السلام عليكم ورحمة الله وبركاته،

صار لي شيء.. وحابة أوصلها لكم.. عندي نصيحة من قلبي لأهلي في هذا المنتدى وأتمنى كل واحد منكم يقرا هذا الموضوع ويوصل هذا الدرس إللي تعلمته لكل حد يعرفه..

أنا من يمكن شهر 10.. ياني شعور غريب.. شعور ما ينوصف.. حسيت إنا الله ويايه.. إحساس إنّ هو ويايه .. حتى قمت ما أخاف من أي شيء.. أحس إني في آمان.. أحس محد يقدر يلمس شعرة مني.. حتى لو أطلع نص الليل، أمشي في الفريج، أحس بمشي ويا الله و محد بيقدر يتقرب مني.. أحس إني بحفظ الرحمن..

ومرة كنت أكلم ربيعتي عالم س ن.. فجأة حسيت شي ثجيل على قلبي، وفي شيء يقولي >> هذا حب الله يغطي قلبج.. حسيت إني أبا أقول حق كل حد >> الله يحبني .. لأنّ أوّل ما كنت أعرف إذا الله يحبني أو لا.. لأن يمكن أكون مقصرة في شيء، ما أدري يعني.. بس من هذاك الوقت.. صدق "أحس" إنّ الله يحبني.. أحس بهذا الإحساس.. الحمدلله الحمدلله.. شعور في قمة الروعة..
لأن على فكرة، أنا دوم صلاتي في وقتها إلا صلاة الفجر شوي مقصرة فيها.. وأحب أسمع القرآن.. يعني أسمعه أكثر من إني أقراه... وأحب أتصدق، أستانس وايد.. الحمدلله
ومب إن زادت عباداتي.. بس يوم سألت أمي ليش ياني هالشعور.. قالتلي: لأن قلبج طيب و دوم تبين اتساعدين الناس، واتساعدينهم من قلبج و بحب.. هني صح كلامها.. أنا أعشق مساعدة الآخرين..
بس مادري والله.. الحمدلله الحمدلله..

شيء ثاني حصل لي.. من كم من يوم.. مثل ما قلت قبل في شيء بيني و بين اختي.. المهم أنا دوم أدعي إن كل شيء يستوي أوكيه بس مادري ليش >> الله ما يستجيب، يمكن هو إيأجل أو ما دري شو بالضبط.. المهم، مرة رقدت وأنا أفكر في الموضوع و وايد كنت مظايجة.. المهم رقدت وحلمت إن كل شيء استوى أوكيه.. كنت أبا أعرف التفسير بس ماكان عندي حد يعرف يفسر.. والبارحة رقدت وأنا أصيح لأن كل شيء استوى أخس!!!ّ بس في نفس الوقت>> دوم كنت أدعي، والدعاء ما يوقف.. كنت أ>عي دوم بس كنت أعرف إن ما في شيء يتغير، ولكن على الرغم من ذلك كنت أدعي.. وحلمت مرة ثانية إن كل شيء استوى أوكيه.. ويوم سألت عن التفسير.. التفسير كان واااااااااااااااااااااااا اااايد أوكيه.. عقب عرفت إنّ الله يالس يجاوبني.. لأن يوم أرقد و أنا يائسة أحلم نفس الحلم.. ف الله هني يرد علية.. الحمدلله الحمدلله.. يوم عرفت التفسير تميت أصيييييييييييييييييييح من الفرح.. صدق الله ويايه.. على قد ما بتكلم أو أكتب ما بقدر أوصف لكم هذا الشعور.. شعور الطمأنينة والحب والسعادة والأمن والآمان... اللع يعطيكم كلكم هذا الشعور.. الحمدلله الحمدلله

نصيحتي: خلّوا إيمانكم بالله قوي.. وإذا تبون شيء.. ترى الله موجود.. وهو الوحيد إللي ما بيخذلكم.. عطوه الثقة التامة وفي حياتكم ما بيخذلكم.. هذا الله .. والنعم بالله..
وخلوا الله مثل أقرب صديق لك.. لأن علاقة الصداقة بينك وبين ربك >> تبني روح المحبة والقة.. يجي يكون فيه حب متبادل وحب إنته انحس فيه.. واتحس إنّ هو قريب منك، مثل ما أنا أحس به.. أحس به في صدري موجود.. قريب مني.. الحمدلله الحمدلله..

السموحة عالإطالة..