مكتأبة واايد !
.
.
اليوم المفروض يكون مميز ~ بس للأسف ماكان !
ولا حسيت انه عيد أبداً
.
كنت متعودة اجهز للعيد من فترة ,
بس هـ العيد غييير لحد الساعة وحدة بـ الليل أمس ما كنت ادري شو بلبس !
لأني وببساطة من شهرين ما شفت غير الشارع اللي يوديني المدرسة فما اشتريت اي شييي يديد
.
كنت متعودة أسير أصلي العيد أسمع الخطبة أسلم على ربيعاتي في المصلى
بس هـ العيد ما نشيت ولا حسيت بصوت ماما وهي تقومني !
.
الصبح سرنا بيت يدوه و سلمنا على اهلنا كلهم , والعصر كنت انا بـ البيت !
.
و يـ الله بسم الله خططي لباجر يا فراشة , عشان عندج امتحانات نهاية الكورس عقب يومين !
عيل هذا عيد هذا ! شو هااا متغصصه
احس كل ما ييت بفتح الكتب تنسد نفسي واقوم عنها ما اعرف كيف بذاكر باجر , لان باجر اجباري اني اذاكر !
مضايجة , مكتأبة , حتى احس مخي يعورني , بس لااااه من الدراسه
ماشي شغل اهملنا نفسنا واهلمنا دينا وحياتنا , كله عشان شوية كتب
.
.
راحت عيونا من كثر ما نقرا , و ياليت في نتيجة ترضي
والله احس اني مب راضية عن نفسي , في الفترة الاخيرة صرت واايد مهملة
مهملة ديني يـ الله اذا كان عندي وقت اقرا صفحتين بس من القرآن في الاسبوع
العشر من ذي الحجة ما صمتها , لاني وببساطه اتعب واذا تعبت ما بقدر اركز في الدراسة !
,
,
تفكيري كله مستوي تقارير , مشاريع واجبات امتحانات ~ صار كمبيوتر
و احس بدأت الفيروسات تقضي عليه !
.
.
يعني متى بنسوي شي لآخرتنا , كل شي لـ هـ الدنيا !
نصبح نمسي ما نفكر الا بـ الدنيا , وآخرتنا اخر همومنا صايره هـ اليومين !
يمكن اموت اليوم او باجر !
.
.
متى بسوي شي لأخرتي اذا كل اللي اسويه طول اليوم للدراسة !
حتى صلاتي صايره ما فيها خشوع
.
.
ما ادري شو خربطت فوق وما بقراه مره ثانية
اسمحولي يمكن غبت عنكم فترة طويلة وراجعة على طول بموضوع بـ الفضفضة
بس والله متغصصه
وما عرفت وين اطلع اللي في خاطري , قلت ماشي غير الواحات بيتي الثاني
رد مع اقتباس
تحسين بفخر
صدقيني
وريلاكس ... واشغلي نفسج بشيء تحبين تسوينه دايما هوايه مثلا ...تصميم .... رفهي عن نفسج شوي وبتحسين بتغير وبيكون لج كدافع إنج ترجعين للدراسه بمعنويات عاليه ... الدراسه مهمه ...لكن بحدود ... 
مواقع النشر (المفضلة)