استفسار

[المزوحي]

سؤالي عن فيديو كاميرا ... إذا شي .. بيحث يكون التسجيل على CD ونقدر نشوفه سواء

على الكمبيوتر أو الــ DVD ؟

[طير الغرام]

هيه شي
أسميه أبويه كان محتشر من فتره يبا كيمره جيه وانا اقوله ماله داعي سي دي الميموري اتسد
بس هو إلا ويبا >> عاده سار وخذله وحده وعطاني اياها عشان اصورهم

كيمره سوني DVD
السيديهات مالها ايي معاها بو 30 دقيقه سيد واحد >> ويه واحد
واحنا اشترينالها سيديهات بو 60 دقيقه من السيدين كل سيد 30 دقيقه
والجرج اممممم يعني يكمل سيدي كامل 60 دقيقه
3 ميغابيكسل
الشاشه تستخدمها باللمس
وفيه بعد تصوير صور ثابته
وكل ما اتصور مقطع واتوقف
واترد اتصور مره ثانيه يوم بتجوف اللي صورته بيكون ع شكل مقاطع
اذا رحت صوب السهم



بيطلعن لك المقاطع



تختار اي مقطع تبا اتجوفه ومن المقطع اللي تختار روحه يكمل ع المقطع اللي عقبه

أو عادي تقدر اتجوفهم ورا بعض اول ما اتشغله واتسوي بلاي
وفيها خيارات واااايد بس انا ما خبصت فيها وايد
وهذا شكل الكيمره






واهنيه الصوب اللي ينحط فيه السيدي



:

واستخدامها واايد سهل

:

إن شاءالله أكون فدتك ^_^

[المزوحي]

مشكووورة واايد طير الغرام

هل هي انواع اللي بالسي دي ، وإلا هي هااي بس وبكم سعرها ..

قبل كنت احب اسوي شوبينج .. لكن الحين من الزحمة استويت بيتوتي ...

وعيل أكيد يستوي اشغله على الكمبيوتر او دي في دي من غير الكاميرا ؟؟

[طير الغرام]

لا شكر ع واجب أخويه

هل هي انواع اللي بالسي دي ، وإلا هي هااي بس وبكم سعرها

اممم والله مادري اعتقد شي غير ،، بس هاي اللي انا امجربتنها وعمليه للرحلات والمناسبات
وعن السعر امممم والله مادري ابويه مايطيع يخبرنا مرات يجذب ينقص من عنده
بس أعتقد حوول الـ 3000 وشي بتأكد من أبويه وبرد عليك خبر
لنه مب موجود الحينه دقيتله بس مارد !

وعيل أكيد يستوي اشغله على الكمبيوتر او دي في دي من غير الكاميرا ؟؟

هيه انته من اتحط السيدي ف الفيديو مال الـ DVD أو الكمبيوتر بيشتغل جنك حاط DVD فلم ولا اي شي شراته

وشي معاه وصله للكمبيوتر بس الصراحه ماجربتها !

[المزوحي]

تسلمين وماقصرتي ... يعطيج العافية ...

[طير الغرام]

الله يسلمك أخويه
وأفاا عليك نحن ف الخدمه

[طير الغرام]

هــلا

السمووحه منك أخويه بطيت عليك >> امس ماحدرت الواحات كنت تعبانه

سألت أبويه وقالليه انه سعرها حول الـ 4000 وشي
وانها أحدث وحده من سوني >> هالكلام تقريباً من حول الـشهر
هو ماخذنها من جمبو ،، مادري إذا فـ أماكن ثانيه أعتقد الأسعار بتكون غير ..!!

[ذنـيـنـي]

المزوحي

هالكاميرا شكلها الـ HD
High definition

هذه اتي وايد متطورة و مواصفاتها قوية

شي كاميرات DVD ارخص,, بتحصلونها على 2000-2500 من سوني و كانون و JVC

و تلبي الحاجه,, الا اذا كنت ناوي على شي شبه بروفتشنال

[المزوحي]

ذنيني .. لا .. بعيد عن البروفيشنااال

اظن اللي تقصدها الاولى