منو يحـب الجـاهـي؟؟

**تحفه** · 06-01-07 ||, 12:07 AM

نحنا الجاي حليب في بيتنا مقدس ..

احب الجاي الاخضر لانه مفيد

احب جاي بالزعفران اييبونه من مزرعة خالي في السودان ( صدق ما اتمصخر )

ويوم بتذكر الماركات بقولج

**عافك الخاطر** · 06-01-07 ||, 12:25 AM

اوه .. انا وايد احب الجاي .. ف بيتنا الجاي لازم ينشرب 5 مرات ف اليوم

بس انا عادي يعني .. ثلاث مرات ..مرتين ..
.
.

ماركة الجاي ما ادري والله !.. جاي حمر هو يعني ..جاي سيلاني

..اشدراني

وما اغامر في شرب الجاي اللي بالنكهات ..
ا1ا شي جاي جربتيه وطلع حلو ..خبرينا ..؟

**خنفروش** · 07-01-07 ||, 11:55 AM

المشاركة الأصلية كتبت بواسطة بوظبي

نحنا الجاي حليب في بيتنا مقدس ..

المشاركة الأصلية كتبت بواسطة وعد

احنا في بيتنا الياهل من عمره 3 سنين يصير مدمن جاي

أنا اتحرى بيتنا هو البيت العجيب // الله يسلمكم للحين ربع الطفوله إذا التقي فيهم ينشدوني عن الجاي حليب (( شاينا قريب من الكرك ))

الكل يشرب الشاي في الاكواب كبيرة الحجم // و من تـنـّـفض دله تدخل الثانيه

بس الشاي الي يخبل بي صق جاي بيت عمي (( الله يرحمه )) شاي حليب و بالهال

و إذا طريتوا الزنجبيل فمع الحليب بس و من القهوة الشعبية فالشارجه

عن سؤال المغامره // ما ادري إذا الي اسويه يعتبر مغامره // بس إذا انعزمت // يعني ما اتردد // شربت شاي الاعشاب و الشاي الصيني و الاخضر // اشربه بشكر و بدون على حسب ذوق المقدم

**حلم الطفوله** · 07-01-07 ||, 11:46 PM

السلام عليكم صديقتي شمعة أمل

قصتي مع الشاي الأخضر كانت من مجامله وانجلبت إلى إدمان

...

جربت أنواع كثيره واستقريت أخيرا على توينجر بنكهة النعناع ...

بس صدقوني أول فنجان شاي شربته عند صديقتي كان عجيب ؟ نكهته وطريقة تحضيره عجيبه ؟

حتى الكركديه تسويه غير ...ما شاء الله عليها ... عأساس إنه مزروع بحديقة البيت !

وأحب الزهورات والبابونج والمراميه .................يعني كل انواع الأعشاب

**حلم الطفوله** · 08-01-07 ||, 12:36 AM

رديت مره ثانيه

عندي معلومه بغيت أخبركم إياها ...

لما بتفورون الجاي سواء احمر او أخضر ...حطوا وياه أوراق من شجرة الليمون لو عدكم !

تخلي الطعم مميز والنكهه عجيبه .....جربوا وخبروني