علاقة الدكتور بالطالبه

[سبانش مان]

كلام الثعلب ارمادي 100 % صح..

الي اشوفه ان الخراب بالبلاد اكثر من برع..

هني ماشي اخلاق .. اما برع اول شي عندهم الاحترام والاخلاق وبعدين اتي باجي الاشياء

[تنينه]

وهالـكلـمه ورد غـطاهـا ما تستوي إلا في التلفون

[مزايا]

وهالـكلـمه ورد غـطاهـا ما تستوي إلا في التلفون

وهالكلمه ورد غطــاها مابتنقــال إلا لــ حايه مـُلـِحه

[تنينه]

أتـصدقـين ألـحين انا ثـالـث سـنه في الجـامـعه ما حسييت في يـوم أني في حااايه أنـي أطـرش مـسج للسير أو أكـلمه ,, جان بغيت شي بطرش له أيميل أو بجوفه ف الجـامـعه ,,

ع الـعمـوم كـل إنـسان ونـظرتـه ورايـه ,, شـي أهـالي الخطيب أللي هـو الخطيب ما يخلون البنت أتـرمسـه لأنـها مب على ذمـته فـ ما بـالج بـريال غـريييب بس لأنـه مجرد أكـبر عـنها ويدرسـها يعرف رقـمها ومسجات ,, ما شي حاايـه لهدرجـه يعني ! ,,

[الثعلب الرمادي]

اللهم طولك يا روح

مزايا ...

آخر كلمات كتبتها فردي كانت:

مجرد رأي و السموحة

والله أنا ما يهمني شو تسوين و بعدين أنا ما قلت إن هالشي غلط حاولي تفهمين هالشي و لا اقولج سيري اقري ردي الاول في الموضوع.

بس سؤال
شو دخل الكــرامه الحين ؟؟؟؟؟

في عناوين للشغل و في عناوين شخصية و مافي دكتور في مخ فراسه بيعطي ايميله الشخصي و المسنجر و رقم تليفونه و رقم شقته و رقم تليفون ربيعه لكل الطلاب و الطالبات... او بس للشباب اللي يمون عليهم... في الجامعة الطلاب يخاطبون الدكتور بصيغة احترام اعلى حتى من صيغة الاحترام بين الاب و ابنه و الدكتور يخاطبهم بنفس الصيغة و لو كانت بين الدكتور و الطالب علاقة ثانية موبايل او مسنجر او طلعات او من هالسوالف فصيغة الاحترام و الكلفة بينهم تسقط الى الابد فالدكتور بعدها ما يقول هذا طالبي لا يقول هذا ربيعي او ربيعتي يمكن هالشي يديد عليج أو على الدكاترة اللي عندكم و مرة ثانية أقول هالشي ما يهمني (صيغة المخاطبة الخاصة في اللغة الالمانية هي Sie و استخدام صيغة مخاطبة ثانية مع الدكتور في الجامعة هي اشارة على عدم الاحترام)

في إيميلات للتواصل بين الطلاب و الدكاترة في الجامعة و هاي مافيها شي اللي كتبت الموضوع كانت تتكلم عن علاقة صداقة شخصية يعني فيها عنوانين شخصية و ردي كان مبني على هالشي فهمتي.

و بعدين انتي معدلة فردج الله يستر شو كنتي كاتبة قبل، انا في يسوي غلط في هذا كلمة بعدين انا في يسوي تحرير ايه صدقنا

راسي يعورني لو تكرر هالشي مرة ثانية و واحد فسر كلامي على هواه بدون ما يفهمه ما برد عليه لكن اشتراكي اللي في المنتدى هذا بوقفه بشكل نهائي.

استغفر الله العظيم

[الدلووووعة]

انا الصراحة ضد ها الشي

لنه الصراحة الاجانب ماينعطون ويه اخس عن العرب

يعني نحن السير اللي درسنا الكورس اللي طاف

والله يوم يشوفنا يلس يدق سوالف نحن نبا الشرده
مرات يوم نشوفة مكان نسير الصوب الثاني او انزل راسنا عسب مايشونا
يله يله مستحميلنهم فالكلاس وبعد نسير نرمسهم ماشي شغل
واذا علينا هوم ورك او شي بنطرشلهم على ايميل الجامعة مايحتاي لا ايميلي الخاص ولا رقميه

لا بس سيرنا ها الكورس خذ ايميلاتنا
طبعا بس يمكن اسبوع تم عنديه وبعدين نسيت باسورد ايميلي وعطانا بعد مره ثانيه لاكن ماسويتله اد
شو انا متفيجة ارمسه ولو عن الدراسة احس ماله لزمة اذا ابا شي منه بسيرله مكتبه وبسئله

وتسلمين اختيه عالموضوع

[تنينه]

الثعلب الرمادي ههههه لا أتـحرج ولا شي يااخويه جم ثعلب رمادي عـندنا ^^"..

وانا أؤيـد كلامـك وبـقووه =) ,, وفي النهايـه هـاي آرااء تعتمد على تفكير الشـخص ومبادئـه ..

[مزايا]

بصــراحه لاتعليــق على هالردوود
ومثل ماقالت الاخت اللي فوقي
كل واحد ورايه

[أمواج]

يالرمااادي
.
.

انا في يسوي غلط في هذا كلمة بعدين انا في يسوي تحرير ايه صدقنا

.
.
ههههههه ضحكتني

[قرموشة]

ويدي شو هـ المنـاجر بعد !!!
أرقــامـكم تعطونـهــا حـق الاســاتـذه والدكاتره !! بسم الله وين عايشيين نحـن

هيه صـدقـك يا بن عمي هزلت !!

[تحفه]

شو رايكم بعلاقة الطالبه بدكتورها في الجامعه او حتى استاذها في المدرسه
في المدرسه ماجد يربت .. بس في الجامعه اشوف ان علاقتهم دام انها ما تعدت امور الدراسه والاشيا السطحيه .. اشوفها علاقه طبيعيه !

هل العلاقه تكون غلط اذا كان في اتصالات بين الطرفين و مسجات و ايميلات؟
مره ثانيه اقول انها مادامت في اوقات مناسبه و مظمونها علمي فهذا شي عادي !

و هل الكلام بين الطرفين لازم يكون ضمن نطاق الحدود الدراسية و لا عادي اذا تكلموا في شيء خارج الدرس؟
الدراسه شي مؤكد .. وعن خارج الدرس .. اشوف انه مالا داعي الا اذا كان يستفسر عن اشيا سطحيه.

[شمعة أمل]

مهما كان .. المفروض العلاقه ماتتطور للتليفون + مسجات ..

كل جامعه تعطي للطلاب + مدرسين ايميلات جامعيـه .. من غير انه لكل استاذ مكتب في الجامعه .. ف اذا في شي يخص الدراسه يرومون يطرشون ايميلات ولا يسون اجتماع .. او حتى اذا يحصلون بعض في الممر يرومون يرمسون عن هالشي .. فـ ماله داعي يتصلون لبعض ويطرشون مسجات ..

شي واحد تعلمته من جامعه مختلطه .. اذا انتي تحطين حدودج .. وتخلين كلحد يعرفهم .. محد بيتخطاهم.. وكلحد بيحترمج .. عكس البنات الى يبون يغامروون..


والسموحه

[وعد]

ايه كنا بالجامعه انسلم علي الدكاتره مو حبا فيهم بس جيه مصلحه عشان الدرجات
وكان فيه دكاتره مثلا يطرشون لكل طلاب السكشن عن تغير وقت المحاضره وجيه
واحس هالشئ عادي

بس لم يتطور الموضوع الي تلفونات والي مسجات بين طالبه معينه ودكتور

احس في شئ غلط

[فنجان قهوة]

سبانش مان
تفكير سليم

خيال الروح
راي سليم

قلب دبي
فعلا الاقاويل .. هاي راحت عن بالي.. رايج فيه وجه نظر

تنينه
فعلا في منهم ما يقصدون سؤاء الاستاذ او البنت .. ممكن يكونون من دول ما بقول متفتحه بقول متعولمه

الثعلب الرمادي
افهم من كلامك ان عادي وحده تتعرف على الدكتور و تصير بينهم علاقه مثلا حب او شيء
علما ان كل دكاترة جامعة الامارات ما عدا عدد بسيط منهم (مواطنين) ما خذين طالبات كانوا يدرسونهم كزوجه اولا او ثانيه >> منقول عن لسان دكتور في جامعة الامارات
ردي على ردك الثاني
فعلا اهني يكبرون السالفه و يسونها طبل
و عن الدول الغربيه .. اذا صار علاقه بين دكتور و طالبه تتحول المساله الى المحاكم
فعلا شيء غريب

عافك الخاطر
اولا انا كنت محتاره بين الواحتين و قلت الفضفضه لاني من روادها اكثر .. و شكرا على وضعها في المكان السليم
ثانيه راي سليم

بوظبي
ما فهمت قصدج؟!

البدوي
اولا انا وحده هب واحد
ثانيه عن الي يصير في الجامعات ترا هذا بسبب غياب الوازع الديني.. انا وياك ان في بنيات يشوفن الهندي و الدكتور هب رياييل .. و رايك سليم

خطاب"أنا اقتـرح إنهم يظهـرون ويتيلسـون فـ الكوفي لـ مناقشة أمور الدراسة
لأنه بيكـون أفضــل يوم يشربـون فرابتشيـنو او عصير طـازج
أهم شي الحـالة النفسيـة"
ههههههههههههههههه حبيت التعليق
الصراحه ما اعرف شو ارد بس في ايميل صح بس اذا قالت البنت انه يوم نبغي شيء ظروري ظروري و لازم بسرعه ؟
رايك سديد
تسلم اخوي خطاف
على فكره في بنات يتلاقن مع دكاترتهم في السينما جان ريت

مزايا
انا وياج في كلمه و رد غطاها << يعني بحدود
و صح في نص صريح في التعليم العالي ان ممنوع الدكتور يعطي طالباته رقم تيلفونه بس اذا مبايل العمل و الي هو تابع للهيئه الي هو فيها عادي

قصايد غلا
هلا و غلا
"البنت بطريقة تعاملها ويا الشخص تقدر تراويه هي من أي نــوع وتقدر تثبت له إنها قــد ثقة أهلها ومستحيــل تفتح لــحد مجال إنه يتمادى ..."
اكثر جمله لفتت نظري و ذكرتني بوحده من اداره التقنيه الله يذكرها بالخير .. كانت اتقول " الريال يتعامل على اساس ان ريال.. اذا البنت كلمت ريال تكلمه و هي ريال مثله ما تعطيه فرصه انها بنت و هو ريال عشان ما يفكر في شيء غلط"
و عن ان المدرس الي تتطرينه و الله اعرف وايد من هالنوع.. و اعرف دكاتره يعرفون البنات على اهلهم عشان يعرفون اخبار البنت من اخته زوجته بنته.. يعني الناس انواع
و الثقه لازم اتكون موجوده للي يستاهلها
تسلمين على المرور

[مــهــابه]

خـفوا اللـعب يـا جماعـه !!

إخـتلاف الرأي لايفسـد فالـود قضيـة ، وفـي الاخير كـل انسـان وجهة نـظره ومبـداه


انـا فـاعـتقادي مـهمـا احـتاجتـ الطـالبة لدكــتور ، مـاتوصل لـدرجة انـها تعـطية رقـم تـلفونه ويسـتوي من بينهـم مكـالمات واتـصـلاتـ

لأنـه لـوهي مـثلا محـتايه للدكـتور عـندهـا الأيميل تقدر تتواصـل ويـاه من خلالـه ، تـقدر تروح لـه الاوفيس ، تـقدر مثلاً قبل لاتبدأالمحاضرة ترمسـه أو شي

وعـلاقـة الطـالبـة بالدكـتور ، هي علاقـتين كـ أب مع بناتـه وفي وقـت واحد طـالب ودكـتور

يـعني لـو شفـت دكـتوري وهـو خاطفـ مكان أكيد بقـوله : السلام عليكم ، لأن السلام لله

وفـاعـتقادي في دكـاتره جدا جدا محـترمين ، يخلي الواحد يرتاح يوم يرمس وياهم ويناقشهم في وجهات النـظر ودكاتـره الود ودك مااطـالـع فـويهم لأنـ عيونهم زايـغه والواحد مايرتـاح لهم وهـالناس لازم انـطنشهم

وشي جميل يـوم الطالبـة تتـبادل الخبرات مع دكـتورها مب في مجال المسـاق وبس ، لا في أمور وقضايـا
احب اناقش فيها دكـاترتي ، نتثقف منهـم ، نستزيد من معلـوماتـهم ، ولكـن بحـدود وادب والاحـترام ، وفي مرة دكـتوري والله قـال لي وجدام بنـات الكلاس : انـتي داااهـية !! لأن الدكـتور يحـب الطالبـة المجـتهدة مب فـالكلاس فقـط ، لا في جميع مجالات الحياه !!

لأنـ مب دوم نحـن نستـفيد من الدكاتـرة ، احيـان نحـن نجبرهـم بأنـهم يسـتفيدون مـنـاا


والسموحـه منكــم !!