤ عطور بشكل رسمي
الاول ارماني كود
الثاني فالانتينو الرجالي
الثالث شانيل بلاتينيوم
الرابع فالكونابل

[مايهزك ريح]

^
ذنيني .. انا اول ما وصلت من امريكا واكتشفوا الأهل اني يايب عطور .. شلوا عني ثلاث ارباع العطور ..
كالتالي .. :
الوالده الغرشه العوده من توسكان ليذر + شامباكا الـ 50 مل ..
الرضيعه (الصغيره) غرشه توسكان ليذر ..
الرضيعه (العوده) .. غرشة شامباكا ..
اخويه غرشة توسكان ليذر + جون فرفاتوس الـ 50 مل
يعني ربيعك ما صفاله غير واحد من توسكان ليذر والباقي اللي كنت داسنهم .. جون فرفاتوس العود
والعطر اللي وايد حلو مادري اذا انته جربته .. جيفنشي Play الشفاف ..




لأنه في واحد ثاني لونه رصاصي .. ريحته شوي اقوى ..



يبالك اتجربه........ انا وانته نفس الذوق اكيد بيعيبك ^_^
كان مخلص عني ..وحصلته في مطار امستردام وانا راد من امريكا .. لأنه حتى في امريكا ما نزل

[بنت الدلع]

استغرب من تفكيركم كيف تقولون ان الحثاله يستخدمون العطور!
يعني العطور منتشره في الاسواق والي تعيبه الريحه بيشتريه
يعني معقوله في واحد بيعيبه شي وبيخليه في خاطره ومابيستخدمه!!

[قصايد غلا]

هيه صدقها بنت الدلع والله .. أوافقها الراي


العطر مصنوع للكل .. و بفلوسك محد يدوسك =P

و عطر توسكان ليذر اشوفه ويا العود واااااايد حلو لكن يوم روحه يكون عاااادي .. ريحته ياية على ريحة الدوا

على فكرة ..
كل عطر غالي لازم فيه منه عطر رخييييييييص و نفس ريحته بالضببببط بس الفرق في التغليف و قيمة التغليف

وهالشي حااااااااصل في أغلب الشركات .. خاصة في سوالف العطور

الشركة تنتج نفس المنتج بس الفرق في التغليف ومحد يقدر يقول لالالا هذاااااك غيييييييييييييير .. لأنه كللللللهم نفس الشي =)
بس الناس يتحرونه غيييييير لأنه واحد منهم رخيييص فــ ما اييون صوبه لأنهم مقتنعيييين أو بالأصح قانعين نفسهم إن الغالي غيـــــر ==> و الإنسان عادةً يجذبه الشي الغالي

و الناس أحينه استوت تشتري الغالي مب على شان حلاته (ما أطري الكل ، لكن الأغلبية) يشترون الشي بسبة الناس اللي حولهم عندهم إيــاه أو عشان جيمته ==> ما قلت الكل لكن أغلب الناااااااس


و السموحة منك يالمزوحي =)

[بنت الدلع]

^ حطي مكان العود (عود معطر + توسكان) = يااااا إلهي

[مايهزك ريح]

هاي هي المشكلة
تخيلي واحد وياي في الدوام عنده ٧ غراش توسكان ليذر لا و وحده منهن 250 ml

تعرف ليش العود محد ياخذه لأنه مب بخاخ ..
ويوم تشتريه يعطونك غرشه صغيره بحجم غراش الدهن عود بوتوله ومصب وياه ..
عشان اتصب منه وتحطه في مخباك ..
بس منو يقول الوالده خذته ..
وتتعطربه بالمرود ( تعريف المرود : كلمة تستخدمها العيايز للحديده الطويله اللي يخشونها في العطر ويتعطروبها ) .. ^_^

[ذنـيـنـي]

استغرب من تفكيركم كيف تقولون ان الحثاله يستخدمون العطور!
يعني العطور منتشره في الاسواق والي تعيبه الريحه بيشتريه
يعني معقوله في واحد بيعيبه شي وبيخليه في خاطره ومابيستخدمه!!

بنت الدلع لا تاخذين الكلمة حرفيا
القصد من الكلمة بأن العطر هذا يعتبر من العطور الفخمة و الراقية
و اصبحوا يستعملونها في اماكن غير مناسبة ابدا
يعني في الحر و الخياس و العرق و عقب المباريات

صح انه بفلوسهم يشترونه و خلهم يسوون الي يبونه بفلوسهم
لكن بعد كل شي له شي و حلو انه الشخص يستعمل الشي المناسب في المكان المناسب

لذلك كرهت العطر لأن الناس افقدوه قيمته المعنوية و الي هي اني متعطر بعطر "فخم" و متميز,, مب عطر عادي للأستعمال اليومي كل حد يستعمله
بشوف عيني هاك اليوم شايف واحد نازل الجيم و ترشش بتوسكان ليذر قبل ما ينزل
هل الكلام شو معناه ؟ معناه في نظري ان العطر اصبح ماله قيمة

[ذنـيـنـي]

على فكرة ..
كل عطر غالي لازم فيه منه عطر رخييييييييص و نفس ريحته بالضببببط بس الفرق في التغليف و قيمة التغليف

وهالشي حااااااااصل في أغلب الشركات .. خاصة في سوالف العطور

قصدج التستر الي ايي بكرتون عادي و ينزل بدون غطاة ؟

[ذنـيـنـي]

مايد جربت العطر في الصيف
شهدنا حفل تدشين العطر في سيفورا لول

كانوا يايبين دي جيه و الناس يرقصون خخخخخخ

احيد انه ريحته عيبتني
بس ما اذكرها عدل

يبالي ارد اشمه مره ثانية

[قصايد غلا]

ذنيني : لالا مب التستر

[قصايد غلا]

أحب هذاااا

[بنت الدلع]

^ كيف ريحته؟
--

اهدااء للياه


تعرفين من كم سنه عندي؟!!
من 3 سنين او اكثر

مادري كيف.. ريحته ما ادش مزاجي

--

عطر بابا
ريحته واايد جنتل

ذنيني يبالك تجربه يمكن يدش مزاجك

[ذنـيـنـي]

بنت الدلع اليوم جربته في باريس غالاري
حلوة ريحته

جربت هذا و جربت واحد ثاني لكنه رجالي
بغيت اخذه لكن تعرفين ازمة اخر الشهر لول

اليوم خذت بلاك اوركيد

[تحفه]

منو الي يدور تسكن ليذر؟ في عطر اسمه انفاسك دخون يبيعونه في ميركاتو تقريبا نننننننفس الررررررريحه

[الـيـاه]

بنت الدلع : لووول لانه مب مخلوط ويا شي .. انا اغلب عطوري اخلطها عسب تطلع غير
هذا اخلطه ويا amber absolute توم فورد

btw منو قال تسكن ليذر عطر فخم!! :S
لا فخم ولا شي وايد رخيص بـ 500 في هارودز وسلفردجز لووول ومرات يستوي 480 بس اللهم انه صعب تحصلونه هني