منو يحـب الجـاهـي؟؟

[شمعة أمل]

السـلام عليكم ورحمة الله وبركـاته

يتني فكرة هالموضوع يوم كنت في سكشن الجاهي في هارودز لول!

منو فيكـم يشرب جاهي؟؟ وشو أنواع الجاهي الى تشربونه؟ ومن اي شركه\ماركه؟

هـل تغامروون في شراب الجاهي؟ .. بمعنى آخـر.. تشربون جاهي بنكهـات مختلفه؟ سواء جاهي عادي ولا جاهي فواكهه ولا جاهي صيني ولا جاهي مال أعشاب ولا جاهي أخضر..ألخ


للعلم
الجاهي = الجاي = الشاي = tea



والسموحه
شمعة أمل

[تحفه]

نحنا الجاي حليب في بيتنا مقدس ..

احب الجاي الاخضر لانه مفيد

احب جاي بالزعفران اييبونه من مزرعة خالي في السودان ( صدق ما اتمصخر )

ويوم بتذكر الماركات بقولج

[عافك الخاطر]

اوه .. انا وايد احب الجاي .. ف بيتنا الجاي لازم ينشرب 5 مرات ف اليوم بس انا عادي يعني .. ثلاث مرات ..مرتين ..
.
.

ماركة الجاي ما ادري والله !.. جاي حمر هو يعني ..جاي سيلاني ..اشدراني
وما اغامر في شرب الجاي اللي بالنكهات ..
ا1ا شي جاي جربتيه وطلع حلو ..خبرينا ..؟

[هزاايم]

عفانا الله انا ادماان لو مااشرب يجيسني صدااع

احب شاي كرك,,إلي ليكون ويا الورق الكرك
احب جاي حليب بدون العشب
احب شاي حمر
لووول مستويه كل احب انزين نغير نقول اشرب
اشرب جاي ويا زعتر مرااات
ويا زعفرااان مرااات
مااشرب الجاي إلي بدون هيل هب حلو طعمه مايعجبني
اما شي الأعشاااب ماافكر لأنه مااقتنع انه شي رغم انه احسن عن الجاي الأحمر ومايحرق الحديد لكن انا طبعي عنيد خخخخخخخ
وسلامتج
ميس يوو دبووه ابشرج صوتي خلاص قولي له باي باي

[الدلووووعة]

انا ماحب شي اسمه جاهي

بس اللي امي وابوي لازم الجاهي بعد الاكل ليش مادري احس انه عاده عدهم
يعني ابويه يظهر من البيت ويرد لو ظهر خمس
دقايق بس على طول نيبله جاهي

ومن اي ماركة
من لبيتون

عاد انا خليني احب الجاهي العادي عسب اجرب النكهات الثانيه ^_^

[ذنـيـنـي]

ييتي عالعوووووووووق

انا من محبين الجاهي

أحب الجرين تيي خاصة مع الليمون,,
اعصر فيه ليمون او احط شريحه ليمون في الكوب


و يعيبني الـ peperment tea
احب احليه بالعسل

الجرين تيي و البيبرمنت من شركه تويننجز


و يعيبني الجاي الهندي مال ليبتون
ما فيه جاي ,, عبارة عن زنجبيل و جرفه و ما ادري شو

بس وايد يعيبني, نكهته غريبه

احيد على ايام كاس العالم كنت اسوي حق ربعي جاي بالفواكه الحمراء
احيدهم وايد استانسوا عليه

و شو شو شو بعد
و ماشي

خلونا نشوف تجارب الاعضاء ويا الجاي
يمكن نحصل اشياء يديده نجربها

[مــهــابه]

نحـن فـبيـتنـا نشـرب الجـاي 3 مراتـ

طبـعـاً الـصبح جـاي حليـب عـادي وكـركـ ، عـاد انـا أكـون راقـدة الصـبح فـما أشرب

وع الضحـى جيـه فالاجـازاتـ أبـوية لازم يشـرب جـاي أحمـر مايحـب الليبـتون يحب الورقـ
بـس خوانـي يشـربون الليبـتون فـيسوون دلـتين وأيـام الدواماتـ يسوون الـظهر بـعد الغـدا


احيـان يسوون جـاي أحمر بـزعـفران ، واحيـان بـمراميـه ، واحيـان بـزعـتر

والمغـرب بـعد يسـون جـاي أحـمر فـالصـيف

أمـا الحين وفـالشـتـاء ، يسوون جـاي حليب بالزعـتر وبالزنجبيـل


والـعصر مـرااات نخلي البشكارة تـسوي لنـا كركـ يوم نـكون مـتجمعـين

وانـا مب وايد وايـد أشرب جـاي ، بس فـالشتاء احب الزعـتر والزنجبيل عـسب الدفـا والجاي الأحمر ماحب عادي لازم بزعفران ولا نعناع ولا مرامية المـهم لازم يكون فـيه نكـهة

[الـيـاه]

هااااااي
عليكم السلااااااام missed u يال عنزززز

هيه أنا أحب الجاي خاصة يوم يكون مودي زفت وألا يوم أكون واااايد واايد رايقه أيلس الحوي أشرب جاي وأقرا أي شي

أكثر شي أحبه الـ *كرك* مال ليبتون وفـ بيتنا يسوون خلطة عجيبه داخله ويا البسكوت المطحون
يطلع يممممييييي + الجاي الاخضر مال زسينسو وااايد أحبـه و توينجس لكن يوم يخلص أتغصص
لانه من لـندن

وفالاخــير الجاي الاحمر مال ليبتوووون


.
.
.

وبس خلاص
شمعووه يبييلي كريسبي كرييييييم انزيين لول جوك

[وعد]

اموت علي شئ اسمه جاي
احنا في بيتنا الياهل من عمره 3 سنين يصير مدمن جاي

بالنسبه لي ما احب الا شاي الهنود هذا الي يسمونه الكرك
طبعا مع الحليب

ام هالجاي الي بالنكهات ما احبه لانه ما يقند راسي

[خيال الحب]

انا من شفت الموضوع قلت اكيييييييييييد شمعة امل مافي غيرها



انزين ياااااااا شمعة امـــل


الجااااااااااااااااااااهي = شي خيال الحب كان ما يدانيـــه لين السنه الي طافت..

يعني الجاي شي مب مهم في حياتــي..

حد صبلي جاي اشرب ماقول لا..

بس يوم اروح الجامعه.. كنت اشتري الجاي الاخضر الي يبيعونه في ستار بكس.. لاني كنت وايد ازجم في الجامعه .. بسبب البررررد ,, وطعمه كان وايد حلوووووووووو عسب جي كنت يوميا اشربه ولين اليوم تقريبااا اشربه لاني مريض ياحليلي


وووو اشرب حليب بالزنجبيل بالغصب

وحليب زعتر

حليب نعناع

لازم حليب ماحب الجاي وايد


بشكل عام يعيبني الجاي الاخضـــر احسه احلى عن الاحمرر بوايد


وبس


هي صح شو بعد هاي ماركات الجاي


انا امي يوم كنت صغير كانت تشتريلنااا شاي ديوور.. بس الحين كبرناااا قامت تشتري LV



صيييييييييييييييييييييييي ييييييييييو

[قصايد غلا]

مـــــــــرحــــــــــــبــــــــــا

امممممم الجاهي مب مهم عندي وااااااااايــــــد :)

يوم ايي على بالي أشـــربه ، لكنه من 3 أسابيع تقريبا ما يا على بــــالـــي لوووول

يعيبني الجاي الأحمر مال ماركس & سبنسر ==> أحس به صدق جااااي حــمــر بمعنى الكلمة
من أغطّه في الماي غدا حمرررررررررر

أحب الجاي ويا الحليب مرااات على العشا و الريوق :)===> ويا حليب المراعي القواطي لأن الــرينبو (بوقوس) أحس به غششش

ما أحب شي اسمه هال أو جرفه يكونون في الجاي أو شي من ربعهم (هالسوالف العطريه) لأنها تخلّيني اتنرفززززز وأصدّع و ودّي أصفع اللي جدامي


بس أحب الزعــــــفـــــــران والنعناااع ويا الجاهي


شـــــــــــكــــــــــرا شمعه على الموضوع ...

[فركوشه]

درب درب انا وصلت..

انا احب اشرب الجااي الاخضر.. وجاي حمر بس على شرط .. سكررررر زيااااااااااده..

ويعيبني الـ كرك.. يا لزييييييييز..

بس ما يعيبني اشرب الحليييييييييييييييييييب بروحه .. تلووع جبدي على طوول..

[شمعة أمل]

اكتشـفت شـي

أنكم أبداااااااااااا ماتغامروون هههههههههه


لي عوده

بسـير اتمشى

[المزوحي]

مرحبا

الصراحة انا مب من محبي الجاهي ، وعاد دخلت الموضوع الحين .. فبرد عليج ..

أحب الكرك .. اما إني لازم أشرب جاهي حمر .. لا ..

إذا سرت عند حط وصب بي استكانه وبحيث يكون خفيف وأحبذ لو فيه زعفران .. عادي

أما الجاهي بانواعه ما أحبه .. شفت 6000 نوع في سبينس ... وبنكهات لكن ما أشربه ..

أما على طاري الهال .. والزنجبيل والزعتر ... هذا يكون في الحليب بدون جاهي ..

وشكرا لج على الموضوع

[ظبية]

يا سلاااااااااااااام عالموضوع جااااااي شااااااي tea


أنا احب ومدمنة جاااااااااي بالزعفراااااااااان هو واللي بالنعناع يا سلاااااااااااااااااااام يفرون مخي فره


وبعد جاي حليييييييييييييب