البخور والعود والعطور ...

[المزوحي]

السلام عليكم

اش حالهم العــرب

اليوم عااااد ياي أقوووول عن العطور والبخور والعود والريحة الزينة

وبتخبركم عن هالمحلات المنتشرة .. مثل الحرمين وعبدالصمد القرشي .. وغيره

قبل معروفني باجمل والرصاصي .. والصراحة .. على كثرة هالمحلات ..

فانا مب من النوع اللي يشتري عطورات ومخلط .. وعطر حمامه ومخلط ديايه ورفيسه وعفيسه ..

يعني اللي احبه العود .. وإن كثرت عود مبخر اللي عند أجمل فنان

ومن العطور آخذ افرنسي .. اقصد اللي في المحلات اللي تبيع العطور غير عن اللي انذكرن ..

وإن استخدمت .. احط دهن عووود ... ووبس

حد منكم يرب مثلا عود معين عند الحرمين وغيره ... او مثلا شي مميز ... صدق حد سألكم عن العطر

اللي حاطينه ؟؟؟

[المنصوري]

دهن عود عبدالصمد القرشي عجيب ,,
وعود الرصاصي جميل ’’

وعليك السلام

..

[المزوحي]

المنصوري ..

شي معين من دهن العود وإلا بشكل عام .. لانه انا اللي استخدمه من أجمل اللي هو سيوفي وقديم

والعوود .. يباله نتنقى عن يغشونا فيه .. وتسلم ..

[الدلووووعة]

اوف حلات العود والله

انا احب العطور العربيه اكثر من العطور الفرنسيه

بس الدخون احلى بوايد
والدخون اللي دوم ولين الحينه ماغيره

هو فزاع وااااااااااايد حلو

ويا الملكي اللي من شركة فزاع وايد حلو ويا الدخون ^_^

[المزوحي]

اللي اعرفه في عطر اسمه " فزاع "


حتى الدخون ؟؟؟ شي فزاع ؟؟؟

زين من وين تاخذين العود او قووم امج .... حم ..

[ذنـيـنـي]

دخيلكم سيروا القرية القطرية و ابغيكم تعدون,,
كم عطر مختلف باسم فزّاع عندهم خخخخخخ


بالنسبة للعود,, انا ما آخذ من هالمحلات و تقدر تقول اني ما اعترف بالعود مالهم خاصة العود المعطر او المبخر مثل ما هم يسمونه
لأنهم يستعملون فيه اردى انواع العود و كل الي تشمه هو ريحه العطور نفسها, مش ريحه العود

الوالده ربي يعطيها العافية تسويلنا اياه
و ناخذ العود على طول من الهند عن طريق مصادر خاصه

و بالنسبة للعطور العربية
عندي خلطه الوالده تسويلنا اياها و هي عبارة عن ورد الطايف و وياه دهن عود بنسبه معينه ( طبعا هالخلطه بس حقنا, ما تعطيها لحد )

[الدلووووعة]

هيه شي دخون فزاع

ماشي محل معين نشتري منه

يعني حسب

مرات الوالده تشتري من عند حرمة هي تسويه

ذنيني وياك حق شي وااااااااايد انواع من عطر فزاع
بس انا ولا مره شتريت عطر فزاع

يكفيني دخون فزاع ^_^ شو ابا فالعطر واكثرهم الحينه يسون شرات ها العطر بس تقليد

[فنجان قهوة]

من اجل المعتق حلو
و السيوفي بعد

اما العود فيوبولنا من اجمل بس من الهند هناك صدق اصلي الي عندهم فنان فنان النص كيلو2500 مالنا اعتقد
بس صدق فنان

و من البلاد و الله ناخذ من عبدالصمد القرشي حلو العود مالهم

و في حرمه تسوي عود و دخون ناخذ منها صدق طر مال الحرمه هاي لانه تحط فيه عطور فرنسيه

[تحفه]

و ناخذ العود على طول من الهند عن طريق مصادر خاصه

اوه .. حتا نحنا

[تحفه]

توني لاحضت اني هالتيرم ما اتبخر الا في العيد وأيام اليمعه !

لأن البخور ما يسوونه في بيتنا الا الصبح والمغرب ( علشان بابا ) ونا سكاجولي يبتدي الظهر .. او يوم يسوون الغدا سمج لول

لكن اذا نحنا نبى لازم نقول حق البشاكير ( هيازه تظربني طبعا ما اقولهم .. يالله يالله اتريق واطلع )

بس هالتيرم مكتفيه بالـ عطور الفرنسيه و لوشناتها .. أو عطر اسمه روز عود وما يبيعونه الا في بارس غالري واحط وياه مسك ابيض من القريشي

[تحفه]

يعيبني دهن عود كمبودي بعد

[تحفه]

هي صح اهم شي عندي ( احطهم وي بعض .. وكل ما اسوي هالحركه لازم يسالوني كيف ومن وين و ETC)

1- عطر تواصل من القريشي
2- دهن عود من القريشي
3- عود اليوسف من اجمل ~ بخور

[هزاايم]

العود من الهند "خوالي مايقصروون هم يختاارون وحنا الدفع"
دهن عوود من سنغافوره و ياخذه من وحده تسوي
العطور العربيه بعد من حرمه تسويهم
ومخلط عجيب حلو ريحته رااح يوصل لي على نهاايه الإسبوع بالبركه عليه

أحيانا ناخذ القديم والسيوفي من القرشي لو خلصت الكميه والأوردار بعده هب وااصل

[هزاايم]

هي صح اهم شي عندي ( احطهم وي بعض .. وكل ما اسوي هالحركه لازم يسالوني كيف ومن وين و ETC)

1- عطر تواصل من القريشي
2- دهن عود من القريشي
3- عود اليوسف من اجمل ~ بخور

سر المهنه لاتخبرين حد دومي جي اسوي يوم اخلط العطور مااخبر احد حتى لوسألوني اقول سوالف العيايز لاحد يفهمها

[تحفه]

في عطرين روعه
1- من سيسلي soir de lune ( رووعه )



2- rumeur



3- Narciso Rodriguez For Her



4- chanel mademoiselle




5-


6- Juicy Couture eau de Parfum




وعلى فكره العود الابيض من رصاصي حلو