سوالف السنه اليديده
أول شي احب اقول ان العيد كان وايد بايخ وممل بطريقه مب طبيعيه .. كان مجرد روتين عزايم واكتشفت ان الكل حاس انه ماشي عيد لول
المهم ..ماصورت وايد في العيد بس هاي مقتطفات وماكنت بحطها لولا اني شفت في الصور اشيا حلوه مثل الاضاءه والالوان وجيه ..
ماعرف من وين ابتدي اراويكم الصور ..
بس بفتتحها بصورة واحد الله يستر عليه .. لاحضنا انه ما يفج من تيلفونه حتى في وقت الغدا وامه تعبت من كثر ما تزقره جان اقوله بصورك وبفضحك وبحطك في النت .. قالي اتحداج .. قلت له بتشوف .. والحين مابا طبعا اصوم ثلاث تيام لول
" هاي صورته" ونا قابضتنه بالجرم المشهود عقولتهم لول
وهاي الصوره كنت ايرب فيها الفوكس .. ادري سخيفه بس مادري الوانها حلوه .. قلت بحطها في المنتدى وبحذفها من عندي .. مادري .. شورايكم تستاهل تنحط؟
وهذا في النيو يير .. شفناهم ونحن رادين البيت .. كانو يسوون حركات في الشارع .. وناسه ياليتني في مجتمع تفكيره سليم-صحيح يخليني اروم اسوق دراجه
وهالسيديه الي انذلينا عليه .. طول الدرب نتسمع نفس الاغاني .. اكتشفت ان الاغاني العربيه اتصدع
وهاي الصوره من الصور العدله الي خذتهم في السنه اليديده .. وكنت مابحطها الين ما اكتشفت فيها شي مخترب وعشان جيه حطيتها لول
وهاي عيديتكم ..
رد مع اقتباس
هابي نيو يييييير بوظبي 
المشاركة الأصلية كتبت بواسطة الـيـاه
رد: سوالف السنه اليديده
مواقع النشر (المفضلة)