اممم ..

تعرفين .. يمكن انا مريت بفترة خلتني ازعل من الواحات والسبب الاسلوب المستخدم ( والتقطيع والتنغيز )

بس لو تفكرين بالسالفه من ناحيه ثانيه .. الموضوع بيصير لج عادي او يمكن ترفيهي

يوم اقصد انج تفكرين من ناحية ثانيه .. قصدي هو انج اتحطين في بالج انج يوم بتحطين موضوع .. بتحطين موضوع لكل الاعضاء ..مب بس للاعضاء الي تفكيرهم قريب من تفكيرج ..

فلازم مخج يراعي هالشي .. ومايخليج تاخذين على خاطرج !

في الاونه الاخيره قمت اتسلى يوم اقرى آراء معاكسه لآرائي .. لاني بطبيعتي احب اعرف كيف الناس تفكر .. وكيف عادات وتقاليد البيئه الي هم يايين منها .. .

يوم دخلت الجامعه .. تحريت ان ربعي بيتمون مثل ما هم لكني كنت غلطانه .. ماكنت حاطه في بالي ان نحن في المدرسه علاقاتنا سطحيه وان الجامعه ممكن تبين هالفروقات ( لأني تخرجت من حكومه : بنات الحكومه ما يخطلطون وي بعض كثر الخاصه ) .. فيوم وصلنا للجامعه انصدمت وايد من التغيرات الي صارت فينا!!

كانو في صف التخرج مالي بنات ماكان بينا اي احتكاك .. وكنت احسهم "مادري كيف يفكرون"
بس يوم وصلت الجامعه .. حبيتهم وايد واكتشفت انهم وايد غير!
تعرفين ليش؟

طلعت شخصياتهم و عادات اهلهم جدا جريبه من بيتنا .. والبنات الي كانو ربيعاتي هاذاكي الوقت ( ربع دراسه ) تغيرو بالنسبالي لان تصرفاتهم تغيرت بعد ما حصلو مبايل خاص فيهم / بالمختصر في المدرسه كان تفكيرهم منصب في الدراسه والتلفزيون .. بس يوم دخلو الجامعه صارت اهتماماتهم عرس و طلعات وسخافات !

حزنت بس ما انصدمت! لأنهم ماكانو جراب مني وايد ...
واحمد ربي على ربيعتي ( اعرفها من صف ثاني ابتدائي ) ونحن دوم وي بعض الين الحين ( قولو ماشاء الله )



ادري السالفه ما يخصها بس مادري ليش حبيت اذكرها .. حسيتها مرتبطه بالموضوع بطرقتن ما لول