هل تكتفي بصديق ؟؟!

[الـيـاه]

هممممم
مرات حلو يوم الواحد يكون عنده حد معين ممكن يقوله كل شي بس أنا مب لهالدرجه جي ..

يعني ربيعاتي الـ كلووس تقريبا ً 7 ووحده عرست لول فـ ستوت بعيد شوي
ومن بين هايلا مافي حد معين بقوله شي خاص
الكل يعرف .. والكل يساعد الثاني لانهم بنات صدق روعه وقلوبهم صافيه

بس
وئت الزنئئئئئه ما استغنى عن ربيعتي *م* لول
ويوم صدق ابا ارمس واقول كل اللي فخاطري بدون ما حد يقاطعني تعرفون حق منو أسير ( شمعة أمل )

[ألم ترى]

بسم الله الرحمن الرحيم ..

هلا والله بالمزوحي ..

شوف صديقي انا من النوع اللي ما احب اكثر من الربع واحبهم يكونون بحدود ! ..

طبعآ ف التلفون غير وانا من النوع اللي احب ربعي إن زادوا يزيدون ف التلفون مش ف الطلعات ..

مع اني اميل لـ الوحده اخير من ربع هالزمن ..

شاكر لك موضوعك ولكن وين الشباب كلهم بنات ههههه ! ..

دمت بحفظ الرحمن ..

[مزن هتان]

أنا ما عندي رفيجه

انطوائيه بشكل فضيع

[صدى الأحزان]

السلااام
حلو الشخص يختلط بالاخرين ويتعلم منهم اشياء ويستفيد
وأنا عن نفسي اربيعاتي محدودين 2 فقط اتواصل معاهم بالموبايل بعد ما كل وحده راحت في طريج وراء مستقبلها

[فنجان قهوة]

احب اني ارد بالتفكير الى الخلف و استرجه ذكريات ايام المدرسه
و اتذكر المحاضرات و المعارض الي حضرناها و الي شاركنا فيها عن الصداقه
في احدا المحاضرات في الاتحاد النسائي ذكرت المحاضره ان الصداقه عباره عن مراتب و مناصب و منازل
منها الزميل و الرفيق و الصديق و الخليل
و ذكرت ان الانسان ما يقدر يعيش بدون ناس حوالينه
بس كل فرد له مكانته و هذا يخلي الانسان لا اراديا يرتاح لفلان و يزعل من فلان
و الي انا فهمته من المحاضره هو ان يكون عندي وايد ربع بس كل شخص له مكانه
في الصديق الي اسمع منه بس ما اقوله شيء
و في الي اسمع و اعلق
و في الاسمع و اسمعه
يعني على قدر اهل العزم تاتي العزائم
كل شخص يثبت لي انه هو كفا بان يكون صديقي اقوله و يقولي و نكون اصدقاء
و عندي مبادا للصداقه
الصدق و الصراحه و الثقه و الاهتمام
مع تحياتي

[وحيد الدرب]

انا عن نفسي الحمد لله عندي وايد أصدقاء
بس فيهم منهم لهم معزة عندي غير ومنهم اللي اقدر اثق فيه ومنهم مااقدر اثق فيه

بس ان يكون عندي صديق واحد بس صعبه شوي لانه اذا كنت متضايق من شي وحبيت تبوحله باللي يضايقك وكان مب موجود او مسافر بتضايق اكثر........

[المزوحي]

حركات .. بالرغم إني ما احب اتعود على شخص واحد بس، في نفس الوقت ما حب اقول لشخص معين

كل شي ...

[المزوحي]

اووه خيال وبهجة من الأهل " كشخة " الله يخليكم لبعض

[المزوحي]

الياه .. الحمدلله ... بس تبين الصدق ماقدر أثق بحد .. اتكلم عن نفسي طبعا .. مادري شو السبب

مني ؟؟ لا ماظن ...

[المزوحي]

ألم ترى .. المهم يكون صديق .. صديق طلعات وإلا بس رمسة تيلفون !!

[المزوحي]

مزن هتان .. لانج انطوائية بس، وإلا ماتثقين ؟؟؟

[المزوحي]

صدى الاحزان .. صح حلو الواحد يتعلم ... لكن يوم تشوف الدنيا وعندك صديق تبوح له وتقول له كل

شي وعن اللي تشوفه في دنياك من تجارب ...

[المزوحي]

فنجان قهوة .. شي جميل

نحن عندنا ربع في الدوام .. وايد وياهم لكن مب كل شي يعرفونه عن حياتنا .. مع

إنه في الدوام ... نحس أنهم أكثر من زملاء عمل ..

[المزوحي]

وحيد الدرب ... ذكريتني باللي عندهم صديق وااااحد بس .... ومتعلقين بهم

[ريم العين]

مممممممممم
انا على حسب المزاج

مره اقول كل شي يوم اكون صدق مضايقة لاي حد

ومره اقول بحتفظ لنفسي ومره مدري شو

بس فالاخير اللي اقوله لاي حد ينسووونه ما يذكرونه وهذا احسن شي
واحيانا اقول شي ملخبط ما يفتهم هههههه

تسلم خيوو عالموضوع الحلووو