جنـــة جنـــة جنـــة .. الإمـــارات يا نـــاس جنــــة ؛؛

[وحي القلم]

اول ما حدرت الميلس بغيــــت أشل المخدات اللي طايحـــه على الأرض ولــكــــن

وبخني ( حلوة هالكلمة ) (( يعني هزبني )) ولد عمتيه وقال ليه اييييييلس ,, هالمخدات اللي طايحــه على الأرض ديزاين ( اونه يعني موضه وحركة اتنزين ابها البيــــت )

مشكور المنصوري

استمتعت بالموضوع

.,.

[تنينه]

الـسلام عليكم والرحـمـه ,,


(1) الـعيـد ؛؛

عيد بأي حال عدت يا عيد بما مضى أم لأمـر فيك تجديد


أما الأحبة فالبيـداء دونهم فليت دونـك بيد دونهـا بيد


أنـا أجـاوب عـلى سؤال الـشاعـر بـشـطره الـثانـي عـدت يا عيـد لأمر فيه تـجـديـد وعساكم دائـما من عوادة الـعيـد فـ أنـا أثق وأؤمـن بأن كـل عـيد يـحمـل لـنا شيئاً جـميل يـفرحـنا وإن قـلنا لـم نشعر بالـعيد أو انـه مـر مرور الـكرام ولـكـن لابـد من فـرحة ممـيزه خالجـتنا وشـعور مـختلف ولـو لـوهـله أو بـرهـه شو الفرق ,, بالـرغـم مـن عـدم حـصولي على عـيديـتي هذا الـعيد كـاملـه بسبب عدم تـواجد الوالـد ,, افتـقدتـه حـقاً وهل كيف يـمر صباح العـيد مـن دون أن أقبل رأسـه وأهنـيه بالعـيد وآخـذ العـيديـه لـكـن الحـمد الله سـمـعت صـوتـه وشـبك الخـط مـعـنا قـبل آذان الـظـهر الله يـخـلي الإتـصالات وخدمـاتـهم أللي من سنين وبـنين الحمد الله عـايدت عـليه بالرغـم مـن تغير صـوته بـسبب الزجام ,, ولـكـن الحمد الله الأمـور كـما قال أغـلبهم تـيسرت لــهـم وكانت طـيبه ,, وشربنا ماي زمزم


(2) صـبـاح الـعـيـد ؛؛

في كـل ليلة عـيد مـن صـغري مـا أييني رقـاد ,, انتم واعيين وأنـسو الحلويات وربشـه ألـين الساعه 3 أو 4 وعـقب أي شي أحـاول أرقـد ماشي فايده ألـين ما أفـز على آذان الفـير ,, صـدق الصباح في الـعيد يـكون غييييييير عـن كل صـبـاح ونسماتـه وشـمسـه وشروقـها اتـكـون غيير ,, أتـعجـب مـن بعض الـناس أللي في يوم العيد يـنشون الظـهر أو الـعصر حلااتـه العيد ع الصـبح وصلاة الـعيد والحلويات ع الصـبح ريـحة البخور والدهـن عـود و الفـاله والأنـواط ,,

أغـلب ربيعاتي يقولون لـي الـعيد بس ألـين العـصر ويـخلص أو حتى الظـهر وخلاص قـبل عـلى أياام المـدرسـه كان العيد عـندي عـشرة أياام ,, ألـين عاشر يوم وانا أحس بالعيد وفرحتـه بس من جمـن سـنه بس أليـن ثالث أو رابـع يوم الـعيد ,,




(3) قـطـر وبيت شـبابـي ؛؛


بـالرغـم مـن أني مـا جت زرتـها قـطـر بـس أحـبـها وشـعبها صدق ناس غيير ,, أتـحسهم جريبيـن جداً من عاداتـنا وتقالـيدنـا

فـي بـيت شبـابي شي طبيعـي بترقد ع السيراميـك وزيـن يوم حصلت شرشفــ هههه,, غـمضتني يوم رقـدت ع السيرامـيك بـس اتذكـرت فوق انـك شبعان رقـاد طول الوقت في السـياره زين يوم إنـك رقدت في السياره ^^".


(4) بـو نـمـر وبـو تـركـي ؛؛

حـاولـت أتـوصل لمعنـى بو نمر شرات ما حـاولت مع حالة شتوره بس للأسف ما وصـلت لـ شي

بـو تـركـي طـراد ؛ لاحـظت ان الشباب علـيهم ألـقاب عجــيبه حليلـهم مسـميات غريبه عـجيبه ونـصها ألـغاز وتشـفيرات بـ عـكس البنات أللي ألقابـهـن نـادره وإن أنـوجدت أتـكون مفهومـه وعـاديـه هب شرات الشباب ,, شـو الـسر يا تـرى ؟!


لـي عـوده مع رقم (5) والسمووحـه جـان طـولنا

[المنصوري]

ونحن في الدرب لذاك المكان ( اللي صار ليه كذا يوم ذالنكم عشان اتعرفونه ) شفت مليوووون فيتنامي ( وهل كيف عرفت بانهم فيتناميين الجنسية .. تخمين يا جماعــة ) ( والمليون هب اللي بيحصلها شاعر المليوووون .. لا يعني مبالغة لكثرتهم ) قلت للقطري اللي انا معاااه // يمكن هذيله مجنسين بعد ,, المهم وصلنـــا المكــــــان ’’

وبدت سالفـــة العكــــس ( يُقـــال وفي ذمــة المصدر كان شي برنامج يقدمه سعود الكعبي اسمه كعس ) والمقصووود بالعكس يعني (( تصوير شرات ما يسوي صريحوه ولماحوه (( تك تك تك لين ما تكتك مخهم )) )) ,,

هيييه تعالوا ما خبرتكم المكـــــااان .. الصراحــة الجو في قطــر لا يقـــارن برد شديـــد وقارص ,, اوووه نسيت اقول لكم المكــــان

المكـــان هو سوووق واقــــــف

طبعــاً هذا السوووق قديم في قطـــــر .. تم ترميمه وتعديله ولكـــن بزي قديم ( حتى السوق بدى يلبس كنادير خخخ ) .. يعني تم الحفاظ على الطابــع القديــــم ,, حتى العسكر ( الشرطة ) اللي هناك لابسين لبس الشرطة القديم ( غترة وعقال )

يقال بإنه شي بدبي دار الحي اموت اموت واحيـــى اشوي فيه شرات هالسوق بس وايد صغير صوب المرسى وهذا والله اعلم ( افيدونا يا أهل دار الحــي )

اتركم مع بعض الصور وبعض التعليقـــات الخاصـــــــة ,,

قبل لا اتركم وتتركوني .. كل شي في هالسوووق قديم واسعار الدكاكين رمزية بس بشرط اللي يستأجرهن قطـــري ولازم يكون متواجد في المحل بشكل شبه يومي ( يعني يخدم المتقاعدين بشكل رئيسي )

لي عودة مع الصـــور بعد التحميــل


..

هزايــــم

ان شاء الله اتكون كل حروبج نصــر هب هزايـــم
شكراً عزيزتي على المرور الأول الكريم
لا هنتي

والسموحه

..

صمت الدموع

صدقج حلاة العيــد بالعيـــش واللحم
ويقول لج عبدالمجيد // اتدلع يا كايدهم (( خخخ مصدق عمره ))
شكراً اختي الفاضلة على المرور الكريم

..

المنصوري يحييكم

[حبوبه دبي]

فــي انتظــار المــزيــد

[هزاايم]

المنصووري
كملها شيخي لاهنت

[المنصوري]

ما شـــاء الله الكـــل يرقبــــــــ ... البارحــه يـــا من الفايــــه وتعبــــــان لأنـّــا خيـمنـــا هنـــــااك

واليـــوم امودي اهليـــه دبـــــــي .. ويالس احضـــّــر موضوع (( حركــــات )) في الواحــة المفتــوحــة

ويبـــالي احمـّـل الصــور حق هــذا الموضوع

والله راد لكم الا اذا خذ الله أمانتـــه

شكراً أحبــاب قلبي على التشجيـــع ’’

لا عدمنـــاكم فرداً فرداً

انتم هنيـــه
..

[الدلووووعة]

متواصلين خلف الكواليس^_^

[تنينه]

أنـا عـدت

(5) مـتـابعـه بـشغف

يقولون تنون مـتابـعه ليوميات منصوري الواحـات ومستمتعين معاك في انتـظار كل جديـد ومشـوّق

[خيال الحب]

جان انا متابع بعد..

بانتظار التكمله حبوووب ^___^

[هزاايم]

عليك حرجاات إنما إيه يا الشيخ

خخخخخخخخخخخخخخخ اقرى اوني بندمج إلا اشوي اضحك على سالفة تك تك لين ماتكتك مخوخهم
عاد تعالوا ولقطووني يوم اقرى هالجمله يقال بإنه شي بدبي دار الحي اموت اموت واحيـــى اشوي فيه شرات هالسوق بس وايد صغير صوب المرسى وهذا والله اعلم ( افيدونا يا أهل دار الحــي )
خخخخخخخخخخ كملها الشله لاهنت

ننتظر الصور والتعليقات ,,واظني سوق جميرا هو الشبيه لسوق واقف"متى يقعد؟ "

متابعين لك