البخور والعود والعطور ...

[مجموعة إنسان]

نفس العطر اللي انكس مافي
صدق ريحته خطيره !!


وعطر شوبارد الوردي عجيب بعد ,,
قبل شوي سرقته من امي ههه

[ذنـيـنـي]

مايد يقهروني مال هارفي نكلز
يوم تدخل يسموون عليك هجوم
مره سرت في الايام العادية العصر و كان المحل فااااااااااضي و شكلهم ما سووا شي من الصبح
و ليش ما يتعافدون علينا كل الفلبينيين الي هناك كل حد يبغي يعرض عطره و نحن قابضينهم نو ثانكس و نو ثانكس لول
جان برش من كل عطر ينعرض علي الين ما اوصل عند العطر الي اباه ما بيتملي مكان عشان ارشه فيه لول



يالمفلس

يوم اقوووووول انك مفلس يلوموني
الحين مفلس و حرامي عطور p=

[مجموعة إنسان]

صباااح الورد يا ورد !!
صباااح العسل يا عسل !!
هههه


ياخي عيبتني ريحته
وسويت حركة المسكنه
يوم امسك العطر واشوفه نظرة انكسار
حسيت ان العطر يحبني
جان اشله وما اخليه بخاطري



ما يستاهل ينسرق؟؟ شوف شكله ؟

[شمعة أمل]

مايهزك ريح
كلوي ريحته تجنن.. كان عطري المفضل هالصيف D:

ذنيني
ماعلوووومك
السـر عشان كل الى يشتغلون يختفون.. تقوللهم im just looking < بيخلونك في حالك لانه بيتحرونك مفلس ومابتشتري شييي xD
دايما اسوي هالحركه... راااحه! ماشوف حد جدامي الا يوم اسير أدفع D:


مجموعة ناس
تكسر الخاطر p;

[مايهزك ريح]

هو بس هارفي نكلز .. انا اشوف هالشي في كل محلات العطور !
من دبنهامز .. فيسيس .. اريج .. كلهم ما يصدقون يشوفون واحد داخل ... على طول عفدوا في حلجه !

ناصر حطلي شكل العطر .. عشان انا ان شاء الله ناوي على سفره باخذه من برا ^_^
بس اتصدق انه توسكان ليذر الـ 250 مل تقريبا بألف و600 من امريكا .. وهنيه سير شوف الـ 50 مل ابكم !


محمد .. هالعطر .. خواتي سووا هجوم عليه اشوفه عندهم كلهم مادري شو سالفته بصراحه >> انا ما يربته !



شمعة أمل .. الرضيعه وايد تعيبها هالعطور ..!

[تحفه]

بس اتصدق انه توسكان ليذر الـ 250 مل تقريبا بألف و600 من امريكا .. وهنيه سير شوف الـ 50 مل ابكم !
محمد .. هالعطر .. خواتي سووا هجوم عليه اشوفه عندهم كلهم مادري شو سالفته بصراحه >> انا ما يربته !
شمعة أمل .. الرضيعه وايد تعيبها هالعطور ..!

هني بالف و٩٥٠

قبل فتره كانو يايبيين ١٠٠ حبه من الكبار في هارفي بس ما باعوه الا حق الفي اي بيه كستمرز ;) الخبر كان حصري وايد حتى مايطلعون العطر الا يوم تراويهم المسج لول ..

الكبير مايكون رشاش .. بس تقدر تحطه في علبه العطور الي يكون راس الغرشه رشاش .. يبيعون الغرش في محلات العطور العربيه ..

و في ناس يستخدمونه جنه زيت بيبي جونسن

[مايهزك ريح]

بضحكم على ربع ولد اختي ..
يوم اييون المول ..
وما يواحيلهم يتعطرون ..
يمرون على هالمحلات وما يقصرون يرشون من العطور اللي يعرفونها ..
وعقب يطلعون بدون ما يشترون .. اسمهم شياطين !
مره شفتهم ما رمت ايود عمري من الضحك .. والمشكله مب واحد واثنينه .. شله عوده .. يخلصون العطور ويطلعون ^_^!!

[المزوحي]

مايهزك ريح عطر chloe العام يايبينه حق الرضيعه من لندن ..

اما العطر الثاني روحته من فتره عند هارفي نكلز، ريحته عطر عربي، احس قاموا وايد ينزلون عطور فيها عنبر ...

وشوف سعر الغرشه ... مثل عطر مونتيل اللي عند الجزيره للعطور خذت من عندهم بــ 300 درهم وأحس العطر بس

ربع العلبه ...

....


بس جربوا عطر بولو الازرق من رالف لورين هو جديم بس طررررر

[مايهزك ريح]

اسميهم حراميه .. قاصين علينا والله !

[مايهزك ريح]

^
انزين ليش جيه يسوون .. !
على العموم نقدر نشتريه من برا ونحنا مسافرين او حتى نطلبه ..
وانا الحمدلله وصلني قبل لا يوصل البلاد الله يخلي الوالده ^_^!!

[صريح]

من سنييين ودرت هالمحلات ولا اخذ منهن شي
بس اخذ السوع من باريس غالري لانه يعطوني خصم خاص 30 ليـن 40% على حسب الماركه

اخذ عطوري من محلين في عيمان ( منصور و الهاجس ) ولا من بوظبي ناسي اسم المحل ..
غالبا السعر يكون نص سعر اللي ينباعن في باريس غالري ولا هارفي
و supplier اللي اييب البضاعه لباريس و اريج و هارفي .. المحلات هاي تشتري منه ع طول يعني العطور اصليه
و بعد يبيعون الـ Testers للي حاب يشتري testers


الكرييد الابيض اخذه ع 520 لوول

[مايهزك ريح]

صريح ..
واحد من الشباب قالي انه الـ Testers اتكون ريحته اقوى واحلى عن العادي !

نحنا في المينا عندنا واحد بيع العطور ( وكيل مب موزع ) .. وطبعا وايد فرق في السعر .. يعني انا كنت اشتري من عنده عطر ايجنر ليذر بـ 50 مادري 70 درهم .. في السوق .. شوف كم وصل سعره .. !


وبعد في دبي في محل اسمه ماي للعطور .. في السطوه اييب العطور دايركت من برا وارخص عن السوق ..!

[ملاك الروووح]

^


مايد التستر ريحته صج تكون أقوى .. وأحلى ..

بس انه يعطونك اياه بدون العلبه بس نفاد جيه شو بتسوي بها


بس صج اريج وباريس غاليري وايد حراميه

يبيعون لنا العطورات باضعاف الاسعار ..!!!!



صريح انا قالوا لي بعد عن محل منصور ..

والله انه عجييييييييييب

أسعاااااااااااااره فظيييييييييييعه

ونفس العطر الاصلي بعد !!!!

[قصايد غلا]

أنا موووول ما أداني أشتري العطور من باريس غالري .. إلا لو احتيت بدي اسبراي مال شانيل "مادموزيل" لأني ما أشتغى عنه لازم أرش منه على ثيابي كل يووووم =)


أكثر شي أشتري من المطار أو من الهاجس اللي في بوهيل (قوم عمّوه علّموني عليه) أو السلام و بسسسس
هيه صح أو من عند مشاعل غالري في المركزي (عشان ربيعتي و أهلها كلهم يشترون من عنده وااااايد يخصم لي من جيمة العطور)

[ملاك الروووح]

^

أنا بعد أروح الهاجس بس اللي ف بن سوقات ..

نفس العطورات بأسعار خياليه والله

تحسين عمرج صج مقصه ..!