كل شي تافهه

[المزوحي]

بوظبي ...

يوم أمل من عدة أمور .. اتخيل كل شي تافهه .. فتهون عليّه بعض الأمور

بوظبي .. ليش يعني حيااتج تافهه ..!

[تحفه]

مادري .. مافي شي مهم !

[المزوحي]

بوظبي

الروتين جعلنا نشعر بـــ " هالشي "

مانبغي تفكيرنا يكون ســلبي ..

بس تدرين

انا أقوول كل شي تافهه ... اهوّن على نفسي ... على أساس ما آخــذ بعض الأمور بنرفزه

اما انتي .. لاتجعلين حياتج بهالشكل ..

الله يسعدتج ..

[تحفه]

في الثنويه : كنت ابي اتخرج وبس .. وتخرجت وكلشي اوكيه

بعد الثنويه : ليسن وسياره .. وحصلتهم

في الجامعه : ولاشي !! ماعندي شي مهم اعيش علشانه !!

الدنيا بايخه وايد

[المزوحي]

كلامج صح ...

نحن نعيش عسب نعبد الله

لكن إن ييتي من ناحية الامور اللي طريتيها ...

فيبالج تجديد في حياتج

في الجامعة نفس الويوه .. نفس الناااس .. نفس الروتين .. ترجعين البيت نفس الشي

الحمدلله ..

حاولي ... تطلعين من اللي فيه ...

[تحفه]

على فكره ما امشي على روتين علشان اطفر منه ..
وبعدين موضوع اني اشوف حياتي تافهه جديم.. يعني اعرف هالشي من زمان! لكن مشكلتي اني ما اواجه نفسي ..

حياتي في تغير مستمر "تجديد ع قولتك" .. لكن انا دايما احس ان لومهما سويت ولومهما وين وصلت ماحس اني راضيه و فرحانه ..

[تحفه]

على فكره وايد صعب على الانسان انه يعترف ان حياته تافهه

[المزوحي]

ليش

ماشي قناعه مثلا ...

وإلا تحسين لأنه كل شي تبينه تحصلينه بسهوله ، فــ " ماشي " احساس بأهمية شي

[تحفه]

بالعكس .. مافي شي حصلته بسهوله .. الكلام يوم ينقال غير الافعال ..

وعن الـ قناعه ! مادري .. ماعندي تعريف معين للقناعه

هل معناتها اني ارضى بكل الي يصير؟
او اني ما اكون مصممه في اي شي ما صارلي؟

[المزوحي]

بوظبي

عني انا .. القناعه ..

إنه عندج واااايد شغلات ... وتبين اللي عند ربيعتج .. ماعندج قناعة باللي عندج

اعطيج مثااااال ... مصروفي في يدي والحمدلله أقدر اشتري اللي ابغيه ..

لكن مب كل شي في خاطري لازم اشتريه .. عندي موبايل .. مشيت على الجيل اليديد

لكن مب لازم أبدله كل شهر ... عندي قناعه .. والحمدلله ..

في ناس ماتقتنع باللي عندها ... حتى لو مب محتاجه .. بتشتري لأنها حاسه بنقص .. وبس

ومع هذا كله ... مافي سعاده مع إنها تملك أشياء وأشياء ..

والقناعة ممكن تكون الرضا بالنصيب ..

[تحفه]

لا عيل طلعت قنوعه

[المزوحي]

الحمدلله

تدرين

بطلع من التفاهه وبدخل في القناعه ( لووول )

شو اللي خلاااني أحس بشي اسمه قناعه

على سبيل المثال

في خاطري اشتري موتر .. وهالموتر هو خلنا نقول : لاندكروزر ... وماقدرت اشتريه لأي سبب كان

مب مهم السبب الحين .. وخذت برادو .. مع إني ابغي اللاند ..

الحمدلله .. على الأقل عندي برادو ... في حد ماعنده سيارة .. يعني مب لازم أقول ليش فلان عنده

رنج وانا ماعندي ...

يوم بنحس الدنيا فانيه ( أقصد في كل لحظة يكون الشي على البال ) بنحس بالقناعه

يوم بنفكر في احوال الغير اللي هم من دونا .. بنقتنع باللي عندنا ..

ومابتعرفين لو أقولج .. مستوي ... مايهمني كلام الناس شو عندي من المواتر وإلا موبايل

ولا كيف طريقة لبسي .. صح نحن عايشين من بين الناس ولازم نسوي حساب .. لكن مب في كل شي

[المزوحي]

فلو صرفت كل وقتك وجهدك على توافه الأمور..
فلن يتبقى مكان للأمور التي تهمك..

[صدى الأحزان]

السلام عليكم

الانسان اذا نظر إلى توافه الامور راح يتعب طول حياته
وعلى الشخص أنه يهتم بالامور المهمة في حياته لان هي اللي راح تسير حياته
مب توافه الامور اللي نقدر انه نتغاضى عنها واللي ما راح نستفيد منها اذا كبرنا هالامر

وبالنسبه للقناعة حلو الشخص أنه يكون قنوع ويرضى بالي عنده ويطالع اللي أقل منه دايمه لأنه اذا طالع فوق راح ما تكفيه أموال الدنيا اذا عطوه ...

[تحفه]

i am much better now :)

thank you