نقاش مفتوح في عالم فن الرسم

[المحاق المشتعل]

بنت الدلع



مرورج اسعدنا كثير

وان شالله ما يكون مرورج إلا بفايده تستفيدينها وتستمتعين من طرحنا المتواضع

كما أن الشكر لتعاون الفنانين وعلى رأسهم عمة العيم ... مافي غيرها هههه

بنت الدلع

انتي فيج الإبداع وعندج فن التصميم وهذا يعني انج رسامه في داخلج

وأعمالج جداً حلوه ... واتمنى لو حتى اتكون في اسأله في مجالج متعلقة بالرسم اليدوي

انج ما تترددين بالسؤال ابداً وان شالله بنجيب على أسئلتكم كلها بإذن الله تعالى

حتى لو ما شي اسئله

اعتبروا الموضوع مثل تواصل فيما بينا في هالجانب

شكراً جزيلاً على مرورج الكريم أختي بنت الدلع

[بنت الدلع]

تسلم والله هذا من ذوقك

حبيت فيك روح التعاون .. ماشالله عليك

بغيت اخذ رايك او بالأحرى انتقادك في هذي الصوره

بس لاتقطعني وايد .. لاني مول ما انفع للرسم

باسم الله نبدأ

.

.

.







انا بقولك ملاحظاتي عليها

1_ (( العــين معوقه ))
2 _ حياتها وايد مايله

والباجي عليك

[شوق القلوب]

السلام عليكم..

دام الكبار اتكلموا.. احنا بس نسمع و احنا ساكتين

ماشاء الله عليكم :)

[المحاق المشتعل]

بنت الدلع

رسمج جميل وبالعكس هاي اكثر الرسمات الشائعه بين البنات

وبين بعض الشباب ايضاً

وبعض الناس كانو يرسمون عيون بعد هههه ( عمة العيم )

هي الرسمة حلوه وانا إلي بقولج عليه حاولي اتحطين دائره سوده اغمق

من الدائره الأولى في وسط الدائره إلي سوييتيها واتكون اصغر اشويه

وشوفي الفرق عقب إن شالله

اشكر تواجدج ومشاركتج الطيبة

وان شالله ما ننحرم من هاي المشاركات الطيبه

[المحاق المشتعل]

شوق القلوب

اشكر تواجدج القيم

ترى الموضوع موضوعكم

وإذا ما شاركتوا فيه بيتجمد بمعلوماته

والكبار مثل فنانينا عمة العيم والريشة الزرقاء فعلاً ما يقصرون

وان شالله نحن نستفيد منهم بس يكون هالشي بالتواصل فقط

فنحن في انتظار مشاركاتكم الطيبه

[المحاق المشتعل]

عمتنا ما زلنا في انتظار اجاباتج

[أنامل قلب]

احم احم ..

عندي سؤال >>> انزين شو انسويلج ..

امممم .. أأأأأ .. مممممم .. >>> حاسة جي سؤالي ماله خص ..
أو يمكن يكون خارج الحدود المقصود منها هذا الطرح ..

المهم وايد أهذرب ..
بس حبيت اسأل سؤال يمكن تشوفونه مب راكب عدل .. >>
>> ياخي فهمنا ان سؤالج غلط ذبحتينا ..

.
.

انزين بقول كلتوني .. ^_^ ..

إذا وحدة شايفة الرسم لها مجرد هواية ..
يعني كل ما بغت تريح رسمت ..
تبي تونس نفسها رسمت ..
تبي تفضفض رسمت ..
تبي تعبر رسمت ..

بدون مالدير بالها على قواعد الرسم .. وغيره من اتقان لأسس يستند عليها
كل رسام ..

وحبت هذي الاخت بعد اللوحات السنعه اللي شافتهم " احزرو عاده بأي منتدى "
انها تدخل بهالمجال .. اللي هو الرسم كإتقان ..
يعني بإدراك القواعد والطرق السليمه والصحيحه للرسم .. وباقي الخربطان >>
>> طبعا ماشوفه خربطان .. بس كلمه وتنقال ..

وووووو بدون هذربان زايد من اختكم الكريمه ^_^ ..

بشو تنصحونا ..
وشو هي أول عتبة لازم تخطيها عشان تستند عليه بهالمشوار اللي
إن شاء الله تفلح فيه بعد ما لوعت بجبودكم .. ..

ويعني وايد اشيا بخاطري عليها علامة " ؟!؟ " ان شاء الله
ببط جبودكم ابها ..
بس صبرو علي انتو ^_* ..

(( وطبعا سؤالي موجه لكل من عنده راي وفكر واحساس وموهبه تسكن كيانه .. ))

.
.

وبالنسبة لما سبق من اسئلة طرحها غيري وأجاب عليها مبدعين ..
حبيت أقول اني مريت عليهم وأعجبت ابهم كلهم الصراحة ..
وباذن الرحمن أكون من أول المستفيدين منها ..

.
.

ولطارح الموضوع جل الشكر والامتنان على اهتمامه
بكل ما يخص هذا الفن واهله ..

جعلك ربي من المرتقين ابها أعلى المراتب بما يرضيه دائما يارب ..

.
.

آسفة عالاطالة اخوي المحاق .. فكالعاده ماروم ألخص بالكلام .. : )
ولا حرمنا ربي من طيب لوحاتكم ..

لك احترامي ..

اختك أنامل قلب .. ^_^ ..

.
.