علاقة الدكتور بالطالبه

[فنجان قهوة]

السلام عليكم و رحمة الله و بركاته

كيف الحال؟

الموضوع و بختصار ,, شو رايكم بعلاقة الطالبه بدكتورها في الجامعه او حتى استاذها في المدرسه

هل العلاقه تكون غلط اذا كان في اتصالات بين الطرفين و مسجات و ايميلات؟

و هل الكلام بين الطرفين لازم يكون ضمن نطاق الحدود الدراسية و لا عادي اذا تكلموا في شيء

خارج الدرس؟

اضرب مثال:-

الدكتور درس الطالبة في السمستر الاول , و تمت الطالبه و الدكتور يوم يشوفون بعض يتكلمون عن

احوال الطالبه الدراسيه ( يعني السلام عليكم و عليكم السلام .. شحالج ؟ شخبارك دكتور؟

ها شو الدراسه؟ دكتور شو الطالبات و ياك؟ ها شو اخبار الامتحانات وياج ؟ و هكذا)

و عقب طلع الدكتور من الجامعة و قبل ما يطلع عطاها ايميله الشخصي

و بعد فتره عطاها رقم تيلفونه

و بعدين استوى الدكتور يطرشلها مسجات

و هي ساعات اترد عليه بمسجات

و كلمته مره او اثنين و كانت مكالمات عمل يعني سالته عن شيء في التخصص و هو

سالها عن موظف معين في الجامعه او اي شيء

ها شو رايكم ممكن تعليقاتكم و نقاشاتكم

مع تحياتي

انسوا التنقيعات الله يخليكم

[سبانش مان]

اذا كانت العلاقه شرا الي كتبتيه بالضبط .. وبعدين نقطه .. اشوف مافيها شي.. وهاي بالعكس علاقات طيبه تجمع الناس بحيث ينشدون عن بعض ويفيدون غيرهم..

اذا اكثر عن هذا الحد بحيث يلسوا يهذرون وايد بالرمسه بالتلفون في اشياء مالها داعي اكيد يمكن تتطور لشي غير سوي والله اعلم في هذا كله..

[خيال الروح]

السـلام عليــكم

عـلاقـه الدكتو بالطـالبـه ..؟
اذا كـانت مجـرد سـلامات مـثل ما قلتـي ويـكون في احترام بين الطرفين
فاشـوف انه العـلاقـه مـا فيـه شي

بس افضـل انها مـا تطـور لتـلفون وسـوالف الـخ ..
لانها بتصير غـلط ..



:

[القلب]

:

ما اعتقد بان هناك سبب يدفع الواحده تتواصل مع استاذها بالفون
يعني اذا عندها اي شي تبا تستفسر عنه ممكن تستخدم ايميل الجامعه !!

و مهما صار ،،
تراه يبقى ريال غريب عنها.. و مب حلوة انها اتعرض نفسها و سمعتها
للاشاعات و الاوقاويل


مثل ماتعرفين نحن انعيش في زمن ما فيه خير..
كل من هب و دب.. ألف قصه و نشرها بين الخلق!!
بدون تفكير بعواقب هالرمسه و شو ممكن اتسبب من مشاكل

اختج// القلب

:

[تنينه]

السلام عليـكم والرحـمه ,,

علاقة الدكـتور مـع الطـالبـه أكـيد لـها حدود أنـا بالنسبه لـي تنتـهي مـع انتهاء الحصـه الدراسـيه وإذا أحتـجـت شي أسير لـه المـكتب أسأله ,, والجامعه مـب مقصره مـوفره إيميل جـامعي للتـواصل مع الإداره أو الأسـاتـذه وكل شي طبـعاً بحدود , في النـهايـه يتم الأستاذ أجنبي غريـب عليها مـا يـحق لـه يـعرف رقـمها 0.0 أو يتواصل معاها بالمـسـجات ,,

والوحـده أفضل لها انـها تبتعـد عن هالسوالف شرات ما قالت القلب مجتـمـعنا ما يـرحم والرمسـه تنتشر وأتزيد ولـو البنت نيتها صـافـيه ,,

ع العموم كل شي بحدودها وخطوطـه الحمراا =) ,,

أعـرف وحـده كانت أول شي تتواصل بأيميلها الخاص المـسنجر وعقب مسجـات وألـحين سوالف ما يـمر يـوم بـدون ما تـسمع صـوتـه ,, يعني شرات ما قلت في النهايـه يتم غـريب والشيطان أكيد دوم ثالثـهم ,,

[القلب]

هيه حتى انا سمعت قصص مشابهه للي ذكرتها تنينه ..!!

اصلا الغلط يكون ع الاستاذ.. يعني ممكن البنت اتكون صغيره و بعدها
اتعيش سن المراهقه بكل تفاصيلها !!

فالمفروض من الاساتذه يكونون انضج من هالحركات..
و يحطووون خطوط حمرا .. اتبين العلاقة اللي اتكون بينهم و بين الطالبات

[تنينه]

هييه أكـيد اذا وصلت العلاقه وأتـطورت الأستاذ بيكون علـيه اللوم بـعد ,, بس شي أسـاتذه يـكونون يايـن من مجتمعات متفتـحه وحليلهم ما يعرفون ان البنت جـي بتتـخبل ولا بتوصل بعلاقـتها وشي نـصهم تـعيبهم السالفه يوم انـها يايـه بارده مبرده ^^".

في النهايـه لازم أثنيناتهم يحطون خطوط حمراء لكل شـي طبعاً ,,

[الثعلب الرمادي]

أختي فنجان قهوة ...

ما فيها شي البنت تكون لها علاقة بدكتور في الجامعة أو أي علاقة ثانية المهم إنها ما تحس إن هالشي غلط لأنه ممكن يأثر على نفسيتها

[عافك الخاطر]

السلام عليكمـ
علاقة الدكتور بالطالبة لازم ما تتعـدى الامور اللي تخص الحياة الجامعية ؛لسلامة الطرفين ..
..
.
ويُنقل للواحة المفتوحة ؛ كونها الأنسب
السموحة..
.
.

[تحفه]

عادي انا جي! .. حليلي ما فيني شي ولا هم يحزنون .. بالعكس اعتبرها الطريقه الصحيحه لستخدام التكنلوجيا

[زمان أول]

مرحبا اخوي والله موضوعك يا فوقته الحين الواحد يشوف اشياء في زمانا يشيب منها الراس

علاقه الدكتور بالطالبه في حدود الدراسه بس بس الدكتور بعد ريال شو يعني بس المواطنين رياييل والهنود والدكاتره عادي .. المفروض علاقتها تنتهي مع مدرسها من تطلع من الجامعه يعني فالجامعه في حدود الدراسه .. والله وااحد يعوره من حال البنات في جامعاتنا وكلياتنا والله سوالف الله يهدي الجميع

والسموحه

[الهيثــم]

هــزلت والله هــزلت

أنا اقتـرح إنهم يظهـرون ويتيلسـون فـ الكوفي لـ مناقشة أمور الدراسة
لأنه بيكـون أفضــل يوم يشربـون فرابتشيـنو او عصير طـازج
أهم شي الحـالة النفسيـة

والله هـزلت

هـذا الي نـاقص إنه الدكتور يرمس بنااتنـا ويراسلهـن

الكـلام بين الدكتـور والطـالبـة لازم مـا يتعـدى حـدود الدراسـة وفـي نطـاق المحيط الدراسي
وإذا اتعـدى أنـا اعتقـد إنـه في بعض الأحـوال ممكن يكـون سبب لـ فتح أبواب وأقـاويل نحن في غنى عنها

وإذا عنـدها استفسـارات دراسية أعتقد مثل ما وضحـوا اخواتنـا العزيزات إنه شي إيميل خـاص بالجـامعه وهـذا يفي بـ الغرض

بعيــدا عن التفـاهات والخزعبــلات الي مالهـا معنـى بحجـة التطــور والرقـي في زمـن بــات فيه الفسـاد والانحـراف أهـم عـلامات التقـدم والتطـور

....

وشكـرا اختي فنجـان قهـوة على موضـوعج الجميـل
وبـارك الله فيــــج ...

[الثعلب الرمادي]

أول سنة أدرس فيها في ألمانيا كانت السنة الماضية و من كورسات اللغة حتى الكورسات الأولى في الجامعة ما شفت أي طالب أو طالبة على علاقة بمدرس أو حتى مدرسة و العلاقة كانت مع الكل مهنية بحتة.

(كنت فكورس فجامعة الإمارات فدكتور في الفيزياء كان يعطي مساق من المساقات الحرة و هو مساق الفلك في حصة وحدة أنا كنت فيها و سمعته يتكلم جدام الطلاب و بالمكريفون عن طالبات ربيعاته في كلية البنات) يعني لهالدرجة فرحان انك تعرف بنات.

مادري ليش هنيه في الإمارات وايد اساتذة يسوون علاقات مع الطالبات مع إن الطالبة مسلمة و مؤمنة و الدكتور مسلم و مؤمن و مصلي و متزوج.

صح الدكتور الالماني في الجامعة مب مسلم و يشرب خمر و ياكل لحم الخنزير لكن ما ينزل بكرامته و يعطي رقم موبايله أو إيميله لأي طالب أو طالبة و ما في أي طالب يمكن يتجرأ و يطلب هالطلب صح إن مافي إسلام أو غيره لكن في أساس قوي جدا من الاحترام بين الطالب و الدكتور في الجامعات الألمانية و التعليم هو الأساس لا أكثر و لا أقل.

قبل ما أسافر المانيا للدراسة تخيلت هناك اباحية و علاقات هالمكشوف لكن اللي أعرفه الحين هو إن العكس هو الصحيح.

مجرد رأي و السموحة

[مزايا]

الثــعلب الرمــادي

ما ينزل بكرامته و يعطي رقم موبايله

بس سؤال
شو دخل الكــرامه الحين ؟؟؟؟؟
صح في ايميلاااات نتوااصل بها مع الدكــاتره
بس مافيها شي لو كان عدنا رقم موبايله
والله نحن مابنيــلس نرمسه فليل ونطيّح الميــانه
كلمــه ورد غطاها بس

علاقات مع الطالبات

ياكبــرها عند الله

وبعدين مثل مافي ناس مسـؤوله عن الطالبات
لازم في ناس مســؤوله عن الهيئه التدريسـيـه مب إنه عاطينهم الخيط والمخيــط

[قصايد غلا]

مـــرحـــبـــا أختي فنجان :)

أنـــا بصراحه ما أشوف فيها شــي دام هالأستاذ عارف نفسه هو شـــو "هــو مدرّس وأنا طالبه يعني شرا بنتــه لا أكثــر"

واحد من المدرّسين اللي درّسوني دايما يتصل بي ويطرش لي مسجات في المناسبات ، وأحيانا يوم يبا يتخبّرني عن شــي يتصل أو أنا إن احتيـــت شــي أتصل بــه و أستفسر منــه لو عندي شي استصعبته ===> طبعا هالشي أهلي يدرون بــــه ، وراضين لأنه يعاملني شرات بنته وفي نفس الوقت مدرسني ومدرّس(كذا شخص من العايله الكريمه ) و هو بشكل دايم يتصل بنا كلنــا و ينشد عن الكــــل

يعني ما فيها شي دام كلن منـّــا عارف حدوده ، البنت بطريقة تعاملها ويا الشخص تقدر تراويه هي من أي نــوع وتقدر تثبت له إنها قــد ثقة أهلها ومستحيــل تفتح لــحد مجال إنه يتمادى ...