البخور والعود والعطور ...

[المزوحي]

مـــبروك على الساعه، بس مابتصدق لو قلت إنه اليوم يوم سرت صحارى، مريت على وتش غاليري وشفت

الساعات ... تذكرتك يوم تنشد عنها ...

تعطر منه باجر حق الدوام .. :)

[مايهزك ريح]

الله يبارك في حياتك .. شارنها حق العيد ..

ومن ناحية العطر .. لا توصي ... أكيييييييييييييد
اصلا انا على طول فتحته .. واليوم اللي قبله كانوا يايينا قوم عموه ويابولي عطر ارماني كود الأسود ..
كان توه امخلص اللي عندي .. اسميني استانست ..

[المزوحي]

أكيد تستانس يوم حد إييب لك شي، حتى لو عندك وإلا إنك تقدر تشتري ... الهدية طعمها غير !

[شوق القلوب]

ما يهزك ريح..

عطني لسته كمن عطر رجالي.. حلوين و هادين.. يعني ما يكون رجااالي بااايخ و قوي.. والاهم اتكون عطور يـــديده..!
وشو الواحد يقدر يهدي رجالي غير ساعه / عطر / بزم ...؟؟

[شمعة أمل]

شوق القلوب
انا ابويه مايلبس بزم xD
يوم اشتريله هديييه
اشترييييي..
قلم بس بشرط مايكون دب لانه مايحب القلامه الدبه
دهن عود
قميص
كاب
مجلات (درجات \ سياير \ يخوت \ مينز هيلث)
نظاره شمسيه سبورتي حق البحر .. يعني نظاره ماطيح وعاكس
أورنامنتس بحريه يقدر يحطها في مكتبه او على اليخت.. شي محل زجاج ايطالي في وافي يبيع هالسوالف
جاهيي
آي بود .. او عند اوكلي عندهم نظاره فيها نفس الايبود فييه .. اشتريتله هذا مره
سوالف نفس عطور شيفينغ كريم .. مادري شو من بنهاغليونززز
سوالف من لاكوتان مادري لاكوتيين
بعدين شي برودكتس رجاليه من اليمسس..


مايهزك ريح
مبرووك عـ الساعه .. وايد حلوه ماشاءالله

[مايهزك ريح]

المزوحي .. هيه والله صدقك الهديه غير واحلى شي يوم يكون على ذوقك ..

شوق القلوب الصفحة اللي قبل كنا صافين عطور .. انا والمزوحي وذنيني .. شي يداد .. وشي كلاسيك خخخخ
بس اذا تبين برد اكتبهن لج .. كم شوق عندنا ..
وهيه تذكرت في واحد البارحه شفته hugo boss اليديد .. عند اريج اعتقد
والهديه .. تقدرين تاخذين قلم او بوك .. عند دنهل ساعات اتحصلين قلم وبزمه مع بعض او ويا بوك .. في قوطي يكون هديه ..
والحين بما انا ياي الكريسميس وايد بتحصلين هدايا ..
او شنطه مثلا للسفر مثل الماسنجر باغ من اي ماركه .. (انا استخدم هالأشياء )

شمعة أمل .. الله يبارك في حياتج

[المزوحي]

شوق القلوب، بما إنج تبين عطور يديده، تقدرين بعد تسيرين أريج، وجوه أو دبنهامز .. تراهم يصفون لج آخر العطور

تقدرين تتروحين وتقررين شو بتاخذين ...

في عط يديد نازل مثل ما ذكر مايهزك ريح .. اللي هو لا كوست .. وعندج .. بولو الخضر .. شيروتي .. ووو شو بعد

نسيت الصراحه، بس يتراوالي ردوا يحطون عطر ألور من شانيل ، اللي هو ألور سبورت غرشته سلفر ..

وتقدرين تسألينهم شو اللي نزل الحين .. أووووووه تعالي انت تبين تعرفين راي مايهزك ريح، وأنا اقولج سيري شوفي

حممم .. اسمحي لنا :)


إذا تعرفين ذوق الشخص بشكل عام، فممكن تاخذين غتر ... وطبعا تعرفين المقاس ...

[مايهزك ريح]

عادي المزوحي خذ راحتك اصلا انا وانته تقريبا نفس الذوق واللي ما يعيبك ما يعيبني ..

بس بقولك غتر وكنادير ما احس انها تنفع تكون هديه ..
هيه صح امس مار على روديو درايف وقالوا انهم بينزلون كوليكشن يديد من تيستوني حق العيد ..
تقدرين تشترين له نعال للعيد اذا تعرفين مقاسه ..

[المزوحي]

مايهزك ريح كنادير أكيد لاااااااا، بس الغتر قلت لو تاخذ اللي شرات الشماغ يكون أبيض أو حتى شال ...

كنت بقول نعال، بس ترددت حسيت إنه مقاس النعال يفرق لو حتى الواحد يقولك كم المقاس ..

[ذنـيـنـي]

قبل شوي خذت Victor & Rolf

يخرب بيته شوي غالي بس ريحته وايد مميزه و غييييييير عن كل العطور الرجالية



و خذت ارماني كود بعد

[المزوحي]

مبروك ذنيني انا روحته هو والنسائي، كلهم OK

[مايهزك ريح]

مبروك العطر .. ذنيني ..

[المزوحي]

شوق القلوب، تذكرت بالنسبة للي تبين تاخذينه .. هدية غير العطور .. في محل في ديرة ستي سنترة فوق ..

يبيع سوالف الصابون والسكراب وعطر خفيف والصابون وتقدرين تختارين اللي تبينه ويرتبونه لج ...


وبالنسبة للعطور تقدرين تاخذين فكره
http://www.sephora.com/browse/sectio...tegoryId=C7790

[تحفه]

منو يبى هديه حق اولاد؟

يبيعون جهاز ام بي ثري بلاير حق السياره في فيرجن ..بس تخزنون الاغاني في الفلاش مومري وتحطونه في هالجهاز .. السعة كبيره و وايد حلوه مميزاته

من فتره اشتريته وخوي شلاه عني :S توني تذكرت ان في شي مفقود لولز

الموهيم

احس الاولاد يستفيدون من هالسوالف ويستانسون عليها

[المزوحي]

حد جرب عطور من Hugo Boss Baldessarini غير عن عطر Abmre ؟