هل تكتفي بصديق ؟؟!

[المزوحي]

هل تكتفي بصديق ؟؟!

البعض يشوووف إنه يكتفي بصديق ... حتى مايبوح بأسراره لأكثر من شخص .. بالرغم إنه الكثير

يختلط بالناس ( اجتماعي ) لكن لايحب تكوين صداقات كثيرة والبعض عنده صداقات كثيرة ولكن

مايبوح لأي واحد منهم ...

هل إذا عندك صديق واحد فقط ، وسافر مثلا .. تاخذ صديق غيره ... وإلا اللي سافر ممكن تتواصل وياه

شو انواع صداقاتك ؟؟

أيهما افضل تعدد الصداقات أم الاكتفاء بصديق واحد ؟

وإلا تشوووف ماتكوّن صداقة أفضل بكثير ..

يامرحبا بكم في الموضوع ... وتفضلوا شاركوا ...

[الدلووووعة]

تسلم اخويه عالموضوع

وانا عن نفسي احب يكون عندي وايد اربيعات لاكن ماحب اقول اسراري لهن

وانا ويا تعدد الصداقات لنه الواحد مايتم على صدديق واحد

[المزوحي]

الدلوووعة .. يمكن تحبين تعدد الصداقات .. لكن شي حلو إنــج ماتقولين لهن أسرارج ...

[تحفه]

عندي شله حلوه حمدلله وكلهم فنانات .. بس للاسف سكاجولاتنا وايد مختلفه عن بعض

وعن الصديقه .. فما امانع من ان حياتي تنحصر حول حد معين .. مادام هالشخص يغنيني عن الناس كلهم ( يا ويلي كلامي يعذب لول )
الموهيم
عندي انسانه وحيده تعرف عني كل شي! وهي بعد نفس الشي !

وما اعتقد انها مشكله !

[فركوشه]

الحمد لله مستووره.. وخخخخخخخخخخ

عندي ربيعات واااااااااااااااااايد.. تقريبا من الابتدائيه الين الجامعه..

وكل سنه ايزيدون.. اللهم زد وبارك..

ولكــــــــــــــــــــــــــــــــــــــــــــــن ..

اسراري حق عمرررررررري..

.. وبس..

[شمعة أمل]

ربيعاتي وايد .. الى كلووس .. بعد وايد لول ..
ماعندي بنت محدده اسيرلها يوم فييه شي .. ومرات ماخبر حد .. على حسب ^_^

[المزوحي]

بوظبي .. اكيد روحج حلوه .. من جيه عندج شلتج حلوه ...

[المزوحي]

فركوشه .. همم أظن كل مايزيدون صديقاتج تحتفظين بأسرارج أكثر ..

موفقه خيتووو

[المزوحي]

شمعة أمل ... أعرف 3 أصدقااااء .... وحصل إنه واحد منهم قال حق الثاني سر

ويوم عرفه الثالث .. احتشر عليهم ... خخخخخخ

لغز .. محد قالهم ...

[شمعة أمل]

لحسن حظي
كل وحده ماتعرف الثانيه p=

[المزوحي]

احسن لــج

بعيد عن المشاكل ...

وعلى فكرة .. ممكن شخص واحد ويخلق مشاكل

الله يبعد عنج هالسوالف ..

[الجديدة]

موضوع حلو الواحد يحب يكتب فيه

بصراحة انا لي صديقات كثر و كل مرة أزيدهن حتى طالباتي صارن صديقاتي
لا أفضل ان تكون لي صديقة معينة أو أصدقاء معينين فقط
فللصداقة فوائد كثيرة و منها التعرف على ناس مختلفة و لهم طباع مختلف
تساعد في فهم الكثير من امور الحياة

بالنسبة لي لا توجد لي صديقة كتومة لاسراري
فمذكراتي و قلبي هم كاتمي اسراري الخاصة

أما الاشياء الأخرى اخبر بعض الصديقات المقربات لاجد منهن الحل

و لا توجد في الدنيا أجمل من الصداقة

تسلم أخوي على طرح الموضوع

[المزوحي]

الله يســلمج " الجديدة "

حلو إنج تتعلمين من كل وحده شي مثلا ... مب شرط العلاقة تكون لبوح الاسرار

ناخذ ماينفعنا ..

[حركات]

عندي 3 ربيعات وايد وياهن حتى مرات احتار اي وحده اقرب اكثر كلهم الحمدلله اوكي وكل وحده شخصيتها غير الثانيه ومايعرفون بعض بعد
وهذا غير من الاهل


وعن الاسرار انا مب النوع لي اقول اسرار .. اسراري احتفضها بنفسي


انا مايعيبني ان الواحد يكتفي بصديق واحد او ان يتعود ع شخص واحد بس

[خيال الروح]

الحمدلله عنـدي صديقات يسون الدنيـا
وما اكتفى بصديقه وحـده

بس اسراري مـحد يعرفها غير شخص من العائله
والي هي "بهجة الروح"



: