فراشة ود

الله ايعينج

وايدين الى حالهم من حالج.. بس شو نسوي

أنا ما صمت غير يوم عرفه لانه اليوم الوحيد الى عطونا اجازه فيه

و كنا وايد مضغوطين على آخر اسبوعين بالمشاريع و التقارير الى ما ردوهن علينا عشان نعدل الأخطاء الى فيهن قبل بفتره..

هذا طبعا من غير المنهج الى لازم نخلصه و الامتحانات العمليه و الامتحانات الشفويه الى ما خلصناهن

خصوصا الرياضيات (المفروض ست امتحانات شفويه و انا ما امتحنت غير مره وحده)

متى بمتحن ؟!!! (( ما امتحنت غير آخر يوم فالدوام))

.
.

كنت أحضر الحصص و انا أفكر فالى لازم أسويه.. مشروع الجلوجيا ناقص.. الكيميا لازم انسوي التجربه

الأحيا لازم نعيد التجربه لانه البنيه الى ويايه غلطت.. تقرير مشروع الفيزيا ما سويناه.. مشروع الرياضيات لازم نسوي المجسم

و أخس شي فالسالفه أنه الشغل لازم يكون جماعي يعني إذا وحده حضرتها مب ناويه تكمل شغلها بتنقصين

و البنات الى ويايه كل وحده منهن تعق الشغل عالثانيه.. يعني لازم أنا الى اركض وراهن عشان ايخلصن الشغل

و شي منهن ما بيسون شي لين ما تظاربينهن و تهددينهن انج بتخبرين الابله

أظني أنه حالي مب أحسن عنج

بس بعد.. حاولت اني أستانس بالعيد قد ما أقدر

إذا اتحسين أنج متضايجه حاولي أنج اتسوين شي تحبينه

اليوم المسا اشغلي عمرج بأي شي يعيبج عشان تكونين متهيئه نفسيا للمذاكره باجر

و لا تنسين تغيرين المكان الى انتي متعوده أنج تذاكرين فيه.. أكيد أنه هذا يأثر بعد

اممممممم.. شو بعد

حطي فبالج انها فتره و بتطوف بسرعه و ان شا الله تكون درجاتج عااليه يا فراشتنا

و لا تتظايجين عشان شي ما يستاهل.. انتي سوي الى عليج و الباقي خليه على الله

..

و السموحه.. طولت عليج