منو يحـب الجـاهـي؟؟

[شوق القلوب]

السلام عليكم...

موضوعج حلوووو يا شمعه...و اكيد برجعله.. الحين انا في نصف حاله ذهول + تسطيـــــل = لاني مب راقده غير 3 ساعات

..


المهم.. و ع السريع

كنت اتوقع انه حد اييب طاري الجاي بالياسميـــــن..!

بصراحه جربته و حبيــــــــــته... اللي ايي في قوطي كلها نكهات و من ظمنها الياسمين من توينجر.. ( طبعاً هو جاي خضر بنكهه الياسمين ).. بس عقب جربت اخذ باكيت كامل .. بس مووول ماكان بنفس حلاه هذاك..

..
..

[شوق القلوب]

في هارفي نكلز عندهم جاهي ابيض ..!

كنت بغامر و بجربه.. بس عقب رديته..

حد منكم جربه ؟؟

[خنفروش]

نحنا الجاي حليب في بيتنا مقدس ..

احنا في بيتنا الياهل من عمره 3 سنين يصير مدمن جاي

أنا اتحرى بيتنا هو البيت العجيب // الله يسلمكم للحين ربع الطفوله إذا التقي فيهم ينشدوني عن الجاي حليب (( شاينا قريب من الكرك ))

الكل يشرب الشاي في الاكواب كبيرة الحجم // و من تـنـّـفض دله تدخل الثانيه

بس الشاي الي يخبل بي صق جاي بيت عمي (( الله يرحمه )) شاي حليب و بالهال

و إذا طريتوا الزنجبيل فمع الحليب بس و من القهوة الشعبية فالشارجه

عن سؤال المغامره // ما ادري إذا الي اسويه يعتبر مغامره // بس إذا انعزمت // يعني ما اتردد // شربت شاي الاعشاب و الشاي الصيني و الاخضر // اشربه بشكر و بدون على حسب ذوق المقدم

[حلم الطفوله]

السلام عليكم صديقتي شمعة أمل

قصتي مع الشاي الأخضر كانت من مجامله وانجلبت إلى إدمان ...

جربت أنواع كثيره واستقريت أخيرا على توينجر بنكهة النعناع ...

بس صدقوني أول فنجان شاي شربته عند صديقتي كان عجيب ؟ نكهته وطريقة تحضيره عجيبه ؟

حتى الكركديه تسويه غير ...ما شاء الله عليها ... عأساس إنه مزروع بحديقة البيت !

وأحب الزهورات والبابونج والمراميه .................يعني كل انواع الأعشاب

[حلم الطفوله]

رديت مره ثانيه

عندي معلومه بغيت أخبركم إياها ...

لما بتفورون الجاي سواء احمر او أخضر ...حطوا وياه أوراق من شجرة الليمون لو عدكم !

تخلي الطعم مميز والنكهه عجيبه .....جربوا وخبروني

[شمعة أمل]

بوظبي
يبالنا نجرب جاهي حليب بيتكم

عافك الخاطر
يعني بس تشربين جاي حمر؟ =)

هزاايم
ممكن اعرف متى ناويه اطرشيلي كرك بيتكم لول miss u too

الدلوووعه
لوووووول تسلمين على المرور

ذنيني
انت اول واحد ترد على موضوعيي من الى يغامروون انا بعد مرات احلي الجاهي بالعسـل .. خصوصا الى فيهم نكهه .. ولا ماحط شي فيه لول .. الا الحمر + كرك طبعا فيه سكر

مهابه
تدرين
في العيد كانو مسوين جاهي بزعفران .. مادري ليش ماعيبني وايد؟

الياه
missed u more yal sheep
"وفـ بيتنا يسوون خلطة عجيبه داخله ويا البسكوت المطحون" يوم ارد طرشيلي دله من هذا لو سمحتي هدية رجوعي لول
وعن الكرسبي كرييم ترا سويتلج اهداااء p=

وعد
"احنا في بيتنا الياهل من عمره 3 سنين يصير مدمن جاي " ماشااءالله لول انا في هالسن كنت مدمنة حليب

خيال
ماشاءالله حافظين اني مدمنة جاهي هههههه
تدري
الجاهي مال ستاربكس .. هم عندهم نوعين الى herbal .. انا يوم من الأيام بس جي سرت واشتريت القوطي .. بدون ماجربه .. وبصراحه مول ماعيبنيي .. انته تاخذ اي واحد؟؟ .. لانه شكلي انا خذت الثاني الى مب حلوو
وعن ماركات الجااهي لووول مااقصد جيييي .. تراني كتبت شركه\ماركه لول .. اقصد ال brand

قصايد غلا
انا بعد .. مول ماداني شي اسمه هااال >_< dunno why

فركووشه
لول عكسيييي .. انا ابدا ابدا ماحط شكر .. بالزوور احط نص خاشووقه ههههههه

المزوحي
ولييش ماتجرب .. طعمه حلوو والله

ظبيه
احب الجاهي المغربي الى ويا النعناع 3> عجييب

شوق القلوب
ماجرب الى بالياسمين .. السبب سخيف .. لكن لانه وحده ابدا مادانيها اسمها ياسمين ..
نصيحه مني لج .. جربي rose tea .. احلى جاهي بتشربينه في حياتج
وعن الجاهي الأبيض
اناااااا جربته الى بنكهة orange and spices من شركة نومي شي جيييي .. اشتريته اليوم .. طعمه غريييب على نت بااد

خنفرووش
لا p= ماتغامر واايد

حلم الطفووله
مسس يوو
جربي
جاهي اخضر بالليمون من نيووترشن بلانت .. بيعيبج وايد!

[ذنـيـنـي]

انا من متى اتريا الرد لول

انزين انتي ما قلتيلنا عن your اكبيرينس ويا الـجاهي D=

[شمعة أمل]

جاهي اعشاب ..
عندنا نوعين في البيت .. نيبهم من الصين
واحد شكله كوره .. يوم تحطونه في الماي .. يستوي ورده .. صحّي وااااااااااااااااااااايد.. بما انه القريه العالميه في دبي .. اكييييييد بيبيعوونه هنااك .. القوطي وايد حلووه .. عالغطا شي تنيين عود ذهبي
وشي نوع ثانيي .. جي قطع صغار صغااار .. يوم تحطونه في الماي يكبر .. بعد وااااااااااايد صحي .. وطعمه جيي مادري كيف بس خفييف .. ماتحسوون فيه


Rose Tea
أكتشفت هالشي من اسبوع .. في بيت ربيعتي
حاليا حصلته من 3 شركات
1- توايننغز .. ماعيبني وايد لانه بس 2% ورد .. و98% جاهي ..
2- ماركه سرلانكيه .. ماعرف شو اسمه .. الكرتون وردي .. واييكم ك اكياس جاهي .. حلووو
3- من هاروودز .. واحلى واحد .. لانه جاهي اصلي .. مب في اكياس ولا شي .. جي جاهيي وورد تحطونه في الماي .. وعشان تحلونه حطوو عسل ولا سكر.. احلى جاي ورد شربته & الى في بيت ربيعتي .. بس ماعرف هي من وين اشترته .. بطرشلي يوم ارد دبي


ROZA TEA
من أصل اسباني .. اشتريته يوم قبل لأسافر .. ف بس شربته مره.. ماله طععععععععم ههههههههه بس احلى شي فيه انه يستوي لون الماي ورديييييييي جيي يعني مال قم دلع
بتحصلونه في هارفي نكلز دبي .. لون الكرتون أسود


جاهي اخضر بالليمون
احلى واحد من nutrition planet اشربه تقريبا كل يوم
وثاني احلى واحد من توايننغزز


Fruit Bliss
من توايننغزز
روووووووعه
واااااايد حلووو
ويستوي لون الجاهي احمر على وردي


جاهي دانه
من الأردن .. مادري اي شركه .. عطتنا اياه الاميره هيا *الله يحفظها* ..
وايد حلووووووووووووووووووو
ومفييد
اذا شي يعوركم .. هالجاهي بيغوز الألم


كرك
همممم نحن في بيتنا .. عنا الجاهي حليب .. الى البشكاره تسوي الى ابدا مايعيبني وماادقه .. وعن نوع ثاني .. الى هو كرك .. بس نحن مانسميه كرك نسميه جاهيي برّي ..
لانه محد كان يضبطها غير ابويه .. وطبعا هذا يوم نسير البر .. ف سميناه جاهيي بريي .. اما الحينه شوي شوي يالسين نطوور ونحاول نسميه كرك
وطبعااااا
الى ابويه يسوويييه واااااااايد حلووووو




بعدنييي ماخلصت
تريوو يوم ارد دبي لانه كلهم هناك ومب حافظه الأسامي

[شمعة أمل]

ذنيني
كنت يالسه اكتب الرد يوم رديت p=

[تحفه]

تعالي حياج .. سوي مثل ربيعاتي .. يوم مثلا دوامي الساعه 8 وهم دوامهم متاخر يمرون على بيتنا يتريقون معنه محد في البيت لولز

[شمعة أمل]

يبالكم تجربون جاهي بالفنلاااا .. وايد حلوو


بوظبي
ان شاء الله p=

[جيز كيك سنيكرز]

وعليكم السلام والرحمه...

اشرب شاي اخضر بدون اي شي ...اللي في البيت كلهم يكرهونه مر

الجاي الاحمر جربته ويا الجرفه ..الزعفران ... الهال...ماء ورد..مسمار شو بعد اذا تذكرة شي بخبرج واحيانا نوعين من الجاى او ثلاث ما ازيد
ام الجاي بالحليب او الكرك انا ما اشوف فرق ...كنا نسويه بشاىBOHماليزي شو لذييييييييذ بس
يوم استخدمه مايحتاج شكر وايد
وعلى شان مايملون اللي في البيت اخلط.. تحصليني ساعات حاطه كل انواع الجاي الموجوده في البيت ..بس الجاي الاحمر ...

وجربنا البسكوت مع الكرك وقالولنا سيرلك بس عيبهم

ليبتون احيانا يوم احطه يخرب الطعم فا ابتعد عنه ...وماء الورد والزعفران احيانا على حسب بس الهال لازم

وعن الشاي اللي بنكهات احسبه احلى للكرك

والسموحه ^ــ^

[شمعة أمل]

^
أحسن لج تشربين الغريين تيي بدون ايي شيي .. انا بعد جيي .. مستحيل احط شكر فييه >_<
كيف تحطين سيرلك ويا كركp= طعمه مب غريب؟؟
مشكوره عالرد نسييتك

[خيال الروح]

ما اشرب غير جاي حمر
ولا كرك

يبالي اجرب الانواع الى كتبتوها
شمعه أمل شكلج خبيره في الجاي وانواعه

بس جاي بالفانيلا اول مره اسمع عنه

[قصايد غلا]

أوه نــســيـــت إنه يعيبني الجاي حليب بنكهة الفانيلا ==> أول ما شربته في بيت ربيعتي تخبّـــــلت على طعمه، واستغربت لأنها هي امسوّتنّه ، واستحيت لأني ما كنت أعرف أسوي جاي طعمه حــلــو لكن أحينه أعرف أسوي ...