نقاش مفتوح في عالم فن الرسم

[عمة العيم]

هي هذه الغلطه لو تعرف ليش سويتها بتضحك

لان الفرشاة العوده يبالها كوب عود عسب انظف بها بالمحلول هذا ثنر

وانا من ضيج المكان كل شي عندي اييبه صغير

الله يعييين

ترا قلت انا اخر شي يوم اخلص كل شي برد بصبغ الخلفيه طبقه اخيره عقب بخلط بفرشاة عوده عسب تستوي قطعه وحده بدون اثر الفرشاة

يالله اتريوني اخلص منها عقب براويكم العروس (^_^)

...

[المحاق المشتعل]

ياسلام عليج عمتنا والله يعينج من ريحة التينر هذا

في انتظار العروس

[أنامل قلب]

اسجل مروري .. >>
>> تعبت كل يوم أمر عـ هالموضوع ^_^

.
.

ولازلنا ننتظر ..
ونستفيد بفضل الرحمن ..

لكن من بعيد لبعيد >>>
>> يعني نراقب من وراء الكواليس .. : )

.
.

سامحونا عالقصور ..
والشكر الجزيل لكم ..

.
.

احترامي ..
أنامل قلب ..

[المحاق المشتعل]

انامل قلب

للأسف قلة الفنانين إلي في هاي الواحة وقلة النشاطات بردت
الرغبة في المشاركة

لذا ننتظر في يوم تنفرج علينا بفنان يديد يفتح علينا جو جديد
من المنافسة الطيبة

...

أشكر اهتمامج
وان شالله اهتمامج يكون في محله
كل امتناني

محاق

[عمة العيم]

السلام عليكم ورحمة الله وبركاته


اخيراً خلصت الرسمه

لا تقولون لي عدلي مني وعدلي مناك


مليت منها مابدقها نفاد



لاني مختاره الكانفس غلط وايد يابس مب حلو



(^_^)
...

[المحاق المشتعل]

يا سلام يا سلام

شو هاي اللوحة والله جد جميلة ولا يبالها تعديل ولا شي

ما شالله عليج يعطيج ألف عافيه على هالشغل الفنان

كم خذت منج وقت ؟؟

في انتظار ردج

والله جد وايد روعه

[عمة العيم]

الله يسلمك

ماعرف كم خذت مني وقت ماحسبت :(

(^_^)
...

[المحاق المشتعل]

مب مهم الوقت كثر ما انه الخبرة إلي حصلتيها من الممارسة في هاي اللوحة

هي الأهم ... وكل لوحة اطولين فيها تعطيج خبرة في هالمجال مالها مثيل

فلتستمري عمتنا ولا توقفين وننتظر المزيد منج بإذن الله

كل التقدير

محاق

[عمة العيم]

ان شاء الله محاقنا

و انا في صدد تنزيل مراحل عمل لوحه يديده من الالف الى الياء

دعواتكم

(^_^)
...

[الشوق]

سؤالي اذا الواحد يبي يبحر في خياله في الرسم بس ما يعرف
يبحر ؟.. فكيف يظهر هالخيال
يعني مليت من التقليد .. ولو ييت ابحر من الخيال تطلع السومات اتضحك جنهن مال اليهال
مب حاله يعنـــــــــــي شو الحل ؟؟؟
.
.
ادري ان سؤالي عبيط
بس حابه اعرف اجابته
والسموحه ع التأخير
اختكم/ الشوق

[المحاق المشتعل]

فنانتنا الشوق

سؤالج وجيه وهالموضوع إلي سألتي عنه كان امحيرني في ايام الطفوله

التقليد عامل قوي في تقوية الخيال لكن بعد فترة لازم تقدمين على خطوة اكبر

وهاي الخطوة اتكون مثل خطوة تعلم الطيران لدى صغار العصافير واختيار

عالمهم الخاص فيهم

وبالإصرار مافي شي صعب أختي الكريمه

اكيد في البدايه بلا ادنى شك اغلب رسماتج ما بتكون مضبوطه

لكن مع المحاوله المتكرره لرسم شيئ ما بعدة مرات ستكون هناك نتيجه رائعه بإذن الله

حاولي بعد انتهاءك من رسم الصور

ان ترسمي من الواقع المحيط بك

وافضل ما تقومين به الآن هو رسم ( للطبيعة الصامته )

على سبيل المثال ( كوب . مزهريه . فوكه . ورود ... إلخ ..

بس من الواقع المحيط بج مب من صوره )

ويوم بترسمين القلاص مثلاً

ارسميه مرة مرتين ثلاث لين ما تضبطينه

بتلاحظين عقب

انج لو بغيتي ترسمين قلاص ( بترسمينه بدون لا تشوفينه بكل

سهوله من خبره حياتيه مارستيها مسبقاً )

وبهاي الطريقه يتكون الخيال ( وهاي مب الطريقه الوحيده )

اقوى طريقه للحصول على الخيال يوم تكون فيج إراده ورغبه قويه لرسم شيء معين

هني وفي هاي الحاله تكون درجة التخيل لا محدوده

انا وايد احب هاي اللحظه من التفكير

لأنه اقوى رسماتي رسمتها وانا في هاي اللحظة التفكيريه

اتمنى توجدين هاي اللحظة الخاصه فيج في يوم بتعرفين يومها شو قصدت

موفقه أختي الفنانه الشوق بإذن الله وبانتظار المزيد من الاسئله

ترى الموضوع موجود للجميع وانا بعد اذا شكلت في شي بسأل إلي اعلم مني

كل الود والتقدير الفني لك أختي

محاق

[الا انا]

بنت الدلع وايد حلوه رسمتج """

محاق .... بصراحه انته قمه بالابداع ...

موضوعك روووووووووعه وفن يا فنان

بالتوفيق انشاالله وللأمام دووووووووووووووم

[المحاق المشتعل]

الدافيه

أشكر لج وجودج الفنان

تشجيعج كفيل بطرح الكثير من المواضيع القيمه

وان شالله بجهودكم وافكاركم بنتوصل لأفضل من هالموضوع ان شالله

جداً شاكر لج حضورج الطيب الدايم

تقديري

محاق