كل شي تافهه

[المزوحي]

يلست بين وبين عمري وحسيت كل شي تافهه

بس جيه .... يتني لحظة حسيت كل شي كل شي تافهه

بعدين " فكرت " ليش ياني هالاحساس ...

هل ينطبق على مستوى تفكيري .. وعقلي الباطن .. بشو أنا أحس ..

كيف أفكر ..

الحياة حلوة بس نفهمها ..

أمور تنرفز .. حاولت أشرحها في بالي .. وأشوف شو السبب اللي يخلي " شخص ما "

يتصرف هالتصرف ... ويالس احط له اعذار ... أدور عذر واحد على الأقل ... عسب أنا

ما اتنرفز من لاشي ...

شو اللي يخليني أكدر نص يومي عسب باجر دوام من بعد الإجازة

الجواااب : لأني انا مستمتع بالإجازة، وأحس الدوام يسبب لي الاحباط .. وأنا من صنعت هالشي

خلك كووول على طووول وأنسى هم الدوام ،، وكل شي بوقته حــلو

داوم ويوم بتظهر أنسى ...

[مــهــابه]

اخـوي المـزوحي:

انـت تـقول :

كـل شي تـافـهـه

يـمكـن لأنكـ كـنتـ ضـايج وزعـلان ، طلـعت منكـ هالـرمسـه

اللي فـهمـته من رمسـتكـ انت متـضايج لأن بـاجر دوام ، وبتنـقطع الإجازه

هـذا شـعور طبيـعي

نـحن طـلاب الجـامعه ، نـتضايج كلـ ماقـالوا لنـا بـاجر بـتروحون الـعين ،أو بـاجر دوامـات وجيـه

انـت عـسب تـؤدي شغـلكـ على أكمـل وجـه

ضـروري تحـب المكـان اللي أنـته فيـه

تـحب شغـلكـ

تحـب أصحاب الـعمل

عـسب تـعطي وتنـجز

لكن لـو تضجرتـ ، وتنـرفـزت ماراح تـستفيـد شي


فـالحيـاه أشيـا كثيره أكبـر نتـضايج عـسبهـا ، لاتـشغل عـمركـ بهالاشيـا الصـغيره

[المزوحي]

بخبرج

إني انا ولله الحمد " إني أسوي شغلي " على أكمل وجه واحب زملاء العمل ..

لكن أحيانا المرؤوسين يفرون رمسه من دون سبب " مع إنه نشتغل " مادري يبووون إنه ننجز

أكثر .. فهذا أسلوبهم ... !! الله أعلم .. بس سياستهم بايخه الصراحه ...

وعقب فترة يوم انبسط أقووول ويييييييييه عيل اشحقه اتنرفز ..

[ألم ترى]

بسم الله الرحمن الرحيم ..

هلا خوي ..

يمكن انا مثلك او انا مثلك اصلآ ! ..

لكن احاول احطي كلمه بين قوسين دوم مب يوم ..

القناعه والرضى ف كل شيء ..

سواء فرح ام زعل ف القناعه تكون اكبر اكيد ..

ياخوي خلك كول ولكن اقولها لك صعب انك تغير ذاتك وإن تقدر فأنت غير ! ..

والحياه طيبه وربي لكن لـ اللي يستغلها صح ..

يمكن مافهمتك لكن مب حلوه ادخل واطلع بدون رد ..

الله يسعدك ف الدارين ..

[المزوحي]

تسلم " ألم ترى "

اتذكرت .. أبغي أقولك ... الأيام تطوف ... وأقووول شو اللي خلاااني أطوف يومي بنرفزه ..

بس ماينفع أقووول " لــو "

ودام إني عرفت ... أتمنى حد يفديني أو أنا أساعد نفسي اتخلص ... من هالطبع

[تحفه]

ليش ما تفكر فيها بشكل ثاني؟

(توافه الأمور هي أساس الأمور الكبيره)

[المزوحي]

بوظبي

قصدج

الأمور التافهه هي اللي تجر لــ الأمور الكبيره ... ؟؟؟

لين ماقدر أركز الحين !

[تحفه]

لأ .. قصدي الاشياء التافهه "على قولتك" هي الي تحدد اختياراتنا في حياتنا

لأن لو تفكر فيها .. الاشيا البسيطه هي الي تشكل الاشيا الكبيره ..
مثال:
شخصيتي تتكون من صفات معينه " بسيطه او تافهه على قولتك" وهي الي مسويتنلي حضور!!

[تحفه]

اقصد ماتقدر تقول تافهه حتى على الاشيا التعيسه

مادري اذا فهمتني

[المزوحي]

ايوه فهمت

[تحفه]

عاد ان شاء الله قلت شي مفيد لول

[المزوحي]

العاصمة ماتقول شي مفيد

[فنجان قهوة]

احساس غريب بس بعض الاحيان الانسان يحس باشياء غريبه
الله يعينك ع الدوام

[المزوحي]

هو من ناحية الله يعيني الله يعيني الصراحة

وهالاحاسيس الغريبة لازم نصد عنها

فنيال اقهوه شكرا لج

[تحفه]

مادري شو الضروف الي خلتني اقول الكلام الي قلته .. مرات احس ان حياتي تافهه