السلام عليكم ورحمة الله وبركاته

كل عام وانتم بخير يا احلي الاعضاء ونعود مره اخري لسلسلة الابراج وهالمره مع برج الثور
والسموحه منكم علي التاخير والانقطاع لظروف خاجه عن ارداتي
وطبعا لازم نبتدئ بالمقدمة الي ابتدينها بكل برج سابق


ملاحظه صغيرونه
انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................


طيب اليوم بنتكلم عن برج الثور وعلي حد علمي عضوين من اعضاء الواحات هم من برج الثور
سبيجه بنت مبريج وطير الحب

مواليد هالبرج هم الناس الي يصادف تاريخ ميلادهم بين 20 ابريل و 20 مايو,
,يعني اذا صادف ميلادكم اي يوم بين هالتاريخين فاعلم انك من مواليد برج الثور,
,والكوكب المسيطر عليهم هو كوكب الزهره
وهذا الي يخلينا نشوف فيهم صفتين الصبر والعمليه


عيال هالبرج حلوين بس العناد عندهم زايد حبتين عن باقي الابراج ,,
ضحوكين بس الغريبه ما يضحكون علي النكت, لا لا,ضحكهم علي موقف يصير جدامهم
يعني ممكن تقول له نكته ضحكت وايد ناس وتشوفه بس يبتسم مجامله لك
وممكن موقف عادي ما يلفت الانتباه يصير جدامه وتلاقيه ميت من الضحك

عيال هالبرج عمليين بشكل عميق الا ان دموع الاخرين تاثر فيهم وايد
ومع انهم يوم يعصبون يخلون الي جدامهم يموت من الضيج لكن بعد ان تهدا الهوشه تحس
فيه سالفة تانيب الضمير
وكيف يسون حركات ترضي الاطراف
الي زعلوها


ما يحبون حد يقاطعهم بالكلام يعني تحمل تقاطع واحد من عيال برج الثور
لانك اذا سويت جذي راحت عليك :)

برج الثور يا يكون في منتهي الاتزان والعقل وتقدر تاخذ وتعطي معاه بالكلام
يا يكون علي النقيض تمام يعني يكون بينه وبين الاتزان جبال واوديه
بس بكل الحالتين تشوف فيه طيبه وان كان مو الكل يقدر يشوفها الا الي يعرفهم عدل

عيال هالبرج مع انهم طيبيبن مثل ما قلنا بس ما يسمحون الناس الي غلطوا بحقهم بسهوله
مب سالفه حقد,,يعني هم ما ينسون مش عشن حقودين لا بالعكس بس طبعهم انهم ما ينسون بكل بساطه
الي يشوفهم من الظاهر يعطيهم صفة الغرور
لانهم بيني وبينكم هم يتصنعوه *_^
لكن اذا عاشرتهم وقعدت وسالفت معاهم راح تحس بتواضعهم و خفة دمهم الي غالبا راح تنتجت من تصرفاتهم
تجاه المواقف والي راح تخليك تموت من الضحك
وهالشئ هم ما يعرفونه

يحبون يعتمدون علي نفسهم كثير,وعادة يوصلون للي يبونه
ويحبون يدلعون روحهم ويدلعون الي يحبونهم
سواء كان هالدلع بالاشياء الماديه او المعنوية


عيال هالبرج لهم اراء ثابته مو سهل انك تغيرها لانها تكون عادة ناتجه عن تجارب مرو فيها
وبالتالي حاول انك ما تغير من الشخص الي ينتمي لبرج الثور
لا لا بهالشكل راح تكون خسران
اذ تبي تكسب برج الثور حاول انك تتكيف معاه

وبما انهم ناس صبورين تلاقيهم ممكن يشتغلون بالاعمال الروتنيه بحكم انهم يعتبرون هالشئ
عمل مهما كان ملل او روتيني
الا انهم لازم يكونون قد المسؤليه



في النهاية عيال هالبرج ثقه ويعتمدون علي نفسهم بس حاول تتجنبهم اذا عصبوا

علي فكره ويليم شكسبير من عيال هالبرج

دمتم بخير