البخور والعود والعطور ...

[مــهــابه]

شوق :

غريبه ليش ماعيبج العود المعطر اللي من عند عبدالصمت القرشي

انا خذته وماكمل شهر وخلص ~

عيبني ، كنت ابخر به كبت الملابس والـ الكـ(v)ــر

احس به حلو

~ أما عن العود يا المزوحي مثل ما قلت من أجمل الهند ، يكون واايد حلـو

تحس به فعلاً عود ~ . .

[المزوحي]

مهابه زين خذتي نوع واحد من عنده ؟؟؟ وإلا يبالي اجربه عندهم ....

مره خذت من عند الرصاصي مب شي ...

[تحفه]

العود المبخر من اجمل
العود المميز من الرصاصي


بس مادري انا احب العود المعطر الملكي من عبدالصمد

[شوق القلوب]

اشوفه كلكم يعيبكم... يبالي ارد اجربه هالاسبوع..!!

[تحفه]

^جربي دخون جميره من الياس اكيد بيعيبج ;>

[تحفه]

شوق ترا انتبهي شي ثلاث انواع من العود مال المعطر الملكي! انا اقصد الي "العوده" الوحده بخمسميه! انا اتيني هديه كل عيد!

[شوق القلوب]

تحوووفه..

جميـــرا عندي.. من اول ما شميته عيبني.. ريحته تقريباً جريب من دخون فزاع اللي عند عليا القمر

..

بس العود المعطر.. مب هذا اللي تقصدينه..
اضني اللي ايي بـ250 شي جي..

انا يمكن مب وايد ويا المعطر لاني احب ريحه العووود برووحه.. اموت فيه ..

[تحفه]

يبيلج من هاذاكي! انا دوم احطه وي مخلط الجوهره + عطر مونتايل بلاك عود يستوي فضييييييييييييييييييع

[مايهزك ريح]

العود المعطر نحنا ناخذه من عند احمد المغربي اللي في بن سوقات طبعا الغرشة يحلفون عليها بـ 250 .. وشي بعد اصغر عنها بـ100 .. بس صدق روووعه ..
والدخون شي من عنده ما اعرف شو اسمه بـ 50 حق البيت ريحته حلوه .. وشي واحد ريحته قوية اسمه مهرجان بس ما اتذكر بكم .. وشي مال العرايس بعد ما اعرف عنه ( كان عاطنا سنابل انجربهن ) .. وعنده مخلطات عجيبه غريبه ..

وبعد شريت من محل الياس .. دخون الياس بـ 270 وريحته وااااااايد حلوه الوالده استانست يوم خذتلها منه ..
كانت تتمشى ويايه في الفيستيفال سيتي وقالتي مايد ريحة الدخون حلوه جان اقولها فالج طيب .. باخذ لج منه ..

وتوني اقرا انه في واحد ثاني اسمه جميرا .. برد اخذ منه حقها ^_^

[مــهــابه]

أنـا أشــتري بس ماعرف شو الأسامي لوول

يعني إذا عيبتني الريحة أخذ

والمحلات اللي اتعامل معاها ، اليأس ( عندهم دخون مب وايد غالي بس ريحته وااايد حلوه ماعرف شو أسمه )
، وعبدالصمد

[قصايد غلا]

ما أحب العود المعطّر و العطور العربية إلا من عند وحده نعرفها ، ماشا الله عليها
عطورها خبال

أول ما روحتهم قلت مب شي روايحهم قويه

لكن أميه خذت عنها و يوم تعطرت منهم كل حد قام يسألني بشو متعطرة و بشو متدخنه مع اني ما أكون متدخنه

لكن أغلب العطور اللي في السوق لووووووعة جبد و تعوّر الراس خاصة أنا بسرعة يعورني راسي وتلتهب الجيوب و أهلك من العطور القوية



و ربيعتي تيب لي دخون وياه عود في غرشة بـ300 من عند حرمة يعرفونها

لكن العود و دهن العود نخليه على عمّوه لأنها ماشا الله عليها فنانه في هالسوالف وطبعا كله من الهند

ومستحييييييييييل نشتري من البلاد العود إلا بوجود عموه لأنه أغلبه اللي هنه حطب أو من هالعود العادي اللي على قولتها املمعينه بالشوادر

[مــهــابه]

عيل انا مـا أحب العود العادي وايد

يعيبني المعطر أكثر والدخون

~ العود العادي مهما كان حلو ، احسه للرياييل أكثر ~ . .


اما للعبي والبيت وجيه ، الدخون احلـى ~


وع فكره قصايد ، انا شراتج العطور العربيه معضمها تصدع بي ، مادري شقايل يستانسون عليهن العيايز ~ . .


بس في منهن الحلوات ~

[شوق القلوب]

مايد..

والله الوالده مثلي.. انا بعد كنت اتمشى في الفيستفال و عيبتني الريحه اللي حاطينها..
وجرب جميرا.. انا عيبني اكثر من الياس..

..

مهابه..

صدقج هو الدخون تطلع ريحته حلوه على الوحده خاصه اذا خلطتها مع عطور حلوه.. بس العود عندي يحسسني بالكشخه .. ^_^

[المزوحي]

تحفه العود المبخر من أجمل فنان .. بس كنت ادور على عود حاف

[المزوحي]

مايهزك ريح، دخون الياس، موجود في وافي بعد، عمري ماخذت من عندهم، والحينه في الفستفال .. اروحه كل

ما أمر من صوبهم، وصح عندهم دخون جميرا .. الرضيعه خذت منه ..

احمد المغربي عطاني سمبل يوم سرت مركز الغزال ( في شارع الضيافه ) وهو موجود في بن سوقات

وااايد ناس إيونه .. لكن ما آخذ من عنده شي ...

يبالي اسير اليوم .. وبشوف اللي تطريه بعد ..