البخور والعود والعطور ...

[شمعة أمل]

أقولج ماما مايستوي p: شو واحد لازم على قل عشر

[تحفه]

^ واو انتي محظوظه .. اتمنى تكون لي خلطتي السريه الخاصه

[المزوحي]

شباب في عطر من بول سميث اسمه story



وحق البنات من بول سميث rose



جربوا العطرين وادعوا لي :)

[تحفه]

^لاتقولي ان هالعطور توها وصلت البلاااااد؟

قصايد : الللله يسممممع منج

[المزوحي]

تحفه مادري عاد إذا يداد وإلا من فتره، بس انا شفته في محل بول سميث، وما عندي فكره لو يبيعونه في محلات العطور

[قصايد غلا]

^ الرجالي مادري به

لكن النسائي من فترة شايفتنه =)

[عهد الوداع]

ذنيني


خبرناااا عن العطر جربته ولا ؟

[ذنـيـنـي]

طبعا جربته
لو ما جربته جان ما حطيته ^^

عيبتني ريحته، حسيتبه جي ريحته جنتل مب مال يهال

[مايهزك ريح]

^
انا كنت حاط عنه اول مانزل ..وكنت ابا اعرف غاوي ولا لأ ^_^

امسات وانا اتكشت في The walk دخلت محل Boutique 1 وخذت عطر حق الرضيعه ..
اسمه Chloe .. ريحته غاوية .. الـ 50 مل سعره 325 .. بس بصراحة يستاهل ..

وهاي صورته ..



وفي عطور ثانيه على ريحة العطور العربيه بس ما خذت منهن .. لأني مب متأكد بيعيبها ولا لأ .. !
اسم الماركة يضحك .. Juliette Has a Gun





وانا آخر عطر وصلني كان جيفنشي Play ريحته بعد فنانه .. ^_^

[ذنـيـنـي]

جولييت هاز أ غن
شميته في السلام و ريحته زوينه

بقترح على اجمل ولا الرصاصي يسوون عطر اسمه

" عذيجه عندها شوزن " خخخخخ

[مجموعة إنسان]

ههههههههههههههههههه

وبعد عطر رجالي
نصور يشرب شاي
هههه

[ملاك الروووح]

Juliette Has a Gun

عيبني الاسممممممممممممممم




وحبيت الترجمه ياذنيني لووووووووول


:

مجموعه

واااااااايد حلو عطر شوبارد .. ريحته غاويه

:

شمعووووه

تصدقين انا دوم اتوهق فيهم والله

ويبلشوني .. واخذ اشيا ما اباها بس لاني انحرج

مره ثانيه بقولهم عيل am Just looking ..



وبجوف الماجيك هع هع

:

شاريه وايد عطورات وحصلت من ورا تهادوا وتحابوا ..

طايحين ف جبدي الحين ..

امس سرت باريس غاليري واختي ما خلتني اخذ العطر اللي دش خاااااطري ..

ما أعرف شسمه اول مره اجوفه ..

بدور على اسمه وبحطه لكم ..

[قصايد غلا]

هيه صدق أنا دوم يوم أبا أشتري شي على راحتي ، بس أقول لهم : أنا بس أطالع و عقب بشوف إذا عيبني شي =)
بس صدق يتمون يطالعوني بنظرة بايخة

===============================



أنا عطر شوبارد يوم شميته قلت لهم شلّوه عنّي مب حـــــــلــــــوووو

و نفس الشي هذا لوعة الجبد MAGNIFIQUE

[ذنـيـنـي]

هاها

بينزلون عطر اسمه " ناصر بيضرب محمد بسكتون و بيفقعله عيونه " p=
و نسخة ثانية " ناصر بيكسر فج المفلس "


هات الي عندك و ارمس عن العطور
لو راغتك طير الحب من هني انا مالي خص

=================


هيه صح مايد من فتره كنت عند هارفي نيكلز و منزلين عطر رجالي من توم فورد
غير الي غرشته شفافه

اييك 50 مل و سعره 650 على ما اذكر و اييك مركز،،
وايد عيبتني ريحته
كنت ناوي اخذه بس استخسرت ادفع فيه 650 درهم و على غرشة صغيرونه لول
و يمكن لأنه كان آخر الشهر p=

يبالك تجربه،،،

[مايهزك ريح]

هههههههه .. يا ريال انا داخل ويا ربيعي .. يالسين نقرا الأسامي ونضحك .. و طايحين تنكيت على الأسامي ..
جان تينا الحرمه وتسألنا تبون مساعده ..
طبعا غيرنا الموضوع ..
وعلى طول قلت لها ابا عطر كلوي .. ^_^

وفيه بعد عطور ثانيه .. رجاليه بس ما كان لي بارض ادور وكل شويه اشم عطر ..