البخور والعود والعطور ...

[ذنـيـنـي]

هاها

بينزلون عطر اسمه " ناصر بيضرب محمد بسكتون و بيفقعله عيونه " p=
و نسخة ثانية " ناصر بيكسر فج المفلس "


هات الي عندك و ارمس عن العطور
لو راغتك طير الحب من هني انا مالي خص

=================


هيه صح مايد من فتره كنت عند هارفي نيكلز و منزلين عطر رجالي من توم فورد
غير الي غرشته شفافه

اييك 50 مل و سعره 650 على ما اذكر و اييك مركز،،
وايد عيبتني ريحته
كنت ناوي اخذه بس استخسرت ادفع فيه 650 درهم و على غرشة صغيرونه لول
و يمكن لأنه كان آخر الشهر p=

يبالك تجربه،،،

[مايهزك ريح]

هههههههه .. يا ريال انا داخل ويا ربيعي .. يالسين نقرا الأسامي ونضحك .. و طايحين تنكيت على الأسامي ..
جان تينا الحرمه وتسألنا تبون مساعده ..
طبعا غيرنا الموضوع ..
وعلى طول قلت لها ابا عطر كلوي .. ^_^

وفيه بعد عطور ثانيه .. رجاليه بس ما كان لي بارض ادور وكل شويه اشم عطر ..

[مجموعة إنسان]

نفس العطر اللي انكس مافي
صدق ريحته خطيره !!


وعطر شوبارد الوردي عجيب بعد ,,
قبل شوي سرقته من امي ههه

[ذنـيـنـي]

مايد يقهروني مال هارفي نكلز
يوم تدخل يسموون عليك هجوم
مره سرت في الايام العادية العصر و كان المحل فااااااااااضي و شكلهم ما سووا شي من الصبح
و ليش ما يتعافدون علينا كل الفلبينيين الي هناك كل حد يبغي يعرض عطره و نحن قابضينهم نو ثانكس و نو ثانكس لول
جان برش من كل عطر ينعرض علي الين ما اوصل عند العطر الي اباه ما بيتملي مكان عشان ارشه فيه لول



يالمفلس

يوم اقوووووول انك مفلس يلوموني
الحين مفلس و حرامي عطور p=

[مجموعة إنسان]

صباااح الورد يا ورد !!
صباااح العسل يا عسل !!
هههه


ياخي عيبتني ريحته
وسويت حركة المسكنه
يوم امسك العطر واشوفه نظرة انكسار
حسيت ان العطر يحبني
جان اشله وما اخليه بخاطري



ما يستاهل ينسرق؟؟ شوف شكله ؟

[شمعة أمل]

مايهزك ريح
كلوي ريحته تجنن.. كان عطري المفضل هالصيف D:

ذنيني
ماعلوووومك
السـر عشان كل الى يشتغلون يختفون.. تقوللهم im just looking < بيخلونك في حالك لانه بيتحرونك مفلس ومابتشتري شييي xD
دايما اسوي هالحركه... راااحه! ماشوف حد جدامي الا يوم اسير أدفع D:


مجموعة ناس
تكسر الخاطر p;

[ملاك الروووح]

Juliette Has a Gun

عيبني الاسممممممممممممممم




وحبيت الترجمه ياذنيني لووووووووول


:

مجموعه

واااااااايد حلو عطر شوبارد .. ريحته غاويه

:

شمعووووه

تصدقين انا دوم اتوهق فيهم والله

ويبلشوني .. واخذ اشيا ما اباها بس لاني انحرج

مره ثانيه بقولهم عيل am Just looking ..



وبجوف الماجيك هع هع

:

شاريه وايد عطورات وحصلت من ورا تهادوا وتحابوا ..

طايحين ف جبدي الحين ..

امس سرت باريس غاليري واختي ما خلتني اخذ العطر اللي دش خاااااطري ..

ما أعرف شسمه اول مره اجوفه ..

بدور على اسمه وبحطه لكم ..

[قصايد غلا]

هيه صدق أنا دوم يوم أبا أشتري شي على راحتي ، بس أقول لهم : أنا بس أطالع و عقب بشوف إذا عيبني شي =)
بس صدق يتمون يطالعوني بنظرة بايخة

===============================



أنا عطر شوبارد يوم شميته قلت لهم شلّوه عنّي مب حـــــــلــــــوووو

و نفس الشي هذا لوعة الجبد MAGNIFIQUE

[مايهزك ريح]

هو بس هارفي نكلز .. انا اشوف هالشي في كل محلات العطور !
من دبنهامز .. فيسيس .. اريج .. كلهم ما يصدقون يشوفون واحد داخل ... على طول عفدوا في حلجه !

ناصر حطلي شكل العطر .. عشان انا ان شاء الله ناوي على سفره باخذه من برا ^_^
بس اتصدق انه توسكان ليذر الـ 250 مل تقريبا بألف و600 من امريكا .. وهنيه سير شوف الـ 50 مل ابكم !


محمد .. هالعطر .. خواتي سووا هجوم عليه اشوفه عندهم كلهم مادري شو سالفته بصراحه >> انا ما يربته !



شمعة أمل .. الرضيعه وايد تعيبها هالعطور ..!

[مايهزك ريح]

بضحكم على ربع ولد اختي ..
يوم اييون المول ..
وما يواحيلهم يتعطرون ..
يمرون على هالمحلات وما يقصرون يرشون من العطور اللي يعرفونها ..
وعقب يطلعون بدون ما يشترون .. اسمهم شياطين !
مره شفتهم ما رمت ايود عمري من الضحك .. والمشكله مب واحد واثنينه .. شله عوده .. يخلصون العطور ويطلعون ^_^!!

[المزوحي]

مايهزك ريح عطر chloe العام يايبينه حق الرضيعه من لندن ..

اما العطر الثاني روحته من فتره عند هارفي نكلز، ريحته عطر عربي، احس قاموا وايد ينزلون عطور فيها عنبر ...

وشوف سعر الغرشه ... مثل عطر مونتيل اللي عند الجزيره للعطور خذت من عندهم بــ 300 درهم وأحس العطر بس

ربع العلبه ...

....


بس جربوا عطر بولو الازرق من رالف لورين هو جديم بس طررررر

[مايهزك ريح]

اسميهم حراميه .. قاصين علينا والله !

[تحفه]

بس اتصدق انه توسكان ليذر الـ 250 مل تقريبا بألف و600 من امريكا .. وهنيه سير شوف الـ 50 مل ابكم !
محمد .. هالعطر .. خواتي سووا هجوم عليه اشوفه عندهم كلهم مادري شو سالفته بصراحه >> انا ما يربته !
شمعة أمل .. الرضيعه وايد تعيبها هالعطور ..!

هني بالف و٩٥٠

قبل فتره كانو يايبيين ١٠٠ حبه من الكبار في هارفي بس ما باعوه الا حق الفي اي بيه كستمرز ;) الخبر كان حصري وايد حتى مايطلعون العطر الا يوم تراويهم المسج لول ..

الكبير مايكون رشاش .. بس تقدر تحطه في علبه العطور الي يكون راس الغرشه رشاش .. يبيعون الغرش في محلات العطور العربيه ..

و في ناس يستخدمونه جنه زيت بيبي جونسن

[مايهزك ريح]

^
انزين ليش جيه يسوون .. !
على العموم نقدر نشتريه من برا ونحنا مسافرين او حتى نطلبه ..
وانا الحمدلله وصلني قبل لا يوصل البلاد الله يخلي الوالده ^_^!!

[صريح]

من سنييين ودرت هالمحلات ولا اخذ منهن شي
بس اخذ السوع من باريس غالري لانه يعطوني خصم خاص 30 ليـن 40% على حسب الماركه

اخذ عطوري من محلين في عيمان ( منصور و الهاجس ) ولا من بوظبي ناسي اسم المحل ..
غالبا السعر يكون نص سعر اللي ينباعن في باريس غالري ولا هارفي
و supplier اللي اييب البضاعه لباريس و اريج و هارفي .. المحلات هاي تشتري منه ع طول يعني العطور اصليه
و بعد يبيعون الـ Testers للي حاب يشتري testers


الكرييد الابيض اخذه ع 520 لوول